| target_sentence | |
| 36 ገሊኦም ድማ ብላግጽን ብመግረፍትን፡ ኣብ ልዕሊ እዚ እውን ብመቝሕን+ ብማእሰርትን+ ተፈቲኖም እዮም። | |
| 37 ብዳርባ እምኒ ተቐቲሎም፡+ ተፈቲኖም፡ ብመጋዝ ተቘሪጾም፡ ብሰይፊ ተቐቲሎም፡+ ኣጐዛ ኣባጊዕን ዲኖ ኣጣልን ተኸዲኖም ዞይሮም፡+ ስኢኖም፡ ጸቢብዎም፡+ መከራ ጸጊቦም እዮም፣+ | |
| 38 ዓለም ከኣ ንዓታቶም እትበቅዕ ኣይነበረትን። ኣብ በረኻታትን ኣብ ኣኽራንን ኣብ በዓትታትን+ ኣብ ጐዳጕዲ ምድርን ኰለል ኢሎም እዮም። | |
| 39 ኵሎም እዚኣቶም ግና፡ ብእምነቶም እኳ እንተ ተመስከረሎም፡ ነታ ተስፋ ኣይረኸብዋን፣ | |
| 40 ብዘይ ብኣና ፍጹማት ምእንቲ ኸይኰኑስ፡ ኣምላኽ ብዛዕባና ዚሓይሽ ኣቐዲሙ ርእዩ እዩ።+ | |
| 2 ስለዚ፡ ምእንቲ ኸይንውሰድ፡+ ናብቲ ዝሰማዕናዮ ኣዚና ኸነቕልብ ይግብኣና እዩ።+ | |
| 2 ከመይሲ፡ እቲ ብመላእኽቲ እተነግረ ቓል+ ጽኑዕ ካብ ዚኸውን፡ ኵሉ ኣበሳን ዘይተኣዛዝነትን ከኣ ፍትሓዊ መቕጻዕቲ ኻብ ዚቕበል፡+ | |
| 3 ንሕና ግዳ ኽንድዚ ዚኣክል ዓብዪ ድሕነት ዕሽሽ እንብል እንተ ዄንና፡ ከመይ ጌርና ኸነምልጥ ንኽእል፧+ እዝስ ብጐይታ እዩ ኺንገር ጀሚሩ፡+ በቶም ዝሰምዕዎ ኸኣ ተረጋጊጹልና፣ | |
| 4 ኣምላኽ ድማ ከም ፍቓዱ፡ ብትእምርትን ብተኣምራትን ብእተፈላለየ ግብርታት ሓይልን+ ብምዕዳል መንፈስ ቅዱስን ምሳታቶም ሓቢሩ መስኪሩ።+ | |
| 5 ነታ እንዛረበላ ዘለና እትመጽእ ዓለምሲ፡ ኣብ ትሕቲ መላእኽቲ ኣየግዝኣን።+ | |
| 6 ሓደ ግና ኣብ ሓደ ቦታ ኸምዚ ኢሉ መስኪሩ ኣሎ፦ “ንስኻ እትዝክሮስ፡ ሰብ እንታይ እዩ፧ ወይስ እትሓልየሉ፡ ወዲ ሰብ እንታይ እዩ፧+ | |
| 7 ካብ መላእኽቲ ቝሩብ ኣንኢስካዮ፣ ኣኽሊል ክብርን ግርማን ደፊእካሉ፣ ኣብ ልዕሊ ግብሪ ኣእዳውካ ኸኣ ሸይምካዮ። | |
| 8 ንዅሉ ኣብ ትሕቲ ኣእጋሩ ኣግዚእካዮ።”+ ኣምላኽ ንዅሉ ኼግዝኦ ኸሎ፡+ ንዕኡ ዘየግዝኦ ሓንቲ እኳ ኣይሓደገን።+ ሕጂ ግና ኵሉ ኺግዝኦ ገና ኣይንርእን ኢና ዘለና።+ | |
| 9 እቲ ኻብ መላእኽቲ ቝሩብ ዝነኣሰ የሱስ፡+ ብጸጋ ኣምላኽ ኣብ ክንዲ ዅሉ ሞት ኪጥዕምሲ፡+ ብምኽንያት መከራ ሞቱ፡ ኣኽሊል ግርማን ክብርን ከም ዝደፍአ ግና ንርኢ ኣለና።+ | |
| 10 ከመይሲ፡ እቲ ዅሉ ምእንታኡ፡ ኵሉ እውን ብእኡ ዝዀነ፡ ንብዙሓት ውሉዳት ናብ ክብሪ ኼእቱ ኸሎ፡+ ነቲ ቐንዲ ወኪል ድሕነቶም+ ብመከራ ፍጹም ኪገብሮ ይግባእ እዩ።+ | |
| 11 እቲ ዚቕድስን እቶም ዚቕደሱንሲ፡+ ኵላቶም ካብ ሓደ እዮም፣+ በዚ ምኽንያት እዚ ኸኣ፡ ኣሕዋተይ ንምባሎም ኣይሓፍርን እዩ፣+ | |
| 12 እዚ ድማ፡ “ስምካ ንኣሕዋተይ ክነግሮም፡ ኣብ ማእከል ጉባኤ እውን ብመዝሙር ክውድሰካ እየ” ኺብል ከሎ እዩ ኢልዎ።+ | |
| 13 ከም ብሓድሽ ከኣ፡ “ኣነ ኣብኡ ኽውከል እየ፡”+ ከም ብሓድሽ እውን፡ “እነና፡ ኣነን እቶም የሆዋ* ዝሃበኒ ደቅን” ይብል።+ | |
| 14 እምበኣር፡ እቶም “ደቂ፡” ደምን ስጋን ካብ ኰኑ፡ ንሱ እውን ብተመሳሳሊ ኸማታቶም ኰይኑ እዩ።+ ከምኡ ዝዀነ ኸኣ፡ ብሞቱ ነቲ ሞት ኬስዕብ ዚኽእል፡+ ማለት ንድያብሎስ፡ ምእንቲ ኺስዕሮ፡+ | |
| 15 ንዅሎም እቶም ብፍርሂ ሞት ምሉእ ህይወቶም ብባርነት ተታሒዞም ዝነበሩ ድማ ሓራ ምእንቲ ኼውጽኦም ኢሉ እዩ።+ | |
| 16 ንዘርኢ ኣብርሃም+ እዩ ዚድግፍ ዘሎ እምበር፡ ንመላእኽትስ ኣይኰነን ዚድግፍ ዘሎ። | |
| 17 ስለዚ፡ ንሓጢኣት ህዝቢ ዜተዓርቕ መስዋእቲ ምእንቲ ኬቕርብ፡*+ ብናይ ኣምላኽ ዘበለ ድማ መሓርን እሙንን ሊቀ ኻህናት ኪኸውንሲ፡ ብዅሉ ኸም “ኣሕዋቱ” ኪኸውን ይግብኦ ነይሩ እዩ።+ | |
| 18 ንሱ ባዕሉ ኺፍተን ከሎ መከራ ጸጊቡ እዩ እሞ፡+ ነቶም ዚፍተኑ ኺረድኦም ይኽእል እዩ።+ | |
| 4 እምበኣር፡ ናብ ዕረፍቱ ንምእታው ተስፋ ኻብ ዚተርፈልና፡ ሓደ ኻባኻትኩም ዘይበቅዕ መሲሉ ኸይህሉ ንፍራህ።+ | |
| 2 ንዓና እውን፡ ከምቲ ንዓታቶም፡ ብስራት ተሰቢኹልና እዩ፣+ ንሳቶም ከምቲ ናይቶም ዝሰምዑ ዓይነት እምነት ስለ ዘይነበሮም ግና፡ እቲ ዝሰምዕዎ ቓል ኣይጠቐሞምን። | |
| 3 ግብሩ ኻብ ምስራት ዓለም ተወዲኡ ኽነሱ፡+ ከምቲ፡ “ስለዚ፡ ብቝጥዓይ፡ ‘ናብ ዕረፍተይ ኣይኪኣትዉን እዮም’ ኢለ ምሒለ” ዝበለ፡+ ንሕና እንኣምንሲ ናብ ዕረፍቱ ንኣቱ ኢና። | |
| 4 ብዛዕባ እታ ሻውዐይቲ መዓልቲ፡ ኣብ ሓደ ቦታ፡ “ኣምላኽ ድማ ኣብታ ሻውዐይቲ መዓልቲ ኻብ ኵሉ እቲ ግብሩ ዓረፈ” ይብል፣+ | |
| 5 ኣብዚ ኸኣ መሊሱ፡ “ናብ ዕረፍተይ ኣይኪኣትዉን እዮም” ይብል።+ | |
| 6 እምበኣር፡ ገሊኦም ዚኣትውዋ ተሪፋ ስለ ዘላ፡ እቶም ቅድም እተበሰሩ ድማ ብሰሪ ዘይተኣዛዝነት ካብ ዘይኣትውዋ፡+ | |
| 7 ድሕሪ ነዊሕ ግዜ፡ ኣብ መዝሙር ዳዊት፡ “ሎሚ” ብምባሉ፡ ከም ብሓድሽ ሓንቲ መዓልቲ መዲቡ ኣሎ፣ እዚ ኸኣ ከምቲ ኣቐዲምካ፡ “ሎሚ ድምጹ እንተ ሰሚዕኩም፡ ልብኹም ኣይተትርሩ” እተባህለ እዩ።+ | |
| 8 እያሱ+ ናብ መዕረፊ መሪሕዎም እንተ ዚኸውንሲ፡ ኣምላኽ ድሕሪኡ ብዛዕባ ኻልእ መዓልቲ ኣይምተዛረበን ነይሩ። | |
| 9 እምበኣር፡ ንህዝቢ ኣምላኽ ዕረፍቲ ሰንበት ተሪፋትሎም ኣላ።+ | |
| 10 እቲ ኣብ ዕረፍቱ ዝኣተወስ፡ ከምቲ ኣምላኽ ካብ ግብሩ ዝዓረፈ፡ ንሱ እውን ካብ ግብሩ ዓሪፉ ኣሎ።+ | |
| 11 እምበኣር፡ ሓደ እኳ ኣርኣያ እቲ ዘይተኣዛዝነት ስዒቡ ምእንቲ ኸይወድቕ፡ ናብታ ዕረፍቲ እቲኣ ኽንኣቱ ንጽዓር።+ | |
| 12 ቃል ኣምላኽ ህያውን ዚዓይን* እዩ፡+ ካብ ክልተ ዝኣፉ ሰይፊ እውን ዚበልሕ እዩ፣+ ነፍስን* መንፈስን፡* መላግቦን ኣንጕዕን ክሳዕ ዚፈላሊ ዚስንጥቕ፡ ልቢ ዚሓስቦን ዚሕልኖን ከኣ ዚመሚ እዩ። | |
| 13 ኵሉ ኣብ ቅድሚ ዓይኒ እቲ ጸብጻብ እንህቦ ቕሉዕን ግሁድን እዩ እምበር፡+ ኣብ ቅድሚኡ ዚሕባእ ፍጥረት የልቦን።+ | |
| 14 እምበኣር፡ ብሰማያት ዝሓለፈ ዓብዪ ሊቀ ኻህናት፡ ንሱ ድማ የሱስ ወዲ ኣምላኽ፡+ ካብ ዚህልወና፡ ነቲ ብዛዕባኡ እንእመኖ ኣጽኒዕና ንሓዞ።+ | |
| 15 ከመይሲ፡ ብዘይ ሓጢኣት፡+ ከማና ብዅሉ እተፈተነ እዩ እምበር፡ ብድኻምና ኺድንግጸልና ዘይክእል ሊቀ ኻህናት የብልናን።+ | |
| 16 እምበኣር፡ ምሕረት ምእንቲ ኽንቅበልን ብግዜኡ ዚረድኣና ጸጋ ምእንቲ ኽንረክብን፡ በቲ ንምዝራብ ዘሎና ትብዓት ናብ ዝፋን ጸጋ ንቕረብ።+ | |
| 6 ስለዚ፡ ነቲ ናይ መጀመርታ ትምህርቲ ክርስቶስ ካብ ሰገርና፡+ ናብ ብስለት ንገስግስ።+ ከም ብሓድሽ እውን መሰረት ኣይንሰርት፣ እዚ ድማ፡ ንስሓ ኻብ ምዉት ግብሪ፡ እምነት ብኣምላኽ፡ | |
| 2 ትምህርቲ ጥምቀታትን ምንባር ኣእዳውን፡+ ትንሳኤ ምዉታትን+ ናይ ዘለኣለም ፍርድን እዩ። | |
| 3 ኣምላኽ እንተ ፈቒድዎስ፡ ነዚ ድማ ክንገብሮ ኢና። | |
| 4 እቶም ሓንሳእ ብርሃን ዝበርሃሎም፡+ ነቲ ሰማያዊ ናጻ ውህበት ዝጠዓሙ፡ ተማቐልቲ መንፈስ ቅዱስ ዝዀኑ፡ | |
| 5 ነቲ ሰናይ ቃል ኣምላኽን ሓይሊ እቲ ዚመጽእ ስርዓትን* ከኣ ዝጠዓሙ፡ | |
| 6 ግናኸ ዝወደቑ፡+ ንወዲ ኣምላኽ ከም ብሓድሽ ንርእሶም ስለ ዚሰቕልዎን መላገጺ ስለ ዚገብርዎን፡ ከም ብሓድሽ ናብ ንስሓ ኺምለሱ ኣይክእሉን እዮም።+ | |
| 7 እታ ኣብኣ ብዙሕ ግዜ ንዝዘነመ ዝናም ሰትያ ነቶም ዚሓርስዋ ዚጠቅም ኣትክልቲ እትህብ ምድርስ፡ ካብ ኣምላኽ በረኸት ትረክብ እያ። | |
| 8 እሾዅን ተዀርባን እንተ ኣብቊላ ግና፡ ዘይትጠቅምን ጥቓ መርገምን እያ፣ ኣብ መወዳእታ እውን ክትነድድ እያ። | |
| 9 ፍቑራተየ፡ ብዛዕባኹም ግና፡ በዚ ኸምዚ እኳ እንተ ተዛረብና፡ ዚሓይሽን ናብ ድሕነት ዜብጽሕን ነገር ከም ዘሎ ርግጸኛታት ኢና። | |
| 10 ኣምላኽሲ ግብርኹም ኰነ ንስሙ ዘርኣኹምዎ ፍቕሪ፡+ ማለት ነቲ ነቶም ቅዱሳት ዘገልገልኩምዎምን እተገልግልዎም ዘለኹምን ዚርስዕ ዓማጺ ኣይኰነን። | |
| 11 ነፍሲ ወከፍኩም ክሳዕ መወዳእታ ምሉእ ብምሉእ እተረጋገጸት ተስፋ ኽትህልወኩም ግና፡+ እዚ ትግሃት እዚ ኸተርእዩ ንደሊ ኣለና፣+ | |
| 12 እዚ ድማ ነቶም ብእምነትን ብትዕግስትን ነቲ ተስፋታት ዚወርስዎ ምእንቲ ኽትመስልዎም እምበር፡ ፈዛዛት ምእንቲ ኸይትዀኑ እዩ።+ | |
| 13 ኣምላኽ ንኣብርሃም ኬተስፍዎ ኸሎስ፡ ዚምሕለሉ ኻብኡ ዚዓቢ ስለ ዘየልቦ፡ ከምዚ ኢሉ ብርእሱ ምሒሉ እዩ፦+ | |
| 14 “ብርግጽ ክባርኸካን ብርግጽ ከብዝሓካን እየ።”+ | |
| 15 ኣብርሃም ድማ ተዓጊሱ፡ ነዛ ተስፋ እዚኣ ረኺብዋ እዩ። | |
| 16 ሰባትሲ በቲ ኻብኦም ዚዓቢ እዮም ዚምሕሉ፣ ማሕላኦም ከኣ ሕጋዊ ውሕስነት ስለ ዝዀኖም፡ ንዅሉ ምጕቶም ይውድኣሎም እዩ።+ | |
| 17 ከምኡ ኸኣ፡ ኣምላኽ ዕላማኡ* ኸም ዘይልወጥ ነቶም ወረስቲ ተስፋ+ ብንጹር ኬርእዮም ምስ ወሰነ፡ ብማሕላ ውሕስነት ሂቡ እዩ።* | |
| 18 ከምኡ ዝገበረ ኸኣ፡ ንሕና እቶም እተማዕቈብና ዘበልና፡ በተን ኣምላኽ ኪሕስወለን ዘይክእል+ ክልተ ዘይልወጣ ነገራት ጌርና፡ ነታ ኣብ ቅድሜና ዘላ ተስፋ ንምሓዝ ሓያል መተባብዒ ምእንቲ ኽንረክብ እዩ። | |
| 19 እዛ ዘላትና ተስፋ+ እዚኣ ኸም መልህቕ ነፍሲ፡* ርግጽን ጽንዕትን እያ፣ ነቲ መጋረጃ ሓሊፋ ድማ ናብ ውሽጢ ትኣቱ እያ፣+ | |
| 20 ኣብኡ ኸኣ እቲ ኸም ስርዓት መልከጼዴቅ ንዘለኣለም ሊቀ ኻህናት+ ዝዀነ የሱስ ምእንታና ቕድሜና ኣትዩ ኣሎ።+ | |
| 10 ሕጊ፡ ጽላሎት+ እቲ ዚመጽእ ሰናይ ነገራት ዘለዎ እምበር፡+ እቲ ናይ ሓቂ ምስሊ ስለ ዘይኰነ፡ በቲ በብዓመት ብቐጻሊ ዚስዋእ ሕደ መስዋእትታት ገይሩ፡ ነቶም ዚቐርቡ ፍጹማት ኪገብር ከቶ ኣይክእልን እዩ።*+ | |
| 2 እንተ ዘይኰነስ፡ እቶም ዜገልግሉ* ሓንሳእ ብምንጻሆም ደጊም ኣብ ሕልናኦም ሓጢኣት ስለ ዘይስምዖም፡ ምስዋእዶ ኣይምሓደግዎን ነይሮም፧ | |
| 3 እኳ ደኣስ፡ እዚ መስዋእትታት እዚ ኣብ ዓዓመት መዘከርታ ሓጢኣት እዩ፣+ | |
| 4 ከመይሲ፡ ደም ኣብዑርን ድቤላታትን ሓጢኣት ኬርሕቕ ኣይክእልን እዩ። | |
| 5 ስለዚ፡ ናብ ዓለም ኪመጽእ ከሎ፡ ከምዚ ይብል እዩ፦ “‘ሰብነት ደኣ ኢኻ ኣዳሊኻለይ እምበር፡ መስዋእትን መባእን ኣይደለኻን። | |
| 6 ብምሉኡ ዚሓርር መስዋእትን መስዋእቲ ሓጢኣትን ባህ ኣይበለካን።’+ | |
| 7 ሽዑ ኸኣ ኣነ፡ ‘እነኹ፡ መጺአ። ኣብታ ጥቕልልቲ መጽሓፍ ብዛዕባይ ተጻሒፉ እዩ። ኦ ኣምላኽ፡ ፍቓድካ ኽገብር መጺአ’ ኢለ።”+ | |
| 8 ቅድም፡ “መስዋእትን መባእን ብምሉኡ ዚሓርር መስዋእትን መስዋእቲ ሓጢኣትን ኣይደለኻን፡ ባህ እውን ኣይበለካን” ድሕሪ ምባሉ፡—እዚ ኸኣ ከምቲ ሕጊ ጌርካ ዚቐርብ መስዋእቲ እዩ፡— | |
| 9 ድሕሪኡ፡ “እነኹ፡ ፍቓድካ ኽገብር መጺአ” ይብል እዩ።+ ነቲ ኻልኣይ ምእንቲ ኺስርት ኢሉ፡ ነቲ ቐዳማይ ስዒርዎ እዩ። | |
| 10 በዚ “ፍቓድ” እዚ፡+ በቲ ሓንሳእ ንሓዋሩ እተሰውአ ሰብነት የሱስ ክርስቶስ ተቐዲስና ኣለና።+ | |
| 11 ካህን ዘበለ መዓልቲ መዓልቲ ቕዱስ ኣገልግሎት ኬቕርብን*+ ሓጢኣት ምሉእ ብምሉእ ኬርሕቕ ከቶ ዘይክእል+ ሕደ መስዋእቲ ብዙሕ ሳዕ ኬቕርብን+ ይቐውም እዩ። | |
| 12 እዚ ግና ምእንቲ ሓጢኣት ንሓዋሩ ሓደ መስዋእቲ ኣቕሪቡስ፡ ኣብ የማን ኣምላኽ ተቐሚጡ እዩ፣+ | |
| 13 ካብኡ ኣትሒዙ ጸላእቱ ድኳ እግሩ ኽሳዕ ዚዀኑ ይጽበ ኣሎ።+ | |
| 14 ከመይሲ፡ ነቶም ዚቕደሱ ብሓደ መስዋእቲ እዩ ንሓዋሩ ፍጹማት ዝገበሮም።+ | |
| 15 መንፈስ ቅዱስ እውን ይምስክረልና ኣሎ፣ ከመይሲ፡ | |
| 16 “‘ድሕሪ እተን መዓልትታት እቲአን ምስ ቤት እስራኤል ዝኣትዎ ኺዳን እዚ እዩ፡’ ይብል የሆዋ።* ‘ንሕግታተይ ኣብ ልቦም ከእትዎ፡ ኣብ ኣእምሮኦም እውን ክጽሕፎ እየ’” ምስ በለ፡+ | |
| 17 “ሓጢኣቶምን ዓመጻኦምን እውን ደጊም ኣይክዝክርን እየ” ይብል እዩ።+ | |
| 18 እምበኣር፡ ኣብቲ ሕድገት ሓጢኣት ዘለዎ፡ ደጊም ስለ ሓጢኣት መስዋእቲ የልቦን። | |
| 19 ስለዚ፡ ኣሕዋተየ፡ ብደም የሱስ ናብታ መቕደስ+ ንምእታው ትብዓት* ካብ ሃለወና፡— | |
| 20 እዚ ኸኣ በቲ መጋረጃ፡+ ማለት ብስጋኡ ዝመረቐልና ሓድሽን ህያውን መገዲ እዩ፡— | |
| 21 ኣብ ቤት ኣምላኽ+ እውን ዓብዪ ኻህን ካብ ሃለወና፡ | |
| 22 ልብና ኻብ ክፉእ ሕልና ብምንጻግ ነጺሁ፡+ ሰብነትና እውን ብጽሩይ ማይ ተሓጺቡ፡+ ብቕኑዕ ልብን ብምሉእ እምነትን ንቕረብ። | |
| 23 እቲ ዘተስፈወና እሙን እዩ እሞ፡ ነቲ ምእማን ተስፋና ብዘይ ውልውል ኣጽኒዕና ንሓዞ።+ | |
| 24 ንፍቕርን ንሰናይ ግብርን ንምንቕቓሕ* ኣብ ንሓድሕድና ነስተብህል።*+ | |
| 25 ንሓድሕድና ንተባባዕ እምበር፡+ ከምቲ ገሊኦም ልማድ ዚገብርዎ፡ ኣኼባና ኣይንሕደግ።+ እታ መዓልቲ እቲኣ ትቐርብ ከም ዘላ ኽትርእዩ ኸለኹም ከኣ፡ ነዚ ብዝያዳ ግበርዎ።+ | |
| 26 ልክዕ ፍልጠት ሓቂ ምስ ተቐበልናስ፡+ ፈቲና ብሓጢኣት እንተ ተመላሊስና፡ ደጊም ስለ ሓጢኣት ዚስዋእ መስዋእቲ የልቦን፣+ | |
| 27 የግዳስ፡ ዜፍርህ ትጽቢት ፍርድን ነቶም ተጻረርቲ ዚበልዕ ዚነድድ ቍጥዓን እዩ ዘሎ።+ | |
| 28 ንሕጊ ሙሴ ዘፍረሰ፡ ብምስክርነት ክልተ ወይ ሰለስተ፡ ብዘይ ርሕራሐ እዩ ዚመውት።+ | |
| 29 ንወዲ ኣምላኽ ዝረገጸ፡ ነቲ እተቐደሰሉ ደም ኪዳን+ ከኣ ከም ተራ ዝቘጸረ፡ ንመንፈስ ጸጋ እውን ብንዕቀት ዘቘጥዐ ግዳ ኽንደይ ዝገደደ መቕጻዕቲ ዘይግብኦ ይመስለኩም፧+ | |
| 30 ነቲ፡ “ሕነ ናተይ እዩ፣ ኣነ ኽፈድዮ እየ፡” ደጊሙ ኸኣ፡ “የሆዋ* ንህዝቡ ኺፈርዶ እዩ” ዝበለስ ንፈልጦ ኢና።+ | |
| 31 ኣብ ኢድ እቲ ህያው ኣምላኽ ምውዳቕ፡ ዜፍርህ እዩ። | |
| 32 ነተን ብርሃን ምስ በርሃልኩም፡+ ብርቱዕ ቃልስን መከራን እተጻወርኩምለን ቀዳሞት መዓልትታት ግና ዘክርወን። | |
| 33 ኣብ ገሊኡ እዋን ንጸርፍን ንጸበባን ተቓሊዕኩም* ኔርኩም ኢኹም፣ ኣብ ገሊኡ እዋን ከኣ መማቕልቲ* እቶም ከምዚ ዝኣመሰለ ዝበጽሖም ኴንኩም ኢኹም። | |
| 34 ዚሓይሽን ዚነብርን ገንዘብ ከም ዘሎኩም ፈሊጥኩም፡+ ነቶም እሱራት ደንጊጽኩምሎም፡ ንምዝማት ንብረትኩም ድማ ብሓጐስ ተቐቢልኩምዎ ኢኹም።+ | |
| 35 እምበኣር፡ ነቲ ብዙሕ ዓስቢ ዘለዎ ናይ ምዝራብ ትብዓትኩም ኣይትደርብይዎ።+ | |
| 36 ፍቓድ ኣምላኽ ምስ ገበርኩም፡ ነታ ተስፋ ምእንቲ ኽትረኽብዋስ፡ ተጻዋርነት የድልየኩም ኣሎ።+ | |
| 37 ከመይሲ፡ ድሕሪ “ኣዝዩ ቝሩብ ግዜ፡”+ “እቲ ዚመጽእ ኪመጽእ እዩ፡ ኣይኪድንጕን ከኣ እዩ።”+ | |
| 38 “ጻድቐይ ግና ብእምነት ይነብር፡”+ ድማ “እንተ ኣድሓርሒሩ፡ ኣነ ብእኡ ባህ ኣይብለንን እዩ።”*+ | |
| 39 ንሕናስ ምስቶም ህይወቶም* ንምድሓን ዚኣምኑ እምበር፡ ምስቶም ናብ ጥፍኣት ዜድሓርሕሩ ኣይኰንናን።+ | |
| 9 እቲ ቐዳማይ ኪዳንሲ ስርዓታት ቅዱስ ኣገልግሎትን ምድራዊ መቕደስን+ ነይርዎ እዩ። | |
| 2 ከመይሲ፡ ቀዋሚ ቐንዴልን+ ሰደቓን እንጌራታት መባእን*+ ዝነበራ ቐዳመይቲ ኽፍሊ እታ ድንኳን ተተኺላ ነይራ እያ፣ ቅድስቲ+ ድማ ትብሃል ነይራ። | |
| 3 ብኽንየው እቲ ኻልኣይ መጋረጃ ግና፡+ ቅድስተ ቕዱሳን+ እትብሃል ክፍሊ እታ ድንኳን ነይራ። | |
| 4 ኣብኣ ጽንሃህ ወርቅን+ ብዅሉ ወገኑ ብወርቂ እተለበጠ+ ታቦት ኪዳንን+ ነይሩ፣ ኣብኡ ኸኣ ማና ዝሓዘት ፍዮ ወርቅን+ ዝጠጥዐት በትሪ ኣሮንን+ ጽላታት+ ኪዳንን ነይረን፣ | |
| 5 ኣብ ልዕሊኡ ድማ ነቲ መኽደን መተዓረቒ* ዜጽልሉ ናይ ክብሪ ኪሩቤል ነይሮም።+ ብዛዕባ እዚ ግና ሕጂ ብዝርዝር ክንዛረብ ግዜኡ ኣይኰነን። | |
| 6 እዚ በዚ ኸምዚ ምስ ተዳለወ፡ እቶም ካህናት ቅዱስ ኣገልግሎት ንምቕራብ፡ ኣብታ ቐዳመይቲ ኽፍሊ እታ ድንኳን ብስሩዕ ይኣትዉ እዮም፣+ | |
| 7 እቲ ሊቀ ኻህናት ግና ናብታ ኻልአይቲ ኽፍሊ ሓንሳእ ኣብ ዓመት ይኣቱ እዩ፣+ ግናኸ፡ ብዘይ እቲ ምእንቲ ርእሱን+ ምእንቲ እቲ ብዘይፍላጥ እተገብረ ሓጢኣት ህዝብን+ ዜቕርቦ ደም ኣይኣቱን እዩ።+ | |
| 8 በዚ ኸምዚ፡ እታ ቐዳመይቲ ድንኳን ቈይማ ኸላ፡ ናብታ መቕደስ ዜእቱ መገዲ ገና ኸም ዘይተገልጸ፡ መንፈስ ቅዱስ የነጽር እዩ።+ | |
| 9 እዛ ድንኳን እዚኣ ነዚ እዋን እዚ ምሳሌ እያ፣+ ከምቲ ስርዓት እቲ ጌርካ ኸኣ መባእን መስዋእትን ይቐርብ እዩ።+ እዚ ግና ንሕልና እቲ ዜገልግል* ፍጹም ኪገብሮ ኣይክእልን እዩ።+ | |
| 10 ምስ ብልዕን መስተን እተፈላለየ ስርዓት ምሕጻብን*+ ጥራይ እዩ ዚተሓሓዝ። ምዱብ ግዜ ምቕናዕ ክሳዕ ዚኣክል እተነብረ ስጋዊ ስርዓት እዩ።+ | |
| 11 ግናኸ፡ ክርስቶስ ሊቀ ኻህናት እቲ ድሮ መጺኡ ዘሎ ሰናይ ነገር ኰይኑ ምስ መጸ፡ በታ ብኢድ ዘይተገብረት፡ ማለት ካብዚ ፍጥረት እዚ ዘይኰነት፡ ዝዓበየትን ዝያዳ ፍጽምትን ድንኳን ሓሊፉ እዩ። | |
| 12 ብደም ድቤላታትን ዝራብዓትን ዘይኰነስ፡ ብደም ገዛእ ርእሱ+ ናይ ዘለኣለም ድሕነት* ረኺቡልና ሓንሳእ ንሓዋሩ ናብታ መቕደስ ኣትዩ እዩ።+ | |
| 13 ደም ድቤላታትን ኣብዑርን+ ሓምዅሽቲ ኣርሕን ኣብቶም ዝረኸሱ ተነጺጉ ንምንጻህ ስጋ ዚቕድስ ካብ ኰነስ፡+ | |
| 14 ደም እቲ ብናይ ዘለኣለም መንፈስ ገይሩ ገዛእ ርእሱ ብዘይ ኣበር ንኣምላኽ ዘቕረበ ክርስቶስ ግዳ፡+ ነቲ ህያው ኣምላኽ ንምግልጋል*+ ክንደይ ኣዝዩ ንሕልናና ኻብ ምዉት ግብርታት ዘየንጽሆ፧+ | |
| 15 በዚ ምኽንያት እዚ እዩ ኻብቲ ኣብቲ ቐዳማይ ኪዳን እተገብረ ኣበሳ ንምብጃው+ ዚኸውን ሞት ምስ ኰነ፡ እቶም ጽዉዓት ነታ ተስፋ ናይ ዘለኣለም ርስቲ ምእንቲ ኪቕበሉ ኢሉ፡+ መንጎኛ ሓድሽ ኪዳን ዝዀነ።+ | |
| 16 ኪዳን ኣብ ዘለዎስ፡ ሞት እቲ ኺዳን ዜቕውም ሰብ ምርግጋጽ ኣድላዪ እዩ። | |
| 17 ኪዳንሲ ብሞት እዩ ዚጸንዕ እምበር፡ እቲ ኺዳን ዜቕውም ሰብ ብህይወቱ ኽሳዕ ዘሎ፡ ሓንቲ እኳ ኣይጠቅምን እዩ። | |
| 18 ስለዚ፡ እቲ ቐዳማይ ኪዳን እኳ ብዘይ ደም ኪዓዪ ኣይጀመረን።* | |
| 19 ሙሴ ዅሉ ትእዛዛት ሕጊ ንዅሉ እቲ ህዝቢ ምስ ነገሮስ፡ ደም ዝራብዓትን ድቤላታትን ምስ ማይን ቀይሕ ጸምርን ሃዛብን ወሲዱ፡ ነታ መጽሓፍን* ንዅሉ እቲ ህዝብን ከምዚ እናበለ ነጺጉሉ እዩ፦ | |
| 20 “ደም እቲ ኣምላኽ ክትሕልውዎ ዝኣዘዘኩም ኪዳን እዚ እዩ።”+ | |
| 21 ከምኡ ድማ ነታ ድንኳንን ንዅሉ ኣቕሑ እቲ ቕዱስ ኣገልግሎትን* ደም ነጺጉሉ እዩ።+ | |
| 22 ከምቲ ሕጊ ኸኣ፡ ዳርጋ ዅሉ ብደም እዩ ዚነጽህ፣+ ደም እንተ ዘይፈሲሱ እውን፡ ሕድገት ኣይከውንን እዩ።+ | |
| 23 እምበኣር፡ ምስሊ+ እቲ ኣብ ሰማያት ዘሎ ነገራት በዚ ኺነጽህ ግዲ እዩ ነይሩ፣+ እቲ ሰማያዊ ነገራት ግና ካብዚ ዝሓሸ መስዋእቲ የድልዮ እዩ። | |
| 24 ከመይሲ፡ ክርስቶስ ሕጂ ኣብ ቅድሚ* ኣምላኽ ኪርኣየልና+ ናብ ሰማይ እምበር፡+ ናብታ ምስሊ እታ ናይ ሓቂ ዝዀነት+ ብኢድ እተገብረት መቕደስ ኣይኰነን ዝኣተወ።+ | |
| 25 እዚ ኸኣ ከምቲ ሊቀ ኻህናት በብዓመት ብደም ካልእ ናብ መቕደስ ዚኣቱ፡+ ገዛእ ርእሱ ብዙሕ ሳዕ ምእንቲ ኬቕርብ ኣይኰነን። | |
| 26 እንተ ዘይኰነስ፡ ካብ ምስራት ዓለም ኣትሒዙ ብዙሕ ሳዕ መከራ ኺጸግብ ምተገብኦ ነይሩ። ሕጂ ግና ብመስዋእቲ ገዛእ ርእሱ ንሓጢኣት ኬርሕቕ ኢሉ፡ ኣብ መደምደምታ እቲ ስርዓታት* ሓንሳእ ንሓዋሩ ተጋሂዱ እዩ።+ | |
| 27 ከምቲ ንሰብ ሓንሳእ ንሓዋሩ ሙማት፡ ብድሕሪኡ ግና ፍርዲ ተሰሪዑሉ ዘሎ፡ | |
| 28 ከምኡ ኸኣ ክርስቶስ፡ ሓጢኣት ብዙሓት ምእንቲ ኺጸውር፡ ሓንሳእ ንሓዋሩ ተሰዊኡ እዩ፣+ ካልኣይ ሳዕ ድማ፡ ስለ ሓጢኣት ዘይኰነስ፡* ነቶም ዚጽበይዎ ንምድሓን ኪግለጽ እዩ።+ | |
| 13 ሕውነታዊት ፍቕርኹም ትጽናዕ።+ | |
| 2 ገሊኦም ከይፈለጡ ንመላእኽቲ ኣአንጊዶም እዮም እሞ፡+ ምቕባል ኣጋይሽ ኣይትረስዑ።+ | |
| 3 ንእሱራት ከም መተኣስርቶም ኴንኩም፡+ መከራ ይጸግቡ ንዘለዉ ኸኣ ንስኻትኩም እውን ብስጋ ስለ ዘለኹም፡* ዘክርዎም።+ | |
| 4 ኣምላኽ ንኣመንዝራታትን* ንዘመውትን ኪፈርዶም እዩ እሞ፡+ መውስቦ ኣብ ኵሉ ኽቡር፡ እቲ ዓራት መውስቦ ኸኣ ዘይረኸሰ ይኹን።+ | |
| 5 ንሱ፡ “ከቶ ኣይክሓድገካን፡ ከቶ እውን ኣይክጥንጥነካን እየ” ኢሉ እዩ እሞ፡+ ናብራኹም ብዘይ ፍቕሪ ገንዘብ ይኹን፣+ በቲ ዘሎኩም እውን ዕገቡ።+ | |
| 6 ስለዚ፡ ተቢዕና፡ “የሆዋ* ረዳእየይ እዩ፣ ኣይፈርህን እየ። ሰብከ እንታይ ከይገብረኒ፧” ክንብል ንኽእል ኢና።+ | |
| 7 ነቶም ዚመርሑኹም ዘለዉ፡ ቃል ኣምላኽ ከኣ ዝነገሩኹም ዘክርዎም፣+ ኣካይዳኦም ዜምጽኦ ውጽኢት እናተቛመትኩም፡ ኣስኣሰር እምነቶም ስዓቡ።+ | |
| 8 የሱስ ክርስቶስ ትማልን ሎምን ንዘለኣለምን ንሱ እዩ። | |
| 9 ልብኹም በቲ ነቶም ብእኡ ዚመላለሱ ዘይጠቐሞም ብልዒ* ዘይኰነስ፡+ ብጸጋ እንተ ጸኒዑ ጽቡቕ እዩ እሞ፡ ብእተፈላለየ ጋሻ ትምህርትታት ኣይትስሓቱ። | |
| 10 ንሕናስ እቶም ኣብ ድንኳን ዜገልግሉ* ኻብኡ ኺበልዑ መሰል ዘይብሎም መሰውኢ ኣሎና።+ | |
| 11 ከመይሲ፡ ስጋ እቶም ደሞም ስለ ሓጢኣት ብሊቀ ኻህናት ናብ መቕደስ ዚውሰድ ዝነበረ እንስሳታት ኣብ ወጻኢ ሰፈር ይሓርር ነይሩ እዩ።+ | |
| 12 ስለዚ፡ የሱስ እውን ብደሙ ንህዝቢ ምእንቲ ኪቕድስ፡+ ኣብ ወጻኢ እቲ ኣፍ ደገ ኸተማ መከራ ጸጊቡ እዩ።+ | |
| 13 እምበኣር፡ ነቲ ንሱ እተሰከሞ ጸርፊ ተሰኪምና ናብኡ ናብ ወጻኢ ሰፈር ንውጻእ፣+ | |
| 14 ከመይሲ፡ ነታ እትመጽእ ኣጸቢቕና ንደልያ ኣለና እምበር፡ ኣብዚ ነባሪት ከተማ የብልናን።+ | |
| 15 ብእኡ ንኣምላኽ ኵሉ ሳዕ መስዋእቲ ውዳሰ፡+ ማለት ንስሙ ዚእመና+ ፍረ ኸናፍርና፡+ ነቕርብ። | |
| 16 ሰናይ ምግባርን ዘሎኩም ምምቓልን ኣይትረስዑ፣+ ከመይሲ፡ ኣምላኽ በዚ ኸምዚ ዝኣመሰለ መስዋእትታት ባህ ይብሎ እዩ።+ | |
| 17 ንዚመርሑኹም ተኣዘዝዎምን+ ተገዝእዎምን፣+ ከመይሲ፡ ንሳቶም ጸብጻብ ከም ዚህቡ ዀይኖም፡ ነቒሖም ይሕልውኹም* ኣለዉ፣+ ነዚ ብሓጐስ ኪገብርዎ እምበር፡ እህህ እናበሉ እንተ ገበርዎ፡ እዚ ንዓኻትኩም ኣይጠቅምን እዩ። | |
| 18 ኣብ ኵሉ ብቕንዕና ኽንነብር እናደለና፡ ቅኑዕ* ሕልና ኸም ዘሎና ንተኣማመን ኢና እሞ፡ ብቐጻሊ ጸልዩልና።+ | |
| 19 ምናዳ ግና፡ ኣነ ቐልጢፈ ምእንቲ ኽምለሰኩም፡ እዚ ኽትገብሩ እምዕደኩም ኣለኹ። | |
| 20 እቲ ነቲ ዓብዪ ጓሳ+ ኣባጊዕ ዝዀነ ጐይታና የሱስ ክርስቶስ ምስ ደም እቲ ናይ ዘለኣለም ኪዳን ካብ ምዉታት ዘተንስኦ ኣምላኽ ሰላም፡ | |
| 21 ኣብ ቅድሚኡ ባህ ዜብሎ ብየሱስ ክርስቶስ ኣባና እናገበረ፡ ብሰናይ ዘበለ ፍቓዱ ኽትገብሩ የዕጥቕኩም። ንዕኡ ንዘለኣለመ ኣለም ክብሪ ይኹኖ። ኣሜን። | |
| 22 ኣሕዋተየ፡ ሓጻር ደብዳበ ጽሒፈልኩም እየ እሞ፡ ነዚ ዜተባብዕ ቃል እዚ ብዓቕሊ ኽትሰምዕዎ እምሕጸነኩም ኣለኹ። | |
| 23 ጢሞቴዎስ ሓውና ኸም እተፈትሐ ኽትፈልጡ እደልየኩም እየ። ንሱ ቐልጢፉ እንተ መጺኡ፡ ምስኡ ዀይነ ኽርእየኩም እየ። | |
| 24 ንዅሎም እቶም ዚመርሑኹምን ንዅሎም ቅዱሳትን ሰላም በሉለይ። እቶም ኣብ ኢጣልያ+ ዘለዉ፡ ሰላም ይብሉኹም ኣለዉ። | |
| 25 ጸጋ ምስ ኵላትኩም ይኹን። | |
| 5 ካብ ሰባት እተወስደ ሊቀ ኻህናት ዘበለስ፡ ስለ ሓጢኣት መባእን መስዋእትን ኬቕርብ፡+ ብናይ ኣምላኽ ነገር፡ ምእንታኦም እዩ ዚሽየም።+ | |
| 2 ንሱ እውን ድኻም ስለ ዘለዎ፡ ነቶም ደናቝርን ዚጋገዩን* ኪርሕርሓሎም* ይኽእል እዩ። | |
| 3 ስለዚ ድማ፡ ከምቲ ምእንቲ ህዝቢ፡ ከምኡ እውን ምእንቲ ርእሱ ስለ ሓጢኣት ኪስውእ ይግብኦ እዩ።+ | |
| 4 ከም ኣሮን፡+ ብኣምላኽ ምስ ተጸውዐ ደኣ እምበር፡ ነዚ ኽብሪ እዚ ባዕሉ ዚወስዶ ሓደ እኳ የልቦን። | |
| 5 ከምኡ ድማ ክርስቶስ ባዕሉ ሊቀ ኻህናት ብምዃን ርእሱ ኣየኽበረን፣+ የግዳስ፡ እቲ ብዛዕባኡ፡ “ንስኻ ወደይ ኢኻ፣ ኣነ ሎሚ ወሊደካ”+ ዝበለ እዩ ኣኽቢርዎ። | |
| 6 ኣብ ካልእ ቦታ እውን፡ “ንስኻ ኸም ስርዓት መልከጼዴቅ ንዘለኣለም ካህን ኢኻ” ይብል።+ | |
| 7 ክርስቶስ ኣብ ምድሪ ኣብ ዝነበረሉ እዋን፡* ብብርቱዕ ኣውያትን ንብዓትን ናብቲ ኻብ ሞት ኬድሕኖ ዚኽእል፡ ምህለላን ልማኖን ኣቕሪቡ እዩ፣+ ንኣምላኽ ብምፍራሁ ኸኣ ተሰሚዑ እዩ። | |
| 8 ወዲ እኳ ኽነሱ፡ በቲ ዘሕለፎ መከራ ተኣዛዝነት ተማሂሩ እዩ።+ | |
| 9 ፍጹም ምስ ኰነ ኸኣ፡+ ንዅሎም እቶም ዚእዘዝዎ ዘበሉ ንናይ ዘለኣለም ድሕነቶም ምኽንያት ኰይኑ እዩ፣+ | |
| 10 ስለምንታይሲ፡ ከም ስርዓት መልከጼዴቅ ሊቀ ኻህናት ኪኸውን ብኣምላኽ ተሰይሙ እዩ።+ | |
| 11 ብዛዕባኡ ብዙሕ እንብሎ ነይሩናስ፡ ንምስማዕ ድንዙዛት ስለ ዝዀንኩም፡ ንምግላጹ ኣጸጋሚ እዩ። | |
| 12 ክሳዕ ሕጅስ* መምህራን ክትኰኑ ዚግብኣኩም እኳ እንተ ነበረ፡ ነቲ መባእታዊ ነገራት+ እቲ ቕዱስ ቃል ኣምላኽ ካብ መጀመርታ ኸም ብሓድሽ ዚምህረኩም የድልየኩም ኣሎ፣ ዕጹም ብልዒ ዘይኰነስ፡ ጸባ ዜድልየኩም ኴንኩም ኣለኹም። | |
| 13 ጸባ ዚቕለብ ዘበለ፡ ሕጻን እዩ እሞ፡ ብዛዕባ ቓል ጽድቂ ምኩር ኣይኰነን።+ | |
| 14 ዕጹም ብልዒ ግና ነቶም ቅኑዕን ጌጋን ንምፍላይ ብተመክሮ ልቦናኦም* ዘሰልጠኑ ብሱላት እዩ። | |
| 3 ኣሕዋተየ፡ ዝገደደ* ፍርዲ ኸም እንቕበል ፈሊጥኩም፡ መብዛሕትኹም መምህራን ኣይትኹኑ።+ | |
| 2 ኵላትናስ ብዙሕ ሳዕ ንስሕት ኢና።+ ብቓል ዘይስሕት እንተሎ፡ ንሱ ንብዘሎ ሰብነቱ ኺለጕም ዚኽእል ፍጹም ሰብ እዩ። | |
| 3 ምእንቲ ኺእዘዙና ኢልና፡ ኣብ ኣፍ ኣፍራስ ልጓም እንተ ጌርና፡ ንብዘሎ ኣካላቶም ብእኡ ንኣልዮ ኢና። | |
| 4 እንሆ፡ መራኽብ እውን ክንድዚ ዓበይትን ብብርቱዕ ንፋስ ዚድፍኣን ክነሰንሲ፡ እቲ መዘወር መርከብ ዝሓዘ ሰብ ናብ ዝደለዮ፡ ብኣዝዩ ንእሽቶ መእለይ መርከብ እየን ዚእለያ። | |
| 5 ከምኡ ድማ ልሳን ንእሽቶ ኣካል እያ፡ ግናኸ ብዓብዪ ነገር ትምካሕ። እንሆ፡ ንእሽቶ ሓዊ ኽንደይ ዓብዪ ዱር ዘይተንድድ! | |
| 6 ልሳን እውን ሓዊ እያ።+ ልሳን ኣብ መንጎ ኣካላትና ዘላ ናይ ዓመጻ ዓለም እያ፣ ከመይሲ፡ ንብዘሎ ሰብነትና ተርክሶን+ ንብምሉኡ ኣነባብራና ተንድዶን እያ፡ ብገሃነም* እውን እትነድድ እያ። | |
| 7 ኵሉ ዓይነት ኣራዊትን ኣዕዋፍን ለመምትን እንስሳ ባሕርን ብሰብ ይግራሕ እዩ፡ ተገሪሑ እውን ኣሎ። | |
| 8 ንልሳን ኪገርሓ ዝኸኣለ ግና ሓደ ሰብ እኳ የልቦን። ንሳ ዘይትዓርፍ እክይቲ፡ ዚቐትል ሕንዚ ዝመልአት እያ።+ | |
| 9 ብእኣ ጌርና ነቲ ኣቦ ዝዀነ የሆዋ* ንውድሶ፣ ብእኣ ጌርና እውን ነቶም “ብምስሊ ኣምላኽ” ዝዀኑ ሰባት ንረግም።+ | |
| 10 ካብ ሓደ ኣፍ፡ በረኸትን መርገምን ይወጽእ። ኣሕዋተየ፡ እዚ ኸምዚ ኪኸውን ኣይግባእን እዩ።+ | |
| 11 ዓይኒ ማይዶ ኻብ ሓደ ጕድጓድ ጥዑምን መሪርን ማይ ይፍልፍል እዩ፧ | |
| 12 ኣሕዋተየ፡ ኦም በለስዶ* ኣውልዕ፡ ወይስ ተኽሊ ወይኒዶ በለስ ክትፈሪ ትኽእል እያ፧+ ካብ ዓይኒ ማይ ጨው እውን ጥዑም ማይ ኣይፍልፍልን እዩ። | |
| 13 ኣብ መንጎኹምከ ጥበበኛን ኣእምሮኛን መን እዩ፧ ንሱ ብሰናይ ኣካይዳኡ፡ በቲ ኻብ ጥበብ ዚርከብ ልእመት ገይሩ ግብሩ የርኢ። | |
| 14 መሪር ቅንእን+ ንግርምናን*+ ኣብ ልብኹም እንተ ኣልዩኩም ግና፡ ኣይትመክሑ፡+ ንሓቂ እውን ኣይትሓስውዋ። | |
| 15 እዛ ጥበብ እዚኣስ ምድራዊትን+ ስጋዊትን ጋኔናዊትን እምበር፡ ካብ ላዕሊ እትወርድ ኣይኰነትን። | |
| 16 ከመይሲ፡ ኣብቲ ቕንእን ንግርምናን* ዘለዎ፡ ኣብኡ ህውከትን ኵሉ ኽፍኣትን ኣሎ።+ | |
| 17 እታ ናይ ላዕሊ ጥበብ ግና ቅድሚ ዅሉ ንጽህቲ እያ፣+ ደሓር፡ ሰላማዊት፡+ ልዝብቲ፡*+ ሰማዕ፡ ምሕረትን ጽቡቕ ፍረን ዝመልአት፡+ ዘይተዳሉ፡+ ዘይግብዝቲ እያ።+ | |
| 18 ፍረ ጽድቂ እውን ምእንቲ እቶም* ሰላም ዚገብሩ+ ብሰላም ይዝራእ እዩ።+ | |
| 1 ካብቲ ናይ ኣምላኽን ናይ ጐይታና የሱስ ክርስቶስን ባርያ ዝዀነ ያእቆብ፡+ ናብቶም ፋሕ ኢሎም ዘለዉ 12 ነገዳት፦ ሰላም። | |
| 2 ኣሕዋተየ፡ እተፈላለየ ፈተናታት እንተ በጺሑኩም፡ ከም ምሉእ ሓጐስ ቍጸርዎ።+ | |
| 3 ከምኡ ኽትገብሩ ኸለኹም፡ እቲ ፍቱን እምነትኩም፡ ተጻዋርነት ከም ዜፍርየልኩም ፍለጡ።+ | |
| 4 ብሓንቲ እኳ ኸይጐደልኩም ፍጹማትን ምሉእ ብምሉእ ጥዑያትን ምእንቲ ኽትኰኑ ግና፡ ተጻዋርነት ዕዮኣ ትፈጽም።+ | |
| 5 ሓደ ኻባኻትኩም ጥበብ እንተ ጐዲላቶ ኸኣ፡ ነቲ ኸይነቐፈ ንዅሉ ብልግሲ ዚህብ+ ኣምላኽ ይለምኖ፣+ ኪውሃቦ እውን እዩ።+ | |
| 6 ግናኸ፡ ከይተጠራጠረ+ ብእምነት ይለምን፣+ ከመይሲ፡ እቲ ዚጠራጠር፡ ከምቲ ብንፋስ ዚድፋእን ዚናወጽን ማዕበል ባሕሪ እዩ። | |
| 7 እቲ ሰብ እትስ ካብ የሆዋ* ገለ ዚቕበል ኣይምሰሎ፣ | |
| 8 ንሱ ኣብ ኵሉ መገዱ ጽኑዕ ዘይኰነ፡+ ተወላዋሊ ሰብ እዩ። | |
| 9 እቲ ትሑት ሓው ግና ልዕል ብምባሉ ይተሓጐስ፣*+ | |
| 10 እቲ ሃብታም እውን፡ ከም ዕምባባ መሮር ስለ ዚሓልፍ፡ ትሕት ብምባሉ ይፈሳህ።+ | |
| 11 ከመይሲ፡ ከምቲ ጸሓይ ምስ ዋዒኣ እትወጽእ እሞ፡ ነቲ ኣትክልቲ እተንቅጾ፡ እቲ ዕምባባኡ ኸኣ ዚረግፍ፡ ጽባቐ ትርኢቱ እውን ዚጠፍእ፡ ከምኡ ድማ እቲ ሃብታም ዋኒኑ ኺገብር ከሎ፡ ይጠፍእ።+ | |
| 12 ፈተና ዚጻወር ሰብ ብቕዓቱ ምስ ኣመስከረ፡ እቲ የሆዋ* ነቶም ዜፍቅርዎ ዘተስፈዎም+ ኣኽሊል ህይወት+ ስለ ዚቕበል፡ ሕጉስ እዩ።+ | |
| 13 ኣምላኽሲ ብእከይ ኣይፍተንን፡ ባዕሉ እውን ንሓደ እኳ ኣይፍትንን እዩ እሞ፡ ሓደ እኳ ምስ ተፈተነ፡ “ኣምላኽ ይፍትነኒ ኣሎ” ኣይበል። | |
| 14 ነፍሲ ወከፍ ግና ብገዛእ ትምኒቱ ተሳሒቡን ተሓቢሉን* እዩ ዚፍተን።+ | |
| 15 ሽዑ፡ ትምኒት ምስ ጠነሰት፡ ንሓጢኣት ትወልዶ፣ ሓጢኣት ምስ ተፈጸመ ድማ፡ ንሞት ይወልዶ።+ | |
| 16 ፍቑራት ኣሕዋተየ፡ ኣይትስሓቱ። | |
| 17 ኵሉ ጽቡቕ ውህበትን ኵሉ ፍጹም ውህበትን ካብ ላዕሊ፡+ ካብቲ ኸም ዚለዋወጥ ጽላሎት ዘይቀያየር ወይ ዘይለዋወጥ*+ ኣቦ ሰማያዊ ብርሃናት እዩ ዚወርድ።+ | |
| 18 ሓደ ዓይነት በዅራት ፍጡራቱ ምእንቲ ኽንከውን ኢሉ፡+ ብቓል ሓቂ ኺወልደና ፍቓዱ ዀይኑ እዩ።+ | |
| 19 ፍቑራት ኣሕዋተየ፡ እዚ ፍለጡ። ኵሉ ሰብ ንምስማዕ ቅልጡፍ፡ ንምዝራብ ደንጓዪ፡+ ንቝጥዓ ደንጓዪ ይኹን፣+ | |
| 20 ከመይሲ፡ ቍጥዓ ሰብ፡ ጽድቂ ኣምላኽ ኣይገብርን እዩ።+ | |
| 21 ስለዚ፡ ኵሉ ጽያፍን ኵሉ ኣሰር ክፍኣትን* ኣርሕቑ፣+ ነቲ ኼድሕነኩም* ዚኽእል ምትካል ቃል ከኣ ብልእመት ተቐበልዎ። | |
| 22 ግናኸ፡ ገበርቲ ቓል ኩኑ፣+ ርእስኹም ብናይ ሓሶት ሓሳብ እናኣታለልኩም ከኣ፡ ሰማዕቲ ጥራይ ኣይትኹኑ። | |
| 23 ሓደ እኳ ሰማዕ ቃል ኰይኑ፡ ገባሪ እንተ ዘይኰይኑስ፡+ ንሱ ነቲ ገጹ* ብመስትያት ዚርኢ ሰብ ይመስል። | |
| 24 ገዛእ ርእሱ ይርኢ እሞ ይኸይድ፡ ብኡብኡ እውን ከመይ ምዃኑ ይርስዕ። | |
| 25 እቲ ኣብቲ ፍጹም ሕጊ ሓርነት ኣተኲሩ ዚጥምትን+ ብእኡ ዚጸንዕን ግና፡ ግብሪ ዚገብር እምበር፡ ዚርስዕ ሰማዒ ኣይኰነን፣ ብግብሩ ድማ ሕጉስ ኪኸውን እዩ።+ | |
| 26 ሓደ እኳ ንልሳኑ ዘይለጕም ክነሱ፡ ንኣምላኽ ዜምልኽ ዘሎ* እንተ መሲልዎ፡+ ንልቡ እዩ ዜታልል ዘሎ፡ ኣምልኾኡ እውን ከንቱ እዩ። | |
| 27 ኣብ ቅድሚ ኣምላኽን ኣቦን ንጹህን ዘይረኸሰን ኣምልኾ* እዚ እዩ፦ ንዘኽታማትን+ ንመበለታትን+ ኣብ ጸበባኦም ምክንኻን፡+ ርእስኻ ድማ ካብ ርስሓት ዓለም ምሕላው።+ | |
| 2 ኣሕዋተየ፡ እምነት እቲ ኽቡር ጐይታና የሱስ ክርስቶስ ሒዝኩም ከለኹምሲ፡ ኣድልዎ ትገብሩዶ ኣለኹም፧+ | |
| 2 ከመይሲ፡ ኣብ ኣጻብዑ ቐላብቲ ወርቂ ዝገበረን ዜብለጭልጭ ክዳን እተኸድነን ሰብኣይ ናብ ኣኼባኹም እንተ ኣትዩ፡ ሓደ ድኻ ሰብኣይ ግና ረሳሕ ክዳን ተኸዲኑ እንተ ኣትዩ፡ | |
| 3 ነቲ ዜብለጭልጭ ክዳን እተኸድነ ብኣኽብሮት ርኢኹም፡ “ንስኻ ኣብዚ ጽቡቕ ቦታ ተቐመጥ” እንተ ኢልኩምዎ፡ ነቲ ድኻ ድማ፡ “ንስኻ ደው በል” ወይስ፡ “ኣብዚ ኣብ ትሕቲ ድኳ እግረይ ተቐመጥ” እንተ ኢልኩምዎ፡+ | |
| 4 ኣብ ንሓድሕድኩም ኣድልዎ ምግባር ደይኰነን፧+ ክፉእ ዚውስኑ ፈራዶ ደይኰንኩምንከ እትዀኑ፧+ | |
| 5 ፍቑራት ኣሕዋተየ፡ ስምዑ። ኣምላኽሲ ብእምነት ኪህብትሙን ነቶም ዜፍቅርዎ ዘተስፈዎ መንግስቲ ኺወርሱን ኢሉ፡+ ነቶም ድኻታት እዛ ዓለም እዚኣ ደይኰነን ዝሓረዮም፧+ | |
| 6 ንስኻትኩም ግና ነቲ ድኻ ኣሕሲርኩምዎ። ሃብታማት ደይኰኑን ዚጭቍኑኹምን+ ናብ ቤት ፍርዲ ዚውጥጡኹምን፧ | |
| 7 ንሳቶም ደይኰኑንከ ነቲ እተጸዋዕኩምሉ ኽቡር ስም ዚጸርፉ፧ | |
| 8 ከምቲ፡ “ንብጻይካ ኸም ነፍስኻ ኣፍቅሮ” ዚብል ቅዱስ ጽሑፍ ጌርኩም ነቲ ንጉሳዊ ሕጊ እንተ ፈጺምኩምዎስ፡+ ጽቡቕ ትገብሩ ኣለኹም። | |
| 9 ኣድልዎ እንተ ጌርኩም ግና፡+ ሓጢኣት ትገብሩ ኣለኹም፣ በቲ ሕጊ ኸኣ ከም ጠሓስቲ ትፍረዱ።*+ | |
| 10 ንብዘሎ ሕጊ ሓልዩ ኣብ ሓንቲ ዚስሕት ዘበለ፡ ብዅሉ እዩ በደለኛ ዚኸውን።+ | |
| 11 ከመይሲ፡ እቲ፡ “ኣይትዘሙ” ዝበለ፡+ “ኣይትቕተል” እውን ኢሉ እዩ።+ ዋላ እኳ እንተ ዘይዘሚኻ፡ ግናኸ እንተ ቐቲልካ፡ ጠሓስ ሕጊ ኢኻ። | |
| 12 ከምቲ ናይቶም ብሕጊ ሓራ ሰባት* ዚፍረዱ ጌርኩም ተዛረቡን ግበሩን።+ | |
| 13 ምሕረት ዘይገብርሲ፡ ብዘይ ምሕረት እዩ ዚፍረድ።+ ምሕረት ኣብ ልዕሊ ፍርዲ ትዕወት እያ። | |
| 14 ኣሕዋተየ፡ ሓደ ሰብ፡ ‘እምነት ኣላትኒ’ እንተ ኢሉ፡ ግብሪ ግና ካብ ዘይህልዎ፡ እንታይ ይጠቅም፧+ እታ እምነት እቲኣዶ ኸተድሕኖ ትኽእል እያ፧+ | |
| 15 ሓው ወይስ ሓብቲ እንተ ዓሪቖም፡ ናይ ዕለት ምግቢ እውን እንተ ስኢኖም፡ | |
| 16 ንሰብነቶም ዜድሊ ኸይሃብኩምሲ፡ ሓደ ኻባኻትኩም፡ “ብሰላም ኪዱ፡ ሙቑ፡ ጽገቡ” እንተ ኢልዎም፡ እንታይ ይጠቅም፧+ | |
| 17 ከምኡ ኸኣ እምነት፡ ግብሪ እንተ ዘይብላስ፡ ንርእሳ ምውትቲ እያ።+ | |
| 18 ሓደ ግና፡ “ንስኻ እምነት ኣላትካ፡ ኣነ ኸኣ ግብሪ ኣሎኒ። እምነትካ ብዘይ ግብሪ ኣርእየኒ፡ ኣነ እውን ብግብረይ ገይረ እምነተይ ከርእየካ እየ” ይብል ይኸውን። | |
| 19 ሓደ ኣምላኽ ከም ዘሎዶ ትኣምን ኢኻ፧ ጽቡቕ ትገብር ኣለኻ። ኣጋንንቲ እውን ይኣምኑን የንቀጥቅጡን እዮም።+ | |
| 20 ግናኸ፡ ኣታ ኸንቱ ሰብ፡ እምነት ብዘይ ግብሪ ዘይትረብሕ ምዃና ኽትፈልጥዶ ትደሊ ኢኻ፧ | |
| 21 ኣብርሃም ኣቦና ንይስሃቅ ወዱ ኣብ መሰውኢ ምስ ኣቕረቦ፡ ብግብሩዶ ኣይጸደቐን፧*+ | |
| 22 እምነቱ ምስ ግብሩ ዀይና ኸም ዝዓየየት፡ እምነቱ ድማ ብግብሩ ፍጽምቲ ኸም ዝዀነት፡ ትርኢ ኣለኻ።+ | |
| 23 እቲ፡ “ኣብርሃም ብየሆዋ* ኣመነ፡ ጽድቂ ዀይኑ ድማ ተቘጽረሉ” ዚብል ቅዱስ ጽሑፍ ድማ ተፈጺሙ እዩ፣+ ፈታው* የሆዋ* ኸኣ ተባሂሉ እዩ።+ | |
| 24 ሰብ ብእምነት ጥራይ ዘይኰነስ፡ ብግብሪ ኸም ዚጸድቕ፡ ትርእዩ ኣለኹም። | |
| 25 ከምኡ ኸኣ ረሃብ እታ ኣመንዝራ ነቶም ልኡኻት ምስ ተቐበለቶምን ብኻልእ መገዲ ምስ ሰደደቶምን፡ ብግብሪዶ ኣይጸደቐትን፧+ | |
| 26 እምበኣር፡ ከምቲ ሰብነት ብዘይ መንፈስ* ምዉት ዝዀነ፡+ ከምኡ እውን እምነት ብዘይ ግብሪ ምውትቲ እያ።+ | |
| 4 እቲ ኣብ መንጎኹም ዘሎ ውግእን ባእስን ካበይ እዩ ዚመጽእ፧ ካብቲ ኣብ ውሽጥኹም* ኰይኑ ዚዋጋእ ዘሎ ስጋዊ ትምኒትኩም ደይኰነን፧+ | |
| 2 ትምነዩ እሞ ኣይትረኽቡን። ትቐትሉን ትትምነዩን እሞ ሓንቲ እኳ ኽትረኽቡ ኣይትኽእሉን። ትብኣሱን ትዋግኡን ኢኹም።+ ስለ ዘይለመንኩም፡ ኣይትረኽቡን። | |
| 3 ክትልምኑ ኸለኹም ከኣ፡ ኣብ ስጋዊ ትምኒትኩም ምእንቲ ኽትዘርውዎ፡ ብኽፉእ ሓሳብ ስለ እትልምኑ፡ ኣይትቕበሉን ኢኹም። | |
| 4 ኣትን ዘመውቲ፡* ዕርክነት ምስ ዓለምሲ ጽልኢ ምስ ኣምላኽ ምዃኑዶ ኣይትፈልጣን ኢኽን፧ እምበኣር፡ እቲ ዓርኪ ዓለም ኪኸውን ዚደሊ፡ ጸላእ ኣምላኽ እዩ ዚኸውን።+ | |
| 5 ወይስ ቅዱስ ጽሑፍ፡ “እቲ ኣባና ዝሓደረ መንፈስ ብቕንኢ ሃረር ይብል ኣሎ” ዚብል ንኸንቱዶ ይመስለኩም፧+ | |
| 6 ግናኸ፡ እቲ ዝሃበና ጸጋ ይዓቢ። ስለዚ፡ “ኣምላኽ ንዕቡያት ይጻረሮም፡+ ንትሑታት ግና ጸጋ ይህቦም” ይብል።+ | |
| 7 እምበኣር፡ ንኣምላኽ ተገዝእዎ፣+ ንድያብሎስ ግና ተጻረርዎ እሞ፡+ ንሱ ኻባኻትኩም ኪሃድም እዩ።+ | |
| 8 ንኣምላኽ ቅረብዎ፡ ንሱ እውን ኪቐርበኩም እዩ።+ ኣቱም ሓጥኣን፡ ኣእዳውኩም ኣጽርዩ፣+ ኣቱም ተወላወልቲ እውን፡ ልብኹም ኣንጽሁ።+ | |
| 9 ይጽበብኩምን ሕዘኑን ብኸዩን።+ ሰሓቕኩም ናብ ሓዘን፡ ሓጐስኩም እውን ናብ ጓሂ ይለወጥ። | |
| 10 ኣብ ቅድሚ ኣዒንቲ የሆዋ* ትሕት በሉ፡+ ንሱ እውን ልዕል ኬብለኩም እዩ።+ | |
| 11 ኣሕዋተየ፡ ደጊም ንሓድሕድኩም ኣይትነቓቐፉ።+ እቲ ንሓዉ ዚነቕፎ ወይ ኣብ ሓዉ ዚፈርድ፡ ንሕጊ ይነቕፎ፡ ኣብ ሕጊ እውን ይፈርድ። ኣብ ሕጊ ኻብ እትፈርድ ከኣ፡ ፈራዲ እምበር፡ ገባር ሕጊ ኣይኰንካን። | |
| 12 ኬድሕንን ኬጥፍእን ዚኽእል+ ሓጋግ ሕግን ፈራድን ሓደ ጥራይ እዩ ዘሎ።+ ንስኻ ኣብ ብጻይካ እትፈርድ ግና መን ኢኻ፧+ | |
| 13 እስከ ሕጂ ኣቱም፡ “ሎሚ ወይስ ጽባሕ ናብታ ኸተማ እቲኣ ኽንከይድ፡ ኣብኣ እውን ዓመት ክንገብር፡ ክንነግድን ክንረብሕን ኢና” እትብሉ፡+ | |
| 14 ጽባሕ ህይወትኩም እንታይ ከም እትኸውን ኣይትፈልጡን ኢኹም።+ ንቝሩብ ግዜ ተራእዩስ ደሓር ዚበንን ግመ ኢኹም።+ | |
| 15 ኣብ ክንዳኡስ፡ “የሆዋ* እንተ ፈቒድዎ፡+ ክንነብርን እዚ ወይ እቲ ኽንገብርን ኢና” ኽትብሉ እዩ ዚግብኣኩም። | |
| 16 ሕጂ ግና ብምጅሃርኩም ትምክሑ ኣለኹም። ኵሉ እቲ ኸምዚ ዝበለ ትምክሕቲ ኽፉእ እዩ። | |
| 17 እምበኣር፡ እቲ ቕኑዕ ምግባር ዚፈልጥ እሞ ዘይገብሮ፡ ንዕኡ ሓጢኣት ይዀኖ እዩ።+ | |
| 5 ኣቱም ሃብታማት፡ እስከ ሕጂ በቲ ዚመጸኩም ዘሎ ጸበባ ዋይዋይ እናበልኩም ብኸዩ።+ | |
| 2 ሃብትኹም መሽሚሹ፡ ክዳውንትኹም እውን ብልዒ በሊዕዎ ኣሎ።+ | |
| 3 ወርቅኹምን ብሩርኩምን መሪቱ፡ ምራተኡ ኸኣ ኪምስክረልኩም እዩ፡ ንስጋኹም እውን ኪበልዖ እዩ። እቲ ዝኣከብኩምዎ፡ ኣብተን ዳሕሮት መዓልትታት ከም ሓዊ ኪኸውን እዩ።+ | |
| 4 እንሆ፡ እቲ ንስኻትኩም ዝገደብኩምዎ ውዕለት እቶም ኣብ ግራውትኹም ዝዓጸዱ ዓየይቲ የእዊ ኣሎ፣ ኣውያት እቶም ዓጻዶ እውን ኣብ እዝኒ የሆዋ* ጐይታ ሰራዊት በጺሑ ኣሎ።+ | |
| 5 ኣብ ምድሪ ሓንቂቕኩምን ጥዒሙኩምን፣ ብመዓልቲ ማሕረዲ ልብኹም ኣስቢሕኩም ኣለኹም።+ | |
| 6 ነቲ ጻድቕ ኰኒንኩምዎ፡ ቀቲልኩምዎ እውን። ንሱ ይጻረረኩምዶ የሎን፧ | |
| 7 እምበኣር፡ ኣሕዋተየ፡ ጐይታ ኣብዚ ኽሳዕ ዚህሉ፡ ተዓገሱ።+ እንሆ፡ ሓረስታይ፡ ዝናም ኣዝመራን ዝናም ጽብሓትን ክሳዕ ዚመጽእ እናተዓገሰ፡ ክቡር ፍረ ምድሪ ይጽበ እዩ።+ | |
| 8 ንስኻትኩም እውን ተዓገሱ፣+ ጐይታ ኣብዚ ዚህልወሉ እዋን ቀሪቡ እዩ እሞ፡ ልብኹም ኣጽንዑ።+ | |
| 9 ኣሕዋተየ፡ ምእንቲ ኸይትፍረዱ፡ ኣብ ንሓድሕድኩም ኣይተዕዘምዝሙ።*+ እንሆ፡ እቲ ፈራዲ ኣብ ኣፍ ደገ ደው ኢሉ ኣሎ። | |
| 10 ኣሕዋተየ፡ ነቶም ብስም የሆዋ* እተዛረቡ ነብያት፡+ ከም ኣርኣያ መከራን+ ትዕግስትን+ ጌርኩም ርኣይዎም። | |
| 11 እንሆ፡ ‘እቶም እተጻወሩ ሕጉሳት* እዮም’ ንብል ኣለና።+ ብዛዕባ ተጻዋርነት እዮብ+ ሰሚዕኩም ኣለኹም፣ የሆዋ* ኣዝዩ ፈቃርን* መሓርን እዩ እሞ፡+ ነቲ የሆዋ* ኣብ መወዳእታ ዝገበረሉ ርኢኹም ኣለኹም።+ | |
| 12 ልዕሊ ዅሉ ግና፡ ኣሕዋተየ፡ ደጊም ብሰማይ ወይስ ብምድሪ ወይስ ብኻልእ ማሕላ ኣይትምሓሉ። የግዳስ፡ ኣብ ትሕቲ ፍርዲ ኸይትወድቁስ፡ “እወ” ዝበልኩምዎ፡ እወ፡ “ኣይፋል” ዝበልኩምዎ ድማ፡ ኣይፋል ይኹን።+ | |
| 13 ኣብ መንጎኹም መከራ ዚጸግብዶ ኣሎ፧ ብቐጻሊ ይጸሊ።+ ሕጉስዶ ኣሎ፧ ይዘምር።+ | |
| 14 ኣብ መንጎኹም ዝሓመመዶ ኣሎ፧ ንሽማግለታት ጉባኤ ይጸውዕ፣+ ንሳቶም ከኣ ብስም የሆዋ* ዘይቲ እናለኸዩ፡ ይጸልዩሉ።+ | |
| 15 እታ ናይ እምነት ጸሎት ድማ ነቲ ሕሙም* ከተጥዕዮ እያ፣ የሆዋ* እውን ኬተንስኦ እዩ። ሓጢኣት ገይሩ እንተ ዀይኑ እውን፡ ኪሕደገሉ እዩ። | |
| 16 እምበኣር፡ ምእንቲ ኽትሓውዩ፡ ንሓድሕድኩም ሓጢኣትኩም ተናዘዙ፡+ ምእንቲ ሓድሕድኩም እውን ጸልዩ። ምህለላ ጻድቕ ሓያልን መስለጢትን እያ።*+ | |
| 17 ኤልያስ ከማና ዝስምዒቱ ሰብ እዩ ነይሩ፣ ግናኸ፡ ከይዘንም ጸሎት ምስ ጸለየ፡ ሰለስተ ዓመትን ሽዱሽተ ወርሕን ኣብታ ምድሪ ኣይዘነመን።+ | |
| 18 ከም ብሓድሽ ምስ ጸለየ ድማ፡ ሰማይ ዝናም ሂቡ፡ ምድሪ እውን ፍሪኣ ኣብቊላ።+ | |
| 19 ኣሕዋተየ፡ ሓደ ኻባኻትኩም ካብ ሓቂ እንተ ስሒቱ፡ ሓደ ኻልእ ከኣ እንተ መሊስዎ፡ | |
| 20 እቲ ንሓጥእ ካብ ስሕተት መገዱ ዚመልሶ፡+ ንዕኡ* ኻብ ሞት ከም ዜድሕኖ፡ ብዝሒ ሓጢኣት እውን ከም ዚኸድን፡ ይፍለጥ።+ | |
| 3 ከምኡ ድማ፡ ኣትን ኣንስቲ፡ ገለ ነቲ ቓል ዘይእዘዙ እንተ ኣልዮም፡ ብዘይ ቃል ብኣካይዳ ኣንስቶም ምእንቲ ኺማረኹ+ ንሰብኡትክን ተገዝኣኦም፣+ | |
| 2 ከምኡ ዚዀኑ ድማ፡ ነቲ ንጹህ ኣካይዳኽንን ብዙሕ ኣኽብሮትክንን ምስ ረኣዩ እዮም።+ | |
| 3 ስልማትክን ደጋዊ፡ ማለት ቍኖ ጸጕርን ስልማት ወርቅን+ ምኽዳን ጽቡቕ ክዳውንትን ኣይኹን፣ | |
| 4 የግዳስ፡ እቲ ኣብ ቅድሚ ኣዒንቲ ኣምላኽ ክቡር ዝዀነ ብህዱእን ልኡምን መንፈስ ብዘይሓልፍ ስልማት እተሰለመ ኣብ ልቢ ዘሎ ሕቡእ ሰብ ይኹን።+ | |
| 5 ቀደም ድማ እተን ተስፋአን ኣብ ኣምላኽ ዝገበራ ቕዱሳት ኣንስቲ፡ ንሰብኡተን እናተገዝኣ፡ ከምዚ እየን እተሰለማ። | |
| 6 ከምኡ እውን ሳራ ንኣብርሃም፡ ጐይታይ እናበለት ትእዘዞ ነይራ እያ።+ ንስኻትክን ከኣ ሰናይ እትገብራን ገለ ዘይትፈርሃን እንተ ዄንክንሲ፡ ደቃ ኢኽን።+ | |
| 7 ኣቱም ሰብኡት፡ ከምኡ ምስ ኣንስትኹም ብፍልጠት ንበሩ።* ንሳተን ምሳኻትኩም ጸጋ ህይወት ስለ ዚወርሳ፡+ ጸሎትኩም ምእንቲ ኸይዕገት፡ ከም ተነቃፊት* ኣቕሓ ጌርኩም ኣኽብርወን።+ | |
| 8 ኣብ መወዳእታ፡ ኵላትኩም ሓደ ዝሓሳቦም፡+ እትደናገጹ፡ ሕውነታዊት ፍቕሪ ዘላትኩም፡ ርሕሩሓት፡+ ትሑታት ኩኑ።+ | |
| 9 ክፉእ ኣብ ክንዲ ኽፉእ፡+ ወይስ ጸርፊ ኣብ ክንዲ ጸርፊ ኣይትምለሱ።+ ኣብ ክንዳኡስ፡ በረኸት ምእንቲ ኽትወርሱ፡ ነዚ ኢኹም እተጸዋዕኩም እሞ፡ ባርኹ።+ | |
| 10 ከመይሲ፡ “እቲ ህይወት ዚፈቱን ጽቡቕ መዓልትታት ኪርኢ ዚደልን፡ ልሳኑ ኻብ ክፉእ፡+ ከናፍሩ እውን ምትላል ካብ ምዝራብ ይሓሉ። | |
| 11 ካብ ክፉእ ይርሓቕ፡+ ሰናይ ድማ ይግበር፣+ ንሰላም ይድለያ፡ ይስዓባ እውን።+ | |
| 12 ምኽንያቱ፡ ኣዒንቲ የሆዋ* ናብ ጻድቃን፡ ኣእዛኑ እውን ንምህለላኦም ይሰምዓ እየን፣+ ገጽ የሆዋ* ግና ኣንጻር እቶም ክፉእ ዚገብሩ እዩ።”+ | |
| 13 ንሰናይ ቀናኣት እንተ ዄንኩም፡ መን እዩ ዚጐድኣኩም፧+ | |
| 14 ግናኸ፡ ስለ ጽድቂ መከራ እኳ እንተ ጸገብኩም፡ ሕጉሳት ኢኹም።+ ነቲ ንሳቶም ዚፈርህዎ ግና ኣይትፍርህዎ፡* ኣይትረበሹ እውን።+ | |
| 15 የግዳስ፡ ንክርስቶስ ከም ጐይታ ብልብኹም ቀድስዎ፣ ብዛዕባ እታ ኣባኻትኩም ዘላ ተስፋ ምኽንያት ንዚሓትተኩም ዘበለ ምላሽ ንምሃብ ኵሉ ሳዕ እተዳሎኹም ኩኑ፣ ነዚ ግና ብልእመትን+ ብብዙሕ ኣኽብሮትን ግበርዎ።+ | |
| 16 ኣብቲ እትንቀፍዎ ዘበለ፡ እቶም ዚነቕፉኹም በቲ ኸም ሰዓብቲ ክርስቶስ ዘሎኩም ሰናይ ኣካይዳ+ ምእንቲ ኺሓፍሩስ፡+ ሰናይ ሕልና ይሃሉኹም።+ | |
| 17 ፍቓድ ኣምላኽ ከምዚ እንተ ደልይዎስ፡ ካብ እከይ እናገበርኩም፡+ ሰናይ እናገበርኩም መከራ ኽትጸግቡ ይሓይሽ።+ | |
| 18 ምኽንያቱ፡ ክርስቶስ እውን ናብ ኣምላኽ ምእንቲ ኺመርሓኩም ኢሉ፡+ ስለ ሓጢኣት ሓንሳእ ንሓዋሩ ሞይቱ እዩ፣+ ማለት ጻድቕ ስለ ዓመጽቲ ሞይቱ እዩ።+ ብስጋ ሞይቱ፡+ ብመንፈስ ግና ህያው ኰይኑ።+ | |
| 19 ከምኡ ኢሉ ኸይዱ ድማ ነቶም ኣብ ቤት ማእሰርቲ እተኣስሩ መናፍስቲ ሰቢኹሎም።+ | |
| 20 ንሳቶም እቶም ቀደም ብዘመን ኖህ፡+ ኣምላኽ ብትዕግስቲ ኺጽበ ኸሎ፡* እታ ሒደት ሰባት፡ ማለት ሸሞንተ ነፍሲ* ብማይ ዝደሓናላ+ መርከብ ከኣ ክትስራሕ ከላ፡+ ዘይተኣዘዙ እዮም። | |
| 21 እቲ ነዚ ዚመስል ጥምቀት ድማ ሕጂ የድሕነኩም ኣሎ፣ እዚ ኸኣ ርስሓት ስጋ ብምውጋድ ዘይኰነስ፡ ንኣምላኽ ሰናይ ሕልና ብምልማን፡+ ብትንሳኤ የሱስ ክርስቶስ እዩ። | |
| 22 ንሱ ናብ ሰማይ ከይዱ፡ ኣብ የማን ኣምላኽ ኣሎ፣+ መላእኽትን ስልጣናትን ሓይልታትን ድማ ይግዝእዎ ኣለዉ።+ | |
| 1 ካብቲ ሃዋርያ+ የሱስ ክርስቶስ ዝዀነ ጴጥሮስ፡ ናብቶም ኣብ ጶንጦስን ኣብ ገላትያን ኣብ ቀጶዶቅያን+ ኣብ እስያን ኣብ ቢቲንያን ፋሕ ኢሎም ዘለዉ እተሰድዱ ሕሩያት፡ | |
| 2 ማለት ናብቶም እዙዛትን ብደም የሱስ ክርስቶስ እተነጽጉን ምእንቲ ኪዀኑ፡+ ብቕድስና መንፈስ+ ከምቲ ኣቦና ኣምላኽ ኣቐዲሙ ዝፈለጦ+ ፍልጠት እተሓርዩ ሕሩያት፦ ጸጋን ሰላምን ይብዛሓልኩም። | |
| 3 ኣምላኽን ኣቦን ጐይታና የሱስ ክርስቶስ ይወደስ፣ ከምቲ ዓብዪ ምሕረቱስ በቲ የሱስ ክርስቶስ ካብ ምዉታት ዝረኸቦ ትንሳኤ፡+ ንህያው ተስፋ+ ኸም ብሓድሽ ወሊዱና እዩ፣+ | |
| 4 ናብ ዘይሓልፍን ዘይረኸሰን ዘይጽምሉን ርስቲ ድማ እዩ ዝወለደና።+ እዚ ኸኣ ኣብ ሰማያት ተዓቚሩልኩም ኣሎ፣+ | |
| 5 ንስኻትኩም ድማ ብሓይሊ ኣምላኽ ብእምነት ነቲ ብዳሕራይ እዋን ኪግለጽ እተዳለወ ድሕነት ትሕለዉ ኣለኹም። | |
| 6 ንቝሩብ ግዜ ብእተፈላለየ ፈተናታት ክትጕህዩ እኳ እንተ ኣሎኩም፡ በዚ ባህ ይብለኩም ኣሎ።+ | |
| 7 እዚ እውን እቲ ኻብቲ ብሓዊ እተፈተነ* ኽነሱ ጠፋኢ ዝዀነ ወርቂ ኣዝዩ ዚኸብር ፍቱን እምነትኩም፡+ ብግልጸት የሱስ ክርስቶስ ንውዳሰን ክብርን ግርማን ምእንቲ ኪኸውን እዩ።+ | |
| 8 ንዕኡ ኸቶ እኳ እንተ ዘይረኣኹምዎ፡ ተፍቅርዎ ኢኹም። ሕጂ ትርእይዎ እኳ እንተ ዘየለኹም፡ ብእኡ ትኣምኑ ኢኹም፡ ብዘይግለጽን ክቡርን ሓጐስ ድማ ባህ ይብለኩም እዩ፣ | |
| 9 ምኽንያቱ፡ መወዳእታ እምነትኩም፡ ማለት ድሕነትኩም* ትረኽቡ ኢኹም።+ | |
| 10 እቶም ብዛዕባ እቲ ንዓኻትኩም ዝዀነ ጸጋ እተነበዩ ነብያት፡ ብዛዕባ እዚ ድሕነት እዚ ኣጸቢቖም ደልዮምን መርሚሮምን እዮም።+ | |
| 11 እቲ ኣባታቶም ዝነበረ መንፈስ ብዛዕባ መከራ ክርስቶስን+ ብዛዕባ እቲ ድሕሪኡ ዘሎ ኽብርን ኣቐዲሙ ኺምስክር ከሎ፡ ብዛዕባ ክርስቶስ ነየናይ እዋን ወይ ንኸመይ ዝበለ እዋን ከም ዜመልክት+ ብቐጻሊ መርሚሮም እዮም። | |
| 12 ንዓኻትኩም እምበር፡ ንርእሶም የገልግሉ ኸም ዘይነበሩ ተገሊጹሎም እዩ። እዚ ኸኣ ብዛዕባ እቲ በቶም ካብ ሰማይ ብእተላእከ መንፈስ ቅዱስ ዘበሰሩኹም ኣቢሉ ሕጂ ንዓኻትኩም እተነግረኩም እዩ።+ መላእኽቲ ድማ ናብዚ ኺጥምቱ ይምነዩ ኣለዉ። | |
| 13 ስለዚ፡ ብኣእምሮኹም ንተግባር ተዓጠቑ፡*+ ቀልብኹም ኣጸቢቕኩም ሓልዉ፡+ ኣብቲ ብግልጸት የሱስ ክርስቶስ ዚርከብ ጸጋ ተስፋ ግበሩ። | |
| 14 ከም እዙዛት ውሉዳት፡ በቲ ኣቐዲምኩም ብድንቍርናኹም ዝነበረኩም ትምኒት ደጊም ኣይትቀረጹ፣ | |
| 15 የግዳስ፡ ከምቲ እቲ ዝጸውዓኩም ቅዱስ ዝዀነ፡ ንስኻትኩም እውን ብዅሉ ኣካይዳኹም ቅዱሳት ኩኑ፣+ | |
| 16 ከመይሲ፡ “ኣነ ቕዱስ እየ እሞ፡ ቅዱሳት ኩኑ” ተባሂሉ ተጻሒፉ ኣሎ።+ | |
| 17 ነቲ ንነፍሲ ወከፍ ብዘይ ኣድልዎ ኸከም ግብሩ ዚፈርድ ኣቦ+ ትጽውዕዎ ኻብ ኰንኩም ከኣ፡ ኣብዚ ግዜ ግሽነትኩም ብፍርሃት ንበሩ።+ | |
| 18 ካብቲ ኻብ ኣቦታትኩም* እተቐበልኩምዎ ኸንቱ ኣነባብራኹም ናጻ ዝዀንኩም፡*+ ብሓላፊ ነገራት፡ ብብሩር ወይስ ብወርቂ፡ ከም ዘይኰነ ትፈልጡ ኢኹም። | |
| 19 የግዳስ፡ በቲ ኸም ናይ ኣበርን ርስሓትን ዘይብሉ ገንሸል*+ ዝዀነ ኽቡር ደም+ ክርስቶስ+ ኢኹም ድሒንኩም። | |
| 20 ንሱስ ቅድሚ ምስራት ዓለም ኣቐዲሙ ተፈሊጡ እዩ፣+ ኣብ መወዳእታ ግዜያት ግና ምእንታኹም ተጋሂዱ እዩ።+ | |
| 21 እምነትኩምን ተስፋኹምን ብኣምላኽ ምእንቲ ኪኸውንሲ፡ ብእኡ ኣቢልኩም በቲ ኻብ ምዉታት ዘተንስኦን+ ክብሪ ዝሃቦን+ ኣምላኽ ኣሚንኩም ኣለኹም።+ | |
| 22 ንሓቂ ብዘሎኩም ተኣዛዝነት ርእስኹም* ካብ ኣንጻህኩም እሞ ግብዝና ዘይብላ ሕውነታዊት ፍቕሪ ኻብ ሃለወትኩም፡+ ካብ ልቢ፡ ንሓድሕድኩም ኣጸቢቕኩም ተፋቐሩ።+ | |
| 23 ካብ ሓላፊ ዘይኰነስ፡ ካብ ዘይሓልፍ ዘርኢ፡*+ ብቓል እቲ ህያውን ነባርን ኣምላኽ+ ኢኹም ከም ብሓድሽ እተወለድኩም።+ | |
| 24 ከመይሲ፡ “ኵሉ ስጋ* ኸም ሳዕሪ፡ ኵሉ ኽብሩ እውን ከም ዕምባባ መሮር እዩ፣ እቲ ሳዕሪ ይነቅጽ፡ እቲ ዕምባባ እውን ይረግፍ፣ | |
| 25 ቃል የሆዋ* ግና ንዘለኣለም ይነብር።”+ እዚ “ቓል” እዚ ኸኣ፡ እቲ እተሰብከልኩም ብስራት እዩ።+ | |
| 2 እምበኣር፡ ኵሉ ኽፍኣትን+ ተንኰልን ግብዝናን ቅንእን ሕሜትን ኣርሕቑ። | |
| 2 ሕጂ ኸም እተወልዱ ሕጻናት፡+ ብእኡ ንድሕነት ምእንቲ ኽትዓብዩ፡+ ነቲ ሕዋስ ዘይብሉ* ጸባ እቲ ቓል ብሃግዎ፣ | |
| 3 ጐይታ ለዋህ ምዃኑስ ጥዒምኩም ኢኹም። | |
| 4 ናብቲ ብሰብ ንዑቕ፡+ ብኣምላኽ ግና ሕሩይን ክቡርን ዝዀነ ህያው እምኒ እናቐረብኩም፡+ | |
| 5 ንስኻትኩም እውን ኣብ ኣምላኽ ቅቡል ዝዀነ መንፈሳዊ መስዋእቲ+ ብየሱስ ክርስቶስ ምእንቲ ኸተቕርቡ፡+ ከም ህያዋን ኣእማን ንቕዱስ ክህነት መንፈሳዊ ቤት ንምዃን ትህነጹ ኣለኹም።+ | |
| 6 ምኽንያቱ፡ ኣብ ቅዱስ ጽሑፍ፡ “እንሆ፡ ኣብ ጽዮን ሕሩይ እምኒ፡ ክቡር እምኒ መኣዝን መሰረት አንብር ኣለኹ፣ ብእኡ ዚኣምን ከኣ ኣይኪሓፍርን እዩ” ዚብል ኣሎ።+ | |
| 7 እምበኣር፡ ንዓኻትኩም ንእትኣምኑ እዩ ኽቡር፣ ነቶም ዘይኣምኑ ግና፡ “እቲ ነደቕቲ ዝነዓቕዎ እምኒ፡+ ንሱ ርእሲ እምኒ መኣዝን* ኰይኑ ኣሎ፣”+ | |
| 8 “እምኒ መዐንቀፍን ከውሒ መሐንኰልን” እውን እዩ።+ ነቲ ቓል ስለ ዘይተኣዘዙ፡ ይዕንቀፉ ኣለዉ። ኣብ መወዳእታ ድማ እዚ እዩ ዚጽበዮም። | |
| 9 ንስኻትኩም ግና ናይቲ ኻብ ጸልማት ናብ ዜገርም ብርሃኑ ዝጸውዓኩም+ “ብሉጽነት* ምእንቲ ኽትእውጁ፡+ ሕሩይ ዓሌት፡ ንጉሳዊ ኽህነት፡ ቅዱስ ህዝቢ፡+ ፍሉይ ጥሪት ዝዀነ ህዝቢ ኢኹም።”+ | |
| 10 ሓደ እዋን ህዝቢ ዘይነበርኩም፡ ሕጂ ግና ህዝቢ ኣምላኽ ኢኹም፣+ ሓደ እዋን ዘይተመሓርኩም ዝነበርኩም፡ ሕጂ ግና ተማሒርኩም ኢኹም።+ | |
| 11 ፍቑራተየ፡ ከም ጓኖትን ከም ኣጋይሽን፡+ ካብቲ ምሳኻትኩም* ዚዋጋእ+ ትምኒት ስጋ ኽትርሕቁ እምዕደኩም ኣለኹ።+ | |
| 12 ከም ገበርቲ ኽፉእ ገይሮም ኪነቕፉኹም ከለዉ፡ ንሰናይ ግብርኹም ርእዮም+ በታ መዓልቲ መርመራ ንኣምላኽ ምእንቲ ኼሞግስዎ፡ ኣብ መንጎ ኣህዛብ ኣካይዳኹም ኣጸብቑ።+ | |
| 13 ምእንቲ ጐይታ ኢልኩም፡ ንዅሉ እቲ ሰብ ዝፈጠሮ* ተገዝኡ፣+ ነቲ ልዑል ዝዀነ ንጉስ+ | |
| 14 ወይስ ነቶም ንገበርቲ ኽፉእ ኪቐጽዑ፡ ንገበርቲ ሰናይ ግና ኪንእዱ ብእኡ እተላእኩ ሹማምንቲ ተገዝኡ።+ | |
| 15 ከመይሲ፡ ሰናይ ብምግባር፡ ነቲ እቶም ዓያሹ ብድንቍርና ዚዛረብዎ ኽትዓብሱ፡* ፍቓድ ኣምላኽ እዩ።+ | |
| 16 ከም ሓራ ሰባት፡+ ከም ባሮት ኣምላኽ ኩኑ እምበር፡+ ንሓርነትኩም ከም መጐልበቢ ኽፍኣት ኣይትግበርዎ።*+ | |
| 17 ንዅሉ ዓይነት ሰብ ኣኽብሩ፡+ ንዅሎም ኣሕዋት* ኣፍቅሩ፡+ ንኣምላኽ ፍርህዎ፡+ ንንጉስ ኣኽብርዎ።+ | |
| 18 ገላዉ ነቶም ሕያዎትን ልዙባትን* ጥራይ ዘይኰነስ፡ ነቶም ብቐሊሉ ዘይሕጐሱ ጐይተቶም እውን ብግቡእ ፍርሃት ይገዝእዎም።+ | |
| 19 ከመይሲ፡ ሓደ ሰብ ስለቲ ኣብ ቅድሚ ኣምላኽ ዘለዎ ሕልና ኢሉ፡ ጸገም* እንተ ተጻዊሩን እንተ ተዓሚጹን፡ ባህ ዜብል እዩ።+ | |
| 20 ብምሕጣእኩም መውቃዕቲ እንተ ተጻዊርኩምሲ፡ እንታይ ዚንኣድ ነገር ኣለዎ፧+ ሰናይ ብምግባርኩም መከራ እንተ ተጻዊርኩም ግና፡ እዚ ኣብ ቅድሚ ኣምላኽ ቅቡል እዩ።+ | |
| 21 ነዚ ኸኣ ኢኹም እተጸዋዕኩም እሞ፡ ክርስቶስ እኳ ኣስኣሰሩ ኽትስዕቡ ኣርኣያ እናሓደገልኩም+ ምእንታኹም መከራ ጸጊቡ እዩ።+ | |
| 22 ንሱ ሓጢኣት ኣይገበረን፡+ ኣብ ኣፉ እውን ምትላል ኣይተረኽበን።+ | |
| 23 ምስ ተጸርፈ፡+ መሊሱ ኣይጸረፈን።+ መከራ ኺጸግብ ከሎ ድማ፡+ ነቲ ብጽድቂ ዚፈርድ+ ደኣ ነገሩ ኣሕሊፉ ሃበ እምበር፡ ኣየፈራርሀን። | |
| 24 ንሓጢኣት ሞይትና፡* ንጽድቂ ምእንቲ ኽንነብር፡ ንሱ ባዕሉ ንሓጢኣትና ኣብ ሰብነቱ ኣብ ጕንዲ*+ ጾይርዎ እዩ።+ “ብቝስሉ ኢኹም ዝሓወኹም።”+ | |
| 25 ከመይሲ፡ ከም ብራርያ ኣባጊዕ ኢኹም ዝነበርኩም፣+ ሕጂ ግና ናብቲ ጓሳን+ ሓላውን ነፍሳትኩም* ተመሊስኩም ኣለኹም። | |
| 4 ክርስቶስ ብስጋ መከራ ኻብ ጸገበ፡+ ንስኻትኩም እውን በዚ ኣተሓሳስባ* እዚ ተዓጠቑ፣ ምኽንያቱ፡ እቲ ብስጋ መከራ ዝጸገበ፡ ንሓጢኣት ሓዲግዎ እዩ፣+ | |
| 2 ከምኡ ዝገበረ ኸኣ፡ እቲ ብስጋ ዝተረፈ ግዜኡ ንትምኒት ሰብ ዘይኰነስ፡+ ንፍቓድ ኣምላኽ ምእንቲ ኺነብር እዩ።+ | |
| 3 እቲ ብንውርምና፡* ብፍትወት፡ ብስኽራን፡ ብፈንጠዝያ፡* ብመስተ ብምውድዳር፡ ብፍንፉን* ኣምልኾ ጣኦት ክትመላለሱ ኸለኹም፡+ ፍቓድ ኣህዛብ ዝገበርኩምሉ ዝሓለፈ ግዜ ይኣክል እዩ።+ | |
| 4 ናብቲ ዕያግ ዝርጋን ምሳታቶም ስለ ዘይጐየኹም ይግረሙ፡ ንዓኻትኩም ከኣ ይጸርፉኹም ኣለዉ።+ | |
| 5 ንሳቶም ግና ነቲ ንህያዋንን ንምዉታትን ኪፈርድ ተዳልዩ ዘሎ፡ ጸብጻብ ኪህብዎ እዮም።+ | |
| 6 ስለዚ እዩ ንምዉታት እውን ብስራት እተነግሮም፣+ እዚ ኸኣ ብኣረኣእያ ሰብ ብስጋ እኳ እንተ ተፈርዱ፡ ብኣረኣእያ ኣምላኽ ምስ መንፈስ ተሰማሚዖም ምእንቲ ኺነብሩ እዩ። | |
| 7 ግናኸ፡ መወዳእታ ዅሉ ነገር ቀሪቡ ኣሎ። እምበኣር፡ ለብሙ፡+ ንጸሎት እውን ንቕሑ።+ | |
| 8 ፍቕሪ ብዙሕ ሓጢኣት ትኸድን እያ እሞ፡+ ቅድሚ ዅሉ ንሓድሕድኩም ሓያል ፍቕሪ ትሃሉኹም።+ | |
| 9 ብዘይ ምዕዝምዛም ንሓድሕድኩም ብግሽነት ተቓባበሉ።+ | |
| 10 ነፍሲ ወከፍ ከከም እቲ እተቐበሎ ውህበት፡ ከም ሕያዎት ኣመሓደርቲ እቲ ብእተፈላለየ መገዲ ዚግለጽ ጸጋ ኣምላኽ ንሓድሕድኩም ኣገልግሉ።+ | |
| 11 ዚዛረብ እንተ ዀይኑ፡ ከምቲ ቕዱስ ቃል ኣምላኽ ገይሩ ይዛረብ፣ ዜገልግል እንተ ዀይኑ እውን፡ ከምቲ ኣምላኽ ዝሃቦ ሓይሊ ገይሩ የገልግል፣+ እዚ ድማ ኣምላኽ ብየሱስ ክርስቶስ ብዅሉ ምእንቲ ኪኽበር እዩ።+ ንዕኡ ኽብርን ሓይልን ንዘለኣለመ ኣለም ይኹኖ። ኣሜን። | |
| 12 ፍቑራተየ፡ በቲ ዚረኽበኩም ዘሎ ዜንድድ ፈተና፡+ ሓደ ሓድሽ ነገር ከም ዝበጽሓኩም ኴንኩም ኣይትገረሙ። | |
| 13 የግዳስ፡ ክርስቶስ ብኽብሩ ኺግለጽ ከሎ ምእንቲ ኽትሕጐሱን ባህ ምእንቲ ኺብለኩምን፡+ ብመጠን እቲ ተኻፈልቲ መከራኡ ዝዀንኩምዎ+ ተሓጐሱ።+ | |
| 14 ምእንቲ ስም ክርስቶስ ትጽረፉ እንተ ኣሊኹም፡ መንፈስ ክብሪ፡ እወ፡ መንፈስ ኣምላኽ ኣባኻትኩም ይዓርፍ ኣሎ እሞ፡ ሕጉሳት ኢኹም።+ | |
| 15 ግናኸ፡ ሓደ እኳ ኻባኻትኩም ከም ቀታል ነፍሲ፡ ወይስ ከም ሰራቒ፡ ወይስ ከም ገባር ክፉእ፡ ወይስ ኣብ ነገር ካልኦት ጣልቃ ኸም ዚኣቱ ዀይኑ መከራ ኣይጽገብ።+ | |
| 16 ከም ክርስትያን ኰይኑ መከራ እንተ ጸጊቡ ግና፡ እዚ ስም እዚ ጾይሩ ንኣምላኽ የሞግሶ እምበር፡ ኣይሕፈር።+ | |
| 17 ምኽንያቱ፡ ፍርዲ ኣብ ቤት ኣምላኽ ዚጅምረሉ ምዱብ ግዜ ኣኺሉ እዩ።+ ቅድም ኣባና ኻብ ዚጅምርሲ፡+ ነቶም ንብስራት ኣምላኽ ዘይእዘዙ ደኣ መወዳእታኦም እንታይ ኪኸውን እዩ፧+ | |
| 18 “ጻድቕ ብጭንቂ ዚድሕን ካብ ኰነ፡ ንኣምላኽ ዘይፈርህን ሓጥእን ደኣ እንታይ ኪኸውን እዩ፧”+ | |
| 19 ስለዚ፡ እቶም ከም ፍቓድ ኣምላኽ ኰይኖም መከራ ዚጸግቡ ዘለዉ፡ ሰናይ እናገበሩ፡ ንርእሶም* ኣብቲ እሙን ፈጣሪ የማዕቍብዋ።+ | |
| 5 እምበኣር፡ ነቶም ኣብ መንጎኹም ዘለዉ ሽማግለታት፡ ኣነ መሸማግልቶምን ምስክር መከራ ክርስቶስን ተኻፋሊ እቲ ዚግለጽ ክብርን ዝዀንኩ፡+ እዚ እምሕጸኖም* ኣለኹ፦ | |
| 2 ነቲ ኣብ ትሕቲ ሓልዮትኩም ዘሎ መጓሰ ኣምላኽ ሓለውቲ ዄንኩም እናኣገልገልኩም* ጓስይዎ፣+ ግናኸ፡ ኣብ ቅድሚ ኣምላኽ ብፍታው እምበር፡ ብግዲ ኣይኹን፣+ ብሃንቀውታ እምበር፡ ንዘይግቡእ ረብሓ እውን ኣይኹን፣+ | |
| 3 ነቲ መጓሰ ኣርኣያ እናዀንኩምዎ እምበር፡+ ኣብቶም ርስቲ ኣምላኽ ዝዀኑ እትጕይተቱ ኣይትኹኑ።+ | |
| 4 እቲ ሓለቓ ጓሶት+ ምስ ተጋህደ ድማ፡ ዘይጽምሉ ኣኽሊል ክብሪ ኽትቅበሉ ኢኹም።+ | |
| 5 ከምኡ ድማ፡ ኣቱም ኣጕባዝ፡ ንዚዓብዩኹም* ተገዝእዎም።+ ኣምላኽ ንዕቡያት ይጻረሮም፡ ንትሑታት ግና ጸጋ ይህቦም እዩ እሞ፡ ኵላትኩም ንሓድሕድኩም ኣብ ዘሎኩም ርክብ ትሕትና ተዓጠቑ።+ | |
| 6 እምበኣር፡ ብግዜኡ ንሱ ልዕል ምእንቲ ኼብለኩም፡ ኣብ ትሕቲ እታ ሓያል ኢድ ኣምላኽ ትሕት በሉ።+ | |
| 7 ንሱ ይሓልየልኩም እዩ እሞ፡+ ንዅሉ ጭንቀትኩም* ናብኡ ደርብይዎ።+ | |
| 8 ቀልብኹም ሓልዉ፡ ንቕሑ!+ ድያብሎስ እቲ መጻርርትኹም ዚውሕጦ ደልዩ፡ ከም ዚጓዝም ኣንበሳ ዀይኑ ይዘውር ኣሎ።+ | |
| 9 እዚ መከራ እዚ ነቶም ኣብ ዓለም ዘለዉ ዅሎም ኣሕዋት* ከም ዚበጽሖም ፈሊጥኩም፡+ ብእምነት ጸኒዕኩም ተቓወምዎ።+ | |
| 10 ቍሩብ ግዜ መከራ ምስ ጸገብኩም ግና፡ እቲ ምስ ክርስቶስ ብዘሎኩም ሓድነት ናብ ናይ ዘለኣለም ክብሩ ዝጸውዓኩም+ ኣምላኽ ኵሉ ጸጋ፡ ንስልጠናኹም ኪፍጽሞ እዩ። ኬጽንዓኩምን+ ኬበርትዓኩምን+ ኪስርተኩምን እዩ። | |
| 11 ንዕኡ ንዘለኣለመ ኣለም ሓይሊ ይኹኖ። ኣሜን። | |
| 12 ከተባብዓኩምን እዚ ናይ ሓቂ ጸጋ ኣምላኽ ምዃኑ ኣጸቢቐ ኽምስክረልኩምን ኢለ፡ በቲ ኸም እሙን ሓው ገይረ ዝርእዮ ስልዋኖስ፡*+ ኣሕጽር ኣቢለ ጽሒፈልኩም ኣለኹ። ኣብዚ ጸጋ እዚ ጽንዑ። | |
| 13 እታ ኣብ ባቢሎን ዘላ መተሓርይትኹምን ወደይ ማርቆስን+ ሰላም ይብሉኹም ኣለዉ። | |
| 14 ብናይ ፍቕሪ ምስዕዓም ንሓድሕድኩም ሰላም ተባሃሃሉ። ምስ ክርስቶስ ሓድነት ዘሎኩም ኵላትኩም ሰላም ይሃሉኹም። | |
| 3 ፍቑራተየ፡ እዛ ሕጂ ዝጽሕፈልኩም ዘለኹ፡ ካልአይቲ ደብዳበይ እያ፣ ከምታ ቐዳመይቲ ኸኣ፡ ብመዘኻኸሪ ገይረ ነቲ ንጹር ኣተሓሳስባኹም አነቓቕሖ ኣለኹ።+ | |
| 2 እዚ ድማ ነቲ ኣቐዲሙ ብቕዱሳት ነብያት እተባህለ ቓልን ነቲ ብሃዋርያትኩም ዝረኸብኩምዎ ትእዛዝ ጐይታናን መድሓኒናን ምእንቲ ኽትዝክሩ እዩ። | |
| 3 ኣብተን ዳሕሮት መዓልትታት ከም ትምኒቶም ዚመላለሱ መላገጽቲ ምስ ላግጾም ከም ዚመጹ፡ ቅድሚ ዅሉ እዚ ፍለጡ።+ | |
| 4 ንሳቶም ከኣ፡ “እቲ ንሱ ኣብዚ ኸም ዚህሉ እተተስፈወ ደኣ ኣበይ ኣሎ፧+ ካብታ ኣቦታትና ዝሞቱላ* መዓልቲ፡ ኵሉ ኸምቲ ኻብ መጀመርታ ፍጥረት ዝነበሮ እዩ ዘሎ” ኺብሉ እዮም።+ | |
| 5 ካብ ቀደም ሰማያት ከም ዝነበረ፡ ምድሪ እውን ካብ ማይን ኣብ ማእከል ማይን ብቓል ኣምላኽ ጸኒዓ ኸም ዝነበረት፡+ ነዚ ዀነ ኢሎም ዕሽሽ ይብልዎ ኣለዉ፣ | |
| 6 እታ ሽዑ ዝነበረት ዓለም ከኣ ብእኡ፡ ብማይ ኣዕለቕሊቓ ጠፊኣ እያ።+ | |
| 7 እቲ ሕጂ ዘሎ ሰማያትን ምድርን ግና በቲ ቓል እቲ ንሓዊ ተዓቚሩ ኣሎ፡ ክሳዕ እታ መዓልቲ ፍርድን ጥፍኣት እቶም ንኣምላኽ ዘይፈርሁ ሰባትን ድማ ይሕሎ ኣሎ።+ | |
| 8 ግናኸ፡ ፍቑራተየ፡ ኣብ የሆዋ* ሓንቲ መዓልቲ ኸም ሽሕ ዓመት፡ ሽሕ ዓመት እውን ከም ሓንቲ መዓልቲ ምዃኑ፡+ እዛ ሓንቲ ነገር እዚኣ ኣይትሰወርኩም። | |
| 9 የሆዋስ፡* ኵሎም ናብ ንስሓ ኺበጽሑ እምበር፡+ ሓደ እኳ ኺጠፍእ ስለ ዘይደሊ፡ ምእንታኹም ይዕገስ ኣሎ እምበር፡ ከምቲ ንገሊኦም ዚድንጒ ዚመስሎም፡ ንተስፋኡ ኣየደንጕዮን እዩ።+ | |
| 10 መዓልቲ የሆዋ*+ ግና ከም ሰራቒ ዀይና ኽትመጽእ እያ፣+ ብእኣ ሰማያት ድዋዕዋዕ እናበለ* ኺሓልፍ፡+ ባእታታት ከኣ ብረስኒ ኺጠፍእ፡ ምድርን ኣብኣ ዘሎ ግብርታትን እውን ኪቕላዕ እዩ።+ | |
| 11 እዚ ዅሉ በዚ ኸምዚ ዚጠፍእ ካብ ኰነ፡ ብቕዱስ ኣነባብራን በቲ ንኣምላኽ ብዘሎኩም ተወፋይነት ዚርአ ግብርታትን ከመይ ዝበሉ ኽትኰኑ ኸም ዚግብኣኩም ሕሰቡ! | |
| 12 ሰማያት ብሓዊ ኣብ ዚጠፍኣሉ፡+ ባእታታት ከኣ ብረስኒ ኣብ ዚመከሉ ግዜ፡ ነቲ መዓልቲ የሆዋ*+ ኣብዚ እትህልወሉ እዋን ተጸበይዎ፡ ብሓሳብኩም እውን ኣቐልጥፍዎ።* | |
| 13 ንሕና ግና፡ ከምቲ ተስፋኡ፡ ጽድቂ ዚነብረሉ+ ሓድሽ ሰማያትን ሓዳስ ምድርን ንጽበ ኣለና።+ | |
| 14 ስለዚ፡ ፍቑራተየ፡ ነዚ ትጽበዩ ኻብ ኣለኹም፡ ብዘይ ርስሓትን ብዘይ ኣበርን ኴንኩም ብሰላም ኣብ ቅድሚኡ ኽትርከቡ ተጋደሉ።+ | |
| 15 ከምቲ እቲ ፍቑር ሓውና ጳውሎስ በቲ እተዋህቦ ጥበብ ገይሩ ዝጸሓፈልኩም ድማ፡ ንትዕግስቲ ጐይታና ኸም ድሕነት ቍጸርዎ፣+ | |
| 16 ንሱ ብዛዕባ እዚ ነገራት እዚ ኣብ ኵለን ደብዳበታቱ ተዛሪቡ እዩ። ገሊኡ ኣባታተን ዘሎ ግና፡ ንምርዳኡ ዜሸግር እዩ፣ እቶም ደናቝርን* ዘይጽኑዓትን ከኣ፡ ከምቲ ነቲ ኻልእ ቅዱሳት ጽሑፋት ዚጠዋውይዎ፡ ነዚ እውን ንጥፍኣቶም ይጠዋውይዎ ኣለዉ። | |
| 17 እምበኣር፡ ፍቑራተየ፡ ነዚ ኣቐዲምኩም ካብ ፈለጥኩምዎ፡ ብስሕተት እቶም ጠሓስቲ ሕጊ ምሳታቶም ስሒትኩም ካብ ጽንዓትኩም ከይትወድቁ ተሓለዉ።+ | |
| 18 ብጸጋን ብፍልጠትን ጐይታናን መድሓኒናን የሱስ ክርስቶስ ዕበዩ። ንዕኡ ሕጅን ንመዓልቲ ዘለኣለምን ክብሪ ይኹኖ። ኣሜን። | |
| 1 ካብቲ ባርያን ሃዋርያን የሱስ ክርስቶስ ዝዀነ ስምኦን ጴጥሮስ፡ ናብቶም ብጽድቂ ኣምላኽናን መድሓኒና የሱስ ክርስቶስን ማዕረ እታ ናትና ዝኽብረታ እምነት ዝረኸቡ፦ | |
| 2 ብልክዕ ፍልጠት+ ኣምላኽን ጐይታና የሱስን፡ ጸጋን ሰላምን ይብዛሓልኩም። | |
| 3 ከመይሲ፡ ብልክዕ ፍልጠት እቲ ብኽብርን ብሕያውነትን ዝጸውዓና ኣቢሉ፡+ መለኮታዊ ሓይሉ ዅሉ እቲ ንህይወትን ንኣምላኽ ንዘሎና ተወፋይነትን ዚኸውን ነገራት ሂቡና* እዩ። | |
| 4 በዚ ድማ ነታ ኽብርትን ዓባይን ተስፋ ሂቡና* እዩ።+ እዚ ዝገበረ ኸኣ፡ ካብቲ ኣብ ዓለም ብዘሎ ኽፉእ ትምኒት* ዚመጽእ ብልሽውና ኣምሊጥኩም፡ ተኻፈልቲ እቲ መለኮታዊ ባህርይ ምእንቲ ኽትኰኑ እዩ።+ | |
| 5 ስለዚ፡ ብዅሉ ትግሃት እናተጋደልኩም+ ኣብ እምነትኩም ሕያውነት* ወስኹ፡+ ኣብ ሕያውነት* ከኣ ፍልጠት፡+ | |
| 6 ኣብ ፍልጠት ድማ ርእሰ ግትኣት፡ ኣብ ርእሰ ግትኣት+ ከኣ ተጻዋርነት፡ ኣብ ተጻዋርነት ድማ ንኣምላኽ ዘሎኩም ተወፋይነት፡+ | |
| 7 ኣብቲ ንኣምላኽ ዘሎኩም ተወፋይነት ከኣ ሕውነታዊት ፍቕሪ፡ ኣብ ሕውነታዊት ፍቕሪ እውን ፍቕሪ ንዅሉ ሰብ።+ | |
| 8 እዚ ነገራት እዚ እንተ ኣሎኩም፡ እናበዝሐ እውን እንተ ኸይዱ፡ ብዛዕባ እቲ ልክዕ ፍልጠት ጐይታና የሱስ ክርስቶስ ዘይንጡፋት ወይ ዘይፈርዩ ኽትኰኑ ኣይሓድገኩምን እዩ።+ | |
| 9 እቲ እዚ ነገር እዚ ዘይብሉስ፡ ብርሃን ከይርኢ ዚዕመት* ዕዉርን+ ካብ ናይ ቀደም ሓጢኣቱ ምንጻሁ ዝረስዐን እዩ።+ | |
| 10 ስለዚ፡ ኣሕዋተየ፡ ንጽውዓኹምን ንሕርያኹምን ኣጽኒዕኩም ክትሕዝዎ ኣዚኹም ትግሁ፣+ እዚ ትገብሩ እንተ ዄንኩምሲ፡ ከቶ ኣይክትወድቁን ኢኹም።+ | |
| 11 እኳ ደኣስ፡ በዚ ኸምዚ ናብታ ዘለኣለማዊት መንግስቲ+ ጐይታናን መድሓኒናን የሱስ ክርስቶስ መእተዊ ብኽብሪ* ኺውሃበኩም እዩ።+ | |
| 12 ስለዚ፡ ነዚ ትፈልጥዎ እኳ እንተ ዀንኩም፡ ኣብታ ኣባኻትኩም ዘላ ሓቂ እውን ብጽኑዕ ሰሪትኩም እኳ እንተ ኣለኹም፡ ብዛዕባ እዚ ነገራት እዚ ዅሉ ሳዕ ከዘክረኩም ሓሲበ ኣለኹ። | |
| 13 ኣብዚ ድንኳን እዚ* ኽሳዕ ዘለኹ፡+ ብመዘኻኸሪታት ከነቓቕሓኩም ቅኑዕ ኰይኑ ይርኣየኒ ኣሎ።+ | |
| 14 ከምቲ ጐይታና የሱስ ክርስቶስ ዘነጸረለይ ከኣ፡+ እዚ እናገበርኩ፡ ድሕሪ ሓጺር እዋን ድንኳነይ ከም ዚቕንጠጥ እፈልጥ እየ። | |
| 15 ድሕሪ ምኻደይ፡ ነዚ ነገራት እዚ ኽትዝክርዎ ምእንቲ ኽትክእሉ ድማ፡ ኵሉ ሳዕ ክጽዕር እየ። | |
| 16 ብዛዕባ ናይ ጐይታና የሱስ ክርስቶስ ሓይልን ኣብዚ ዚህልወሉ እዋንን፡ ዕቤቱ ብዓይንና ርኢና እምበር፡+ ብጥበብ እተማህዘ ጽውጽዋያት ስዒብና ኣይኰንናን ዘፍለጥናኩም። | |
| 17 ከመይሲ፡ ካብቲ ዓብዪ ግርማ፡ “ኣነ ዝሰምሮ ፍቑር ወደይ እዚ እዩ” ዚብል ቃል* ምስ መጸ፡+ ካብ ኣቦና ኣምላኽ ክብርን ግርማን ተቐቢሉ እዩ። | |
| 18 እወ፡ ኣብቲ ቕዱስ ከረን ምስኡ ኸለና፡ ነዚ ድምጺ እዚ ኻብ ሰማይ ኪመጽእ ከሎ ሰሚዕናዮ ኢና። | |
| 19 ስለዚ፡ ኣጸቢቑ እተረጋገጸ ትንቢታዊ ቓል ኣሎና፣ ንስኻትኩም እውን መዓልቲ ኽሳዕ ዚወግሕ፡ ኰዀብ ጽባሕ+ እውን ክሳዕ ዚወጽእ፡ ከምቲ ኣብ ጸልማት ቦታ ንዘሎ መብራህቲ+ ጌርኩም ኣብ ልብኹም ተቕልቡሉ ብምህላውኩም ጽቡቕ ትገብሩ ኣለኹም። | |
| 20 ካብ ብሕታዊ ትርጉም ዚመጽእ ትንቢት ቅዱስ ጽሑፍ ከም ዘየልቦ፡ ቅድም እዚ ፍለጡ። | |
| 21 ትንቢትሲ ሰባት ብመንፈስ ቅዱስ ተደሪኾም* ካብ ኣምላኽ እተዛረብዎ እዩ እምበር፡+ ከቶ ብፍቓድ ሰብ ኣይመጸን።+ | |
| 2 ግናኸ፡ ከምቲ ናይ ሓሶት ነብያት ኣብ መንጎ እቲ ህዝቢ ዝነበሩ፡ ከምኡ ኸኣ ኣብ መንጎኹም ናይ ሓሶት መምህራን ኪህልዉ እዮም።+ ንሳቶም ዜጥፍእ ኑፋቐ ሰላሕ ኣቢሎም ኬእትዉን ነቲ ዝዓደጎም ዋና እኳ ኪኽሕድዎን እዮም፣+ ኣብ ርእሶም እውን ቅልጡፍ ጥፍኣት ኬምጽኡ እዮም። | |
| 2 ብዙሓት ድማ ነቲ ንውርምናኦም* ኪስዕብዎ እዮም፣+ ብሰሮም እውን መገዲ ሓቂ ኽትጽረፍ እያ።+ | |
| 3 ብቓል ጥበራ ገይሮም ከኣ፡ ብስስዐ ኺምዝምዙኹም እዮም። እቲ ቐደም እተወሰነ ፍርዶም+ ግና ኣይድንጕን፡ ጥፍኣቶም እውን ኣይድቅስን እዩ።+ | |
| 4 ኣምላኽ ነቶም ዝሓጥኡ መላእኽቲ እኳ ኣይነሓፎምን፣+ የግዳስ፡ ናብ ጦርጦስ* ደርብዩ፡+ ንፍርዲ ኺዕቈሩ ብመቝሕ ድቕድቕ ጸልማት ኣሲርዎም እዩ።*+ | |
| 5 ነታ ጥንታዊት ዓለም እውን ኣይነሓፋን፣+ የግዳስ፡ ኣብታ ፍርሃት ኣምላኽ ናይ ዘይብሎም ዓለም ማይ ኣይሂ ምስ ኣውረደ፡+ ንኖህ እቲ ሰባኽ ጽድቂ+ ሻምናይ ርእሱ+ ሓልይዎ እዩ። | |
| 6 ንኸተማታት ሶዶምን ጎሞራን ሓምዅሽቲ ብምግባር ድማ፡ ኰኒንወን እዩ፣+ ነቶም ፍርሃት ኣምላኽ ዘይብሎም ብዛዕባ ዚመጾም ነገር ከኣ፡ መሰክሒ ዀይነን ኣለዋ።+ | |
| 7 ነቲ ብንውርምና* እቶም ጠሓስቲ ሕጊ ኣመና ዚጕሂ ዝነበረ ጻድቕ ሎጥ ግና ኣናጊፍዎ እዩ፣+— | |
| 8 መዓልቲ መዓልትስ፡ በቲ እቲ ጻድቕ ኣብ መንጎኦም ኪነብር ከሎ ዚርእዮን ዚሰምዖን ዝነበረ ግብርታት ጥሕሰት ሕጊ፡ እታ ጻድቕ ነፍሱ* ትስቀ ነይራ እያ። | |
| 9 እምበኣር፡ የሆዋ* ነቶም ንኣምላኽ ተወፋይነት ዘለዎም ሰባት ከመይ ገይሩ ኻብ ፈተና ኸም ዜናግፎም ይፈልጥ እዩ፣+ ንዓመጽቲ ግና ብመዓልቲ ፍርዲ ምእንቲ ኺጠፍኡ* ኸመይ ገይሩ ኸም ዚዓቝሮም ይፈልጥ እዩ፣+ | |
| 10 ምናዳ ኸኣ ነቶም ንስጋ ኻልኦት ኬርክሱ ዚደልዩን+ ንስልጣን ዚንዕቁን።+ ንሳቶም ደፋራት፡ ብርእሶም ዚምክሑ፡ ንኽቡራት ኪጸርፉ ዘይፈርሁ እዮም፣ | |
| 11 መላእኽቲ ግና ብሓይልን ብስልጣንን ዚበልጹ ኽነሶምሲ፡ ንየሆዋ* ኻብ ዘለዎም ኣኽብሮት እተላዕለ፡* ብጸርፊ ኣይከሰስዎምን።+ | |
| 12 እዚኣቶም ግና ከምቶም ኪትሓዙን ኪጠፍኡን እተፈጥሩ ዘይሓስቡ እንስሳታት ብምዃኖም፡ ብዛዕባ ዘይፈልጥዎ ነገራት ይጻረፉ ኣለዉ።+ በቲ ባዕሎም ዜምጽእዎ መገዲ ጥፍኣት ኪጠፍኡ እዮም፣ | |
| 13 ከም ዓስቢ ዓመጻኦም እውን፡ ኪዕመጹ እዮም። ብቐትሪ እኳ ምሕንቃቕ ከም ተድላ ገይሮም ይርእይዎ እዮም።+ ምሳኻትኩም ኣብ መኣዲ እናበልዑ፡ ብዜታልል ትምህርቶም ዚፍንጥዙ* ርስሓትን ኣበርን እዮም።+ | |
| 14 ዝሙት ዝመልኣን+ ካብ ሓጢኣት ዘየቋርጻን ኣዒንቲ ኣለዋኦም፣ ንዘይጸንዑ* ኸኣ ይሓብሉ እዮም። ስስዐ ዝለመደ ልቢ ኣለዎም። ርጉማት ደቂ እዮም። | |
| 15 ነታ ቕንዕቲ መገዲ ሓዲጎም ስሒቶም እዮም። መገዲ እቲ ዓስቢ ዓመጻ ዝፈተወ+ በላዓም+ ወዲ ቤዖር ስዒቦም እዮም፣ | |
| 16 ንሱ ግና ቅኑዕ ዝዀነ ብምጥሓሱ፡ መግናሕቲ ተቐቢሉ እዩ።+ ዓባስ መጽዓኛ ብድምጺ ሰብ ተዛሪባስ ንጽላለ እቲ ነብዪ ዓጊታቶ እያ።+ | |
| 17 እዚኣቶም ማይ ዘይብሉ ዓይኒ ማያትን ብህቦብላ ዚኽብከብ ግመን እዮም፣ ግብ ዝበለ ጸልማት ከኣ ተዓቚሩሎም ኣሎ።+ | |
| 18 ከንቱ ዝዀነ ዘረባ ትዕቢት ይዛረቡ እዮም። ነቶም ካብቶም ብስሕተት ዚነብሩ ሕጂ ንቝሩብ ዘምለጡ ሰባት፡ ብትምኒት ስጋን+ ብንውርምናን* ይሓብሉ እዮም።+ | |
| 19 እተሳዕረ ነቲ ዝሰዓሮ ባርያኡ ይዀኖ እዩ እሞ፡+ ንሳቶም ንርእሶም ባሮት ብልሽውና ኽነሶም፡+ ሓርነት የተስፍውዎም ኣለዉ። | |
| 20 ብልክዕ ፍልጠት ጐይታናን መድሓኒናን የሱስ ክርስቶስ ካብ ርኽሰት ዓለም ድሕሪ ምምላጦም፡+ ከም ብሓድሽ ብእኡ እንተ ተጠላሊፎምን እንተ ተሳዒሮምን፡ ካብ ቀዳማዮምሲ ዳሕራዮም ዝገደደ እዩ ዚኸውን።+ | |
| 21 ነታ መገዲ ጽድቂ ብልክዕ ፈሊጦም ካብቲ ቕዱስ ትእዛዝ ካብ ዚርሕቁ፡ እንተ ዘይፈልጥዋ ምሓሾም ነይሩ።+ | |
| 22 ከምቲ እቲ ምስላ ሓቂ፡ “ከልቢ ናብ ትፋኡ ተመልሰ፣ ሓሰማ እውን ተሓጺባስ ኣብ ጸብሪ ኣንገርገረት” ዚብሎ በጺሕዎም ኣሎ።+ | |
| 3 ውሉዳት ኣምላኽ ምእንቲ ኽንብሃል፡+ ኣቦ ኸመይ ዝበለ ፍቕሪ ኸም ዝሃበና እሞ ርኣዩ!+ ከምኡ ድማ ኢና። ስለዚ ኸኣ፡ ዓለም ንዕኡ ስለ ዘይፈለጠቶ፡+ ንዓና እውን ኣይትፈልጠናን እያ።+ | |
| 2 ፍቑራተየ፡ ሕጂ ውሉዳት ኣምላኽ ኢና፣+ እንታይ ከም እንኸውን ግና ገና ኣይተጋህደን።+ ንሱ ምስ ተጋህደ፡ ከምታ ዘለዋ ኽንርእዮ ኢና እሞ፡ ንዕኡ ኸም እንመስል ንፈልጥ ኢና። | |
| 3 ከምቲ ንሱ ንጹህ ዝዀነ፡ እዛ ተስፋ እዚኣ ኣብኡ ዘላቶ ዘበለ ዅሉ ድማ፡ ንርእሱ የንጽህ እዩ።+ | |
| 4 ብሓጢኣት ዚመላለስ ዘበለ ዅሉ፡ ብጥሕሰት ሕጊ እዩ ዚመላለስ፣ ሓጢኣት ከኣ ጥሕሰት ሕጊ እዩ። | |
| 5 ንሱ ሓጢኣት ኬርሕቕ ኢሉ ኸም እተጋህደ እውን ትፈልጡ ኢኹም፣+ ኣብኡ ድማ ሓጢኣት የልቦን። | |
| 6 ምስኡ ብሓድነት ዚነብር ዘበለ ዅሉ፡ ብሓጢኣት ኣይመላለስን እዩ፣+ ብሓጢኣት ዚመላለስ ዘበለ ግና ኣይረኣዮን፡ ኣይፈለጦን እውን። | |
| 7 ደቀየ፡ ሓደ እኳ ኣየስሕትኩም፣ ከምቲ ንሱ ጻድቕ ዝዀነ፡ እቲ ብጽድቂ ዚመላለስ ጻድቕ እዩ። | |
| 8 ድያብሎስ ካብ መጀመርታ* ኣትሒዙ ሓጢኣት ይገብር ኣሎ እሞ፡ እቲ ብሓጢኣት ዚመላለስ ካብ ድያብሎስ እዩ።+ ወዲ ኣምላኽ ከኣ ግብሪ ድያብሎስ ምእንቲ ኼፍርስ* እዩ እተጋህደ።+ | |
| 9 ካብ ኣምላኽ እተወልደ ዘበለ ዅሉ፡ ዘርኢ* ኣምላኽ ኣብኡ ይነብር እዩ እሞ፡ ብሓጢኣት ኣይመላለስን እዩ፣+ ካብ ኣምላኽ ስለ እተወልደ እውን፡ ብሓጢኣት ኪመላለስ ኣይክእልን እዩ።+ | |
| 10 ውሉዳት ኣምላኽን ውሉዳት ድያብሎስን በዚ እዮም ዚፍለጡ፦ ብጽድቂ ዘይመላለስ ካብ ኣምላኽ ኣይኰነን፣ ንሓዉ ዘየፍቅር እውን ከምኡ እዩ።+ | |
| 11 ንሓድሕድና ኽንፋቐር፡ እዚኣ እታ ኻብ መጀመርታ ዝሰማዕኩምዋ መልእኽቲ እያ።+ | |
| 12 ከምቲ ኻብቲ እኩይ ዝነበረ፡ ንሓዉ ኸኣ ዝቐተለ ቃየል ኣይንኹን።+ ስለምንታይከ እዩ ዝቐተሎ፧ ግብሩ እከይ፡+ ግብሪ ሓዉ ግና ጽድቂ ስለ ዝነበረ እዩ።+ | |
| 13 ኣሕዋተየ፡ ዓለም ንዓኻትኩም ብምጽላኣ፡ ኣይትገረሙ።+ | |
| 14 ንሕና ንኣሕዋትና ስለ እነፍቅሮም፡+ ካብ ሞት ናብ ህይወት ከም እተሳገርና ንፈልጥ ኢና።+ እቲ ዘየፍቅር፡ ኣብ ሞት ይነብር።+ | |
| 15 ንሓዉ ዚጸልእ ዘበለ ዅሉ፡ ቀታል ነፍሲ እዩ፣+ ቀታል ነፍሲ ዘበለ ድማ፡ ናይ ዘለኣለም ህይወት ኣብኡ ኸም ዘይትነብር ትፈልጡ ኢኹም።+ | |
| 16 ንሱ ህይወቱ* ምእንታና ኣሕሊፉ ስለ ዝሃበ፡ በዚ ንፍቕሪ ፈሊጥናያ ኣለና፣+ ንሕና እውን ምእንቲ ኣሕዋትና ህይወትና* ኣሕሊፍና ኽንህብ ግዴታ ኣሎና።+ | |
| 17 ግናኸ፡ ጥሪት እዛ ዓለም ዘለዎ ዘበለ እሞ ሓዉ ተሸጊሩ ኸሎ እናረኣየስ ዘይርሕርሓሉ፡ ፍቕሪ ኣምላኽ ከመይ ኢላ ኣብኡ ትነብር፧+ | |
| 18 ደቀየ፡ ብግብርን+ ብሓቅን+ እምበር፡ ብቓልን ብልሳንን ኣይንፋቐር።+ | |
| 19 ካብ ሓቂ ምዃንና በዚ ኢና ኽንፈልጥ፡ ኣብ ቅድሚኡ ኸኣ ንልብና ምትእምማን ከነሕድረሉ* ኢና፣ | |
| 20 ዋላ እኳ ልብና እንተ ዀነነና፡ ኣምላኽ ካብ ልብና ይዓብን ኵሉ ይፈልጥን እዩ።+ | |
| 21 ፍቑራተየ፡ ልብና እንተ ዘይኰኒኑና፡ ኣብ ቅድሚ ኣምላኽ ንምዝራብ ትብዓት ኣሎና፣+ | |
| 22 ትእዛዛቱ እንሕሉን ኣብ ቅድሚ ኣዒንቱ ባህ ዜብሎ እንገብርን ስለ ዝዀንና፡ እንልምኖ ዘበለ ኻብኡ ንቕበል ኢና።+ | |
| 23 ከምቲ ንሱ ዝሃበና ትእዛዝ ጌርና ድማ፡ ብስም ወዱ የሱስ ክርስቶስ ክንኣምን፡+ ንሓድሕድና እውን ክንፋቐር፡+ ትእዛዙ እዚ እዩ። | |
| 24 እቲ ትእዛዛቱ ዚሕሉ ኸኣ ምስኡ ብሓድነት ይነብር፡ ንሱ እውን ምስኡ ብሓድነት ይነብር።+ በቲ ንሱ ዝሃበና መንፈስ ከኣ፡ ምሳና ብሓድነት ከም ዚነብር ንፈልጥ ኢና።+ | |
| 1 ብዛዕባ እቲ ኻብ መጀመርታ ዝነበረ፡ ንሕና ዝሰማዕናዮ፡ ብኣዒንትና ዝረኣናዮ፡ ዝጠመትናዮ፡ ኣእዳውና እውን ዘረምሰሳኦ ቓል ህይወት ንነግረኩም ኣለና።+ | |
| 2 (እወ፡ ህይወት ተጋሂዳ እያ፣ ነታ ምስ ኣቦ ዝነበረትን ንዓና እተጋህደትን ናይ ዘለኣለም ህይወት+ ከኣ ርኢናያ ኢና እሞ፡ ንምስክረልኩምን+ ንነግረኩምን ኣለና።) | |
| 3 ንስኻትኩም እውን ምሳና ሕብረት* ምእንቲ ኺህልወኩም ኢልና፡ እቲ ዝረኣናዮን ዝሰማዕናዮን ንዓኻትኩም ንነግረኩም ኣለና።+ እዚ ሕብረትና እውን ምስ ኣቦን ምስ ወዱ የሱስ ክርስቶስን እዩ።+ | |
| 4 ሓጐስና ምሉእ ምእንቲ ኪኸውን ድማ፡ እዚ ንጽሕፈልኩም ኣለና። | |
| 5 እታ ኻብኡ ዝሰማዕናያ፡ ንዓኻትኩም እውን እንነግራ ዘለና መልእኽቲ እዚኣ እያ፦ ኣምላኽ ብርሃን እዩ፣+ ኣብኡ ኸኣ ጸልማት ከቶ የልቦን። | |
| 6 “ምስኡ ሕብረት ኣሎና” ኢልናስ ኣብ ጸልማት እንተ ተመላሊስና፡ ንሕሱ፡ ሓቂ እውን ኣይንገብርን ኢና ዘለና።+ | |
| 7 ከምቲ ንሱ ኣብ ብርሃን ዘሎ፡ ኣብ ብርሃን እንተ ተመላሊስና ግና፡ ንሓድሕድና ሕብረት ኣሎና፡ ደም የሱስ ወዱ እውን ካብ ኵሉ ሓጢኣትና የንጽሃና እዩ።+ | |
| 8 “ሓጢኣት የብልናን” እንተ ኢልና፡ ንርእስና ነስሕታ ኣለና፡+ እታ ሓቂ እውን ኣባና የላን። | |
| 9 ሓጢኣትና እንተ ተናዚዝና፡ ንሓጢኣትና ኺሓድገልና፡ ካብ ኵሉ ዓመጻ እውን ኬንጽሃና እሙንን ጻድቕን እዩ።+ | |
| 10 “ኣይሓጣእናን” እንተ ኢልና፡ ሓሳዊ ንገብሮ ኣለና፡ ቃሉ እውን ኣባና የሎን። | |
| 2 ደቀየ፡ ምእንቲ ኸይትሓጥኡ፡ እዚ እጽሕፈልኩም ኣለኹ። ሓደ እኳ ዝሓጥአ እንተሎ፡ ኣብ ኣቦ ረዳኢ፡* ማለት የሱስ ክርስቶስ+ እቲ ጻድቕ ኣሎና።+ | |
| 2 ንሱ ኸኣ ምእንቲ ሓጢኣትና+ ዜተዓርቕ መስዋእቲ እዩ፣+ ምእንቲ ሓጢኣት ብዘላ ዓለም እውን እምበር፡ ምእንቲ ሓጢኣትና ጥራይ ኣይኰነን።+ | |
| 3 ብቐጻሊ ትእዛዛቱ ንሕሉ እንተ ዄንና ድማ፡ ከም እንፈልጦ በዚ ኢና እንፈልጥ። | |
| 4 እቲ፡ “እፈልጦ እየ” ዚብል፡ ንትእዛዛቱ ግና ዘይሕሉ፡ ሓሳዊ እዩ፡ እታ ሓቂ እውን ኣብኡ የላን። | |
| 5 እቲ ንቓሉ ዚሕሉ ግና፡ ፍቕሪ ኣምላኽ ብሓቂ ኣብኡ ፍጽምቲ ትኸውን።+ ምስኡ ሓድነት ከም ዘሎና፡ በዚ ኢና እንፈልጥ።+ | |
| 6 እቲ፡ “ምስኡ ብሓድነት እየ ዝነብር” ዚብል፡ ከምቲ ንሱ እተመላለሶ ገይሩ ኺመላለስ ግዴታ ኣለዎ።+ | |
| 7 ፍቑራተየ፡ እቲ ኻብ መጀመርታ ዝነበረኩም ናይ ቀደም ትእዛዝ እምበር፡ ሓድሽ ትእዛዝ ኣይኰንኩን ዝጽሕፈልኩም ዘለኹ።+ እዚ ናይ ቀደም ትእዛዝ እዚ፡ ዝሰማዕኩምዎ ቓል እዩ። | |
| 8 ጸልማት ይሓልፍ፡ ብርሃን ሓቂ እውን ድሮ ይበርህ ኣሎ እሞ፡+ ከም ብሓድሽ ኣብኡን ኣባኻትኩምን ሓቂ ዝዀነ ሓድሽ ትእዛዝ እጽሕፈልኩም ኣለኹ። | |
| 9 እቲ፡ “ኣብ ብርሃን ኣለኹ” ዚብል፡ ንሓዉ ግና ዚጸልእ፡+ ገና ኣብ ጸልማት እዩ ዘሎ።+ | |
| 10 እቲ ንሓዉ ዜፍቅር፡ ኣብ ብርሃን እዩ ዚነብር፡+ ኣብኡ እውን መዐንቀፊ የልቦን። | |
| 11 እቲ ንሓዉ ዚጸልእ ግና፡ ኣብ ጸልማት እዩ ዘሎን ዚመላለስን፣+ ጸልማት ንኣዒንቱ ስለ ዘዖሮ ድማ፡ ናበይ ከም ዚኸይድ ኣይፈልጥን እዩ።+ | |
| 12 ደቀየ፡ ሓጢኣትኩም ምእንቲ ስሙ ተሓዲጉልኩም እዩ እሞ፡+ እጽሕፈልኩም ኣለኹ። | |
| 13 ኣቱም ኣቦታት፡ ነቲ ኻብ መጀመርታ ዝነበረ ፈሊጥኩምዎ ኢኹም እሞ፡ እጽሕፈልኩም ኣለኹ። ኣቱም ኣጕባዝ፡ ነቲ እኩይ ስዒርኩምዎ ኢኹም እሞ፡+ እጽሕፈልኩም ኣለኹ። ኣቱም ቈልዑ፡ ንኣቦ ፈሊጥኩምዎ ኢኹም እሞ፡+ ጽሒፈልኩም ኣለኹ። | |
| 14 ኣቱም ኣቦታት፡ ነቲ ኻብ መጀመርታ ዝነበረ ፈሊጥኩምዎ ኢኹም እሞ፡ ጽሒፈልኩም ኣለኹ። ኣቱም ኣጕባዝ፡ ብርቱዓት ስለ ዝዀንኩምን+ ቃል ኣምላኽ ኣባኻትኩም ስለ ዚነብርን+ ነቲ እኩይ ስለ ዝሰዓርኩምዎን፡+ ጽሒፈልኩም ኣለኹ። | |
| 15 ንዓለም ወይስ ነቲ ኣብ ዓለም ዘሎ ኣይትፍተዉ።+ ሓደ እኳ ንዓለም እንተ ፈትዩዋ፡ ፍቕሪ ኣቦ ኣብኡ የላን፣+ | |
| 16 ምኽንያቱ፡ ኵሉ እቲ ኣብ ዓለም ዘሎ፡ ትምኒት ስጋን+ ትምኒት ኣዒንትን+ መነባብሮኻ ርኣዩለይ ምባልን፡* ካብ ዓለም እምበር፡ ካብ ኣቦስ ኣይኰነን። | |
| 17 ዓለም ከኣ ትሓልፍ እያ ዘላ፡ ትምኒታ እውን ከምኡ፣+ እቲ ፍቓድ ኣምላኽ ዚገብር ግና ንዘለኣለም ይነብር።+ | |
| 18 ደቀየ፡ እዚኣ እታ ዳሕረይቲ ሰዓት እያ፣ ከምቲ እቲ ጸረ ክርስቶስ ከም ዚመጽእ ዝሰማዕኩምዎ ኸኣ፡+ ሕጂ እውን ብዙሓት ኣጽራረ ክርስቶስ ተንሲኦም ኣለዉ፣+ እዚኣ እታ ዳሕረይቲ ሰዓት ምዃና፡ በዚ ኢና እንፈልጥ። | |
| 19 ካባና እዮም ወጺኦም፡ ግናኸ፡ ካባና ኣይነበሩን፣+ ካባና ነይሮም እንተ ዚዀኑስ፡ ምሳና ምነበሩ ነይሮም። ግናኸ፡ ካባና ዝነበሩ ዅላቶም ዘይምዃኖም ምእንቲ ኺገሃድ እዮም ዝወጹ።+ | |
| 20 ንስኻትኩም ድማ ካብቲ ቕዱስ፡ ቅብኣት ኣሎኩም፣+ ኵላትኩም እውን ፍልጠት ኣሎኩም። | |
| 21 ነታ ሓቂ ስለ ዘይትፈልጥዋ ዘይኰነስ፡+ ስለ እትፈልጥዋ፡ ሓሶት እውን ካብ ሓቂ ስለ ዘይኰነ እየ ዝጸሓፍኩልኩም።+ | |
| 22 እቲ ንየሱስ ብሓቂ ክርስቶስ ምዃኑ ዚኽሕዶ እንተ ዘይኰይኑስ፡ መን እዩ ሓሳዊ፧+ እቲ ንኣቦን ንወድን ዚኽሕዶም፡ ንሱ እቲ ጸረ ክርስቶስ እዩ።+ | |
| 23 እቲ ንወዲ ዚኽሕዶ ዘበለ ዅሉ፡ ንዕኡ እቲ ኣቦ የብሉን።+ እቲ ንወዲ ዚእመነሉ፡+ ንዕኡ እቲ ኣቦ ኣለዎ።+ | |
| 24 ንዓኻትኩምሲ፡ እቲ ኻብ መጀመርታ ዝሰማዕኩምዎ ኣባኻትኩም ደኣ ይንበር።+ እቲ ኻብ መጀመርታ ዝሰማዕኩምዎ ኣባኻትኩም ዚነብር እንተ ዀይኑ፡ ንስኻትኩም እውን ምስ ወድን ምስ ኣቦን ሓድነት ኣልዩኩም ክትነብሩ ኢኹም። | |
| 25 እታ ንሱ ዘተስፈወና ተስፋ ኸኣ፡ ናይ ዘለኣለም ህይወት እያ።+ | |
| 26 ብዛዕባ እቶም ኬስሕቱኹም ዚፍትኑ እየ እዚ ዝጸሓፍኩልኩም። | |
| 27 ንስኻትኩምሲ፡ እቲ ኻብኡ እተቐበልኩምዎ ቕብኣት+ ኣባኻትኩም ይነብር ኣሎ እሞ፡ ሓደ እኳ ኺምህረኩም ኣየድልየኩምን እዩ፣ እቲ ኻብኡ ዝዀነ ቕብኣት ግና፡ ብዛዕባ ዅሉ ይምህረኩም ኣሎ፣+ ሓቂ እውን እዩ እምበር፡ ሓሶት ኣይኰነን። ከምቲ ዝመሃረኩም ድማ፡ ምስኡ ብሓድነት ንበሩ።+ | |
| 28 ሕጂ ድማ፡ ደቀየ፡ ንሱ ኺግሃድ ከሎ፡ ንምዝራብ ትብዓት ምእንቲ ኽንረክብ፡+ ኣብዚ ኣብ ዚህልወሉ እዋን ከኣ ብሕፍረት ካብኡ ኸይንርሕቕሲ፡ ምስኡ ብሓድነት ንበሩ። | |
| 29 ንሱ ጻድቕ ምዃኑ ትፈልጡ እንተ ዄንኩም፡ ጽድቂ ዚገብር ዘበለ ዅሉ ኻብኡ ኸም እተወልደ ትፈልጡ ኢኹም።+ | |
| 4 ፍቑራተየ፡ ብዙሓት ናይ ሓሶት ነብያት ኣብ ዓለም ተንሲኦም ኣለዉ እሞ፡+ ብድራኸ መንፈስ ንዚዝረብ ዘረባ* ዘበለ ዅሉ ኣይትእመኑ፣+ የግዳስ፡ እቲ ብድራኸ መንፈስ ዚዝረብ ዘረባታት* ካብ ኣምላኽ እንተ ዀይኑ መርምሩ።+ | |
| 2 እቲ ብድራኸ መንፈስ ዚዝረብ ዘረባ ኻብ ኣምላኽ ምዃኑ በዚ ኢኹም እትፈልጡ፦ የሱስ ክርስቶስ ብስጋ ኸም ዝመጸ ዚእመን ዘበለ ብድራኸ መንፈስ ዚዝረብ ዘረባ፡ ካብ ኣምላኽ እዩ።+ | |
| 3 የሱስ ብስጋ ኸም ዝመጸ ዘይእመን ዘበለ ብድራኸ መንፈስ ዚዝረብ ዘረባ ግና፡ ካብ ኣምላኽ ኣይኰነን።+ እዚ ኸኣ እቲ ኸም ዚመጽእ ሰሚዕኩምዎ ዘለኹም ናይ ጸረ ክርስቶስ ብድራኸ መንፈስ ዚዝረብ ዘረባ እዩ፣+ ሕጂ እውን ድሮ ኣብ ዓለም ኣሎ።+ | |
| 4 ደቀየ፡ ንስኻትኩም ካብ ኣምላኽ ኢኹም፣ ካብቲ ምስ ዓለም ሓድነት ዘለዎስ፡+ እቲ ምሳኻትኩም ሓድነት ዘለዎ ስለ ዚዓቢ፡+ ነዚኣቶም እውን ስዒርኩምዎም ኢኹም።+ | |
| 5 ንሳቶም ካብ ዓለም እዮም፣+ ስለዚ ኸኣ እዮም ካብ ዓለም ዚዛረቡ፡ ዓለም እውን ትሰምዖም እያ።+ | |
| 6 ንሕና ኻብ ኣምላኽ ኢና። እቲ ንኣምላኽ ዚፈልጥ፡ ይሰምዓና፣+ እቲ ኻብ ኣምላኽ ዘይኰነ፡ ኣይሰምዓናን እዩ።+ ብድራኸ መንፈስ ዚዝረብ ዘረባ ሓቅን ብድራኸ መንፈስ ዚዝረብ ዘረባ ስሕተትን በዚ ኢና እነለሊ።+ | |
| 7 ፍቑራተየ፡ ፍቕሪ ኻብ ኣምላኽ እያ እሞ፡ ንሓድሕድና ንፋቐር፣+ ዜፍቅር ዘበለ ዅሉ ኻብ ኣምላኽ እተወልደ እዩ፡ ንኣምላኽ እውን ይፈልጦ እዩ።+ | |
| 8 ኣምላኽ ፍቕሪ እዩ እሞ፡ እቲ ዘየፍቅር ንኣምላኽ ኣይፈልጦን እዩ።+ | |
| 9 ኣምላኽ፡ በቲ ሓደ ወዱ+ ህይወት ምእንቲ ኽንረክብ ኢሉ፡ ንዕኡ ናብ ዓለም ብምልኣኹ፡ ፍቕሪ ኣምላኽ ንዓና በዚ ተገሊጻትልና እያ።+ | |
| 10 ንሕና ንኣምላኽ ስለ ዘፍቀርናዮ ዘይኰነስ፡ ንሱ ስለ ዘፍቀረናን ንሓጢኣትና ኸም ዜተዓርቕ መስዋእቲ+ ገይሩ ወዱ ስለ ዝሰደደልናን፡ እታ ፍቕሪ በዚ እያ።+ | |
| 11 ፍቑራተየ፡ ኣምላኽ ከምዚ ገይሩ ኻብ ኣፍቀረናስ፡ ንሕና እውን ንሓድሕድና ኽንፋቐር ግዴታ ኣሎና።+ | |
| 12 ሓደ እኳ ንኣምላኽ ዝረኣዮ ኸቶ የልቦን።+ ንሓድሕድና ንፋቐር እንተ ዄንና፡ ኣምላኽ ኣባና ይነብር፡ ፍቕሩ እውን ኣባና ፍጽምቲ ትኸውን።+ | |
| 13 ካብ መንፈሱ ስለ ዝሃበና፡ ንሕና ምስኡ ብሓድነት ከም እንነብር፡ ንሱ ኸኣ ምሳና ብሓድነት ከም ዚነብር፡ በዚ ኢና እንፈልጥ። | |
| 14 ኣቦ ንወዱ መድሓን ዓለም ኪኸውን ከም ዝለኣኾ ድማ፡ ርኢና ኢና፡ ንምስክር እውን ኣለና።+ | |
| 15 የሱስ ወዲ ኣምላኽ ምዃኑ ዚእመን ዘበለ፡+ ኣምላኽ ምስኡ ብሓድነት ይነብር፡ ንሱ እውን ምስ ኣምላኽ ብሓድነት ይነብር።+ | |
| 16 ንሕና ኸኣ ነታ ኣምላኽ ንዓና ዘላቶ ፍቕሪ ፈሊጥናያን ኣሚንናያን ኣለና።+ ኣምላኽ ፍቕሪ እዩ፣+ እቲ ኣብ ፍቕሪ ዚነብር ከኣ ምስ ኣምላኽ ብሓድነት ይነብር፡ ኣምላኽ እውን ምስኡ ብሓድነት ይነብር።+ | |
| 17 ከምቲ የሱስ ክርስቶስ ዝዀኖ፡ ንሕና ባዕልና እውን ኣብዛ ዓለም እዚኣ ኸምኡ ኢና እሞ፡ ብመዓልቲ ፍርዲ ንምዝራብ ትብዓት* ምእንቲ ኺህልወና፡+ በዚ ኸምዚ ፍቕሪ ኣባና ፍጽምቲ ዀነት። | |
| 18 ፍርሂ ስለ እትገትእ፡ ፍጽምቲ ፍቕሪ ንፍርሂ ኣውጺኣ ትድርብያ* እምበር፡ ኣብ ፍቕርስ ፍርሂ የልቦን።+ እቲ ዚፈርህ ከኣ ብፍቕሪ ፍጹም ኣይኰነን።+ | |
| 19 ንሱ ቕድም ኣፍቂሩና እዩ እሞ፡ ንሕና እውን ነፍቅር ኢና።+ | |
| 20 ነቲ ዝረኣዮ ሓዉ ዘየፍቅሮስ፡+ ነቲ ዘይረኣዮ ኣምላኽ ኬፍቅሮ ኣይክእልን እዩ እሞ፡+ ንሓዉ እናጸልኦስ፡ “ንኣምላኽ አፍቅሮ እየ” ዚብል እንተሎ፡ ንሱ ሓሳዊ እዩ።+ | |
| 21 እቲ ንኣምላኽ ዜፍቅር፡ ንሓዉ እውን ኬፍቅሮ፡ እዚ ትእዛዝ እዚ ኻብኡ እተቐበልናዮ እዩ።+ | |
| 5 እቲ የሱስ ብሓቂ ክርስቶስ ምዃኑ ዚኣምን ዘበለ ዅሉ፡ ካብ ኣምላኽ እተወልደ እዩ፣+ እቲ ንወላዲ ዜፍቅሮ ዘበለ ዅሉ ኸኣ፡ ነቲ ኻብኡ እተወልደ እውን የፍቅሮ እዩ። | |
| 2 ንኣምላኽ ምስ እነፍቅሮን ትእዛዛቱ ምስ እንሕሉን፡ ንውሉዳት ኣምላኽ+ ከም እነፍቅሮም፡ በዚ ኢና እንፈልጥ። | |
| 3 ፍቕሪ ኣምላኽ ከኣ ትእዛዛቱ ኽንሕሉ እዩ፣+ ትእዛዛቱ እውን ከቢድ ኣይኰነን፣+ | |
| 4 ከመይሲ፡ ካብ ኣምላኽ እተወልደ ዘበለ ዅሉ ንዓለም ይስዕራ እዩ።+ እታ ንዓለም ዝሰዓርናላ ስዕረት ከኣ፡ እምነትና እያ።+ | |
| 5 ንዓለም ዚስዕራ መን እዩ፧+ እቲ የሱስ ወዲ ኣምላኽ ምዃኑ ዚኣምን ደይኰነን፧+ | |
| 6 እቲ ብማይን ብደምን ዝመጸ እዚ እዩ፡ ማለት የሱስ ክርስቶስ፣ ብማይን ብደምን እምበር፡+ ብማይ ጥራይ ኣይኰነን ዝመጸ።+ እቲ መንፈስ ከኣ ሓቂ እዩ እሞ፡ እቲ መንፈስ እውን ይምስክር ኣሎ።+ | |
| 7 ስለዚ፡ እቶም ዚምስክሩ ሰለስተ እዮም፦ | |
| 8 መንፈስን+ ማይን+ ደምን፣+ ሰለስቲኦም ዚምስክርዎ ኸኣ ሓደ እዩ። | |
| 9 እቲ ብዛዕባ ወዱ ዝመስከሮ ምስክር፡ እዚ እቲ ምስክር ኣምላኽ እዩ እሞ፡ ምስክር ሰብ እንቕበል ካብ ኰንናስ፡ ምስክር ኣምላኽ ካብኡ ይዓቢ እዩ። | |
| 10 እቲ ብወዲ ኣምላኽ ዚኣምን፡ እቲ ምስክር ኣብ ውሽጡ ኣለዎ። እቲ ብኣምላኽ ዘይኣምን፡ ንዕኡ ሓሳዊ ገይርዎ ኣሎ፣+ ከመይሲ፡ ነቲ ኣምላኽ ብዛዕባ ወዱ ዝመስከሮ ምስክር ኣይኣመኖን። | |
| 11 ኣምላኽ ናይ ዘለኣለም ህይወት ከም ዝሃበና፡+ እቲ ምስክር እዚ እዩ፣ እዛ ህይወት እዚኣ ድማ ኣብ ወዱ ኣላ።+ | |
| 12 እቲ ወዲ ዘለዎ፡ እዛ ህይወት እዚኣ ኣላቶ፣ እቲ ወዲ ኣምላኽ ዘይብሉ፡ እዛ ህይወት እዚኣ የብሉን።+ | |
| 13 ንዓኻትኩም ነቶም ብስም ወዲ ኣምላኽ እትኣምኑ፡+ ናይ ዘለኣለም ህይወት ከም ዘላትኩም ምእንቲ ኽትፈልጡ ኢለ፡ እዚ ጽሒፈልኩም ኣለኹ።+ | |
| 14 እቲ ኣብኡ ዘሎና እምንቶ* እዚ እዩ፦+ ከም ፍቓዱ ጌርና እንልምኖ ዘበለ ይሰምዓና እዩ።+ | |
| 15 እንልምኖ ዘበለ ኸም ዚሰምዓና ኻብ እንፈልጥ ድማ፡ ካብኡ ስለ ዝለመንና፡ ዝለመንናዮ ዘበለ ኸም እንረክብ ንፈልጥ ኢና።+ | |
| 16 ሓደ ንሓዉ፡ ናብ ሞት ዘየብጽሕ ሓጢኣት ኪገብር እንተ ርእይዎ፡ ይለምነሉ፡ ኣምላኽ እውን ህይወት ኪህቦ እዩ።+ እዚ ነቶም ናብ ሞት ዘየብጽሕ ሓጢኣት ዝገበሩ እዩ። ናብ ሞት ዜብጽሕ ሓጢኣት ኣሎ።+ ብዛዕባ እዚ ሓጢኣት እዚ ኣይኰንኩን “ይለምነሉ” ዝብል ዘለኹ። | |
| 17 ዓመጻ ዘበለ ዅሉ ሓጢኣት እዩ፣+ ግናኸ፡ ናብ ሞት ዘየብጽሕ ሓጢኣት ኣሎ። | |
| 18 ካብ ኣምላኽ እተወልደ ዘበለ ዅሉ፡ ብሓጢኣት ከም ዘይመላለስ ንፈልጥ ኢና፣ ግናኸ፡ እቲ ኻብ ኣምላኽ እተወልደ* ይሕልዎ እዩ፡ እቲ እኩይ እውን ኪትንክዮ* ኣይክእልን እዩ።+ | |
| 19 ካብ ኣምላኽ ምዃንና፡ ብዘላ ዓለም እውን ኣብ ትሕቲ ቝጽጽር እቲ እኩይ ምህላዋ ንፈልጥ ኢና።+ | |
| 20 ግናኸ፡ ወዲ ኣምላኽ ከም ዝመጸ፡+ ነቲ ናይ ሓቂ ኽንፈልጦ ኢሉ ኸኣ ልቦና* ከም ዝሃበና ንፈልጥ ኢና። ብወዱ የሱስ ክርስቶስ ኣቢልና ድማ፡ ምስቲ ናይ ሓቂ፡ ሓድነት ኣሎና።+ እዚ እቲ ናይ ሓቂ ኣምላኽን ናይ ዘለኣለም ህይወትን እዩ።+ | |
| 21 ደቀየ፡ ካብ ጣኦታት ተሓለዉ።+ | |
| 1 ካብቲ ሽማግለ፡ ናብታ ሕርይቲ እመቤትን ናብቶም ኣነ ብሓቂ ዘፍቅሮም ደቃን፣ ኣነ ጥራይ ዘይኰንኩስ፡ ኵሎም እቶም ንሓቂ ዚፈልጥዋ ዘበሉ እውን የፍቅርዎም እዮም። | |
| 2 ስለ እታ ኣባና ዘላን ንዘለኣለም ምሳና እትነብርን ሓቂ ኢልና ኢና ኸኣ እነፍቅሮም። | |
| 3 ካብ ኣቦና ኣምላኽን ካብ የሱስ ክርስቶስ ወዲ ኣቦን፡ ጸጋን ምሕረትን ሰላምን ምስ ሓቅን ፍቕርን ምሳና ኪኸውን እዩ። | |
| 4 ገለ ኻብ ደቅኺ፡ ከምቲ ኻብ ኣቦ እተቐበልናዮ ትእዛዝ ኰይኖም፡ በታ ሓቂ ዚመላለሱ ስለ ዝረኸብኩ፡ ብዙሕ እሕጐስ ኣለኹ።+ | |
| 5 ሕጂ ድማ፡ እመቤት፡ ንሓድሕድና ኽንፋቐር እልምነኪ ኣለኹ። (ሓድሽ ትእዛዝ ዘይኰነስ፡ እቲ ኻብ መጀመርታ ዝነበረና እየ ዝጽሕፈልኪ ዘለኹ።)+ | |
| 6 ፍቕሪ ማለት ከኣ፡ ከምቲ ትእዛዛቱ ጌርና ኽንመላለስ እያ።+ ከምቲ ኻብ መጀመርታ ዝሰማዕኩምዎ ጌርኩም ብእኡ ኽትመላለሱ፡ እቲ ትእዛዝ እቲ፡ እዚ እዩ። | |
| 7 የሱስ ክርስቶስ ብስጋ ኸም ዝመጸ ዘይእመኑ+ ብዙሓት መስሓትቲ ኣብ ዓለም ተንሲኦም ኣለዉ።+ እቲ መስሓትን እቲ ጸረ ክርስቶስን እዚ እዩ።+ | |
| 8 ምሉእ ዓስቢ ኽትረኽቡ እምበር፡ ነቲ ዝጸዓርናሉ ምእንቲ ኸይተጥፍእዎ፡ ንርእስኹም ተጠንቀቑ።+ | |
| 9 እቲ ሓሊፉ ዚኸይድን ኣብ ትምህርቲ ክርስቶስ ዘይጸንዕን፡ ኣምላኽ የብሉን።+ እቲ ኣብዚ ትምህርቲ እዚ ዚጸንዕ፡ ንሱ ኣቦን ወድን ኣለውዎ።+ | |
| 10 ዝዀነ ይኹን ናባኻትኩም እንተ መጺኡ እሞ ነዚ ትምህርቲ እዚ እንተ ዘየምጺኡ፡ ኣብ ቤትኩም ኣይትቀበልዎ፡+ ሰላም እውን ኣይትበልዎ። | |
| 11 እቲ ሰላም ዚብሎስ ተኻፋሊ እቲ እኩይ ግብሩ እዩ። | |
| 12 ብዙሕ ዝጽሕፈልኩም ነገር ነይሩኒ ኽነሱ፡ ብወረቐትን ብቐለምን ክጽሕፎ ኣይደልን እየ፣ ግናኸ፡ ሓጐስኩም ምሉእ ምእንቲ ኪኸውንሲ፡ ናባኻትኩም ክመጽእን ኣፍ ንኣፍ ክዛረበኩምን ተስፋ እገብር ኣለኹ። | |
| 13 ደቂ እታ ሕርይቲ ሓብትኺ ሰላም ይብሉኺ ኣለዉ። | |
| 1 ካብቲ ሽማግለ፡ ናብቲ ኣነ ብሓቂ ዘፍቅሮ ፍቑር ጋይዮስ። | |
| 2 ኣታ ፍቑር፡ ከምቲ ደሓን ዘለኻ፡* ብዅሉ ደሓን ክትህሉን ክትጥዕን እጽልየልካ ኣለኹ። | |
| 3 ከምቲ በታ ሓቂ ትመላለስ ዘለኻ፡ ኣሕዋት መጺኦም ብዛዕባ እታ ዝሓዝካያ ሓቂ ብምምስካሮም፡ ብዙሕ ተሓጒሰ እየ።+ | |
| 4 ደቀይ በታ ሓቂ ይመላለሱ ኸም ዘለዉ ኻብ ምስማዕ ዚዓቢ ሓጐስ* የብለይን።+ | |
| 5 ኣታ ፍቑር፡ ንዓኻ ኣጋይሽ እኳ እንተ ዀኑ፡+ ነቲ ነቶም ኣሕዋት እትገብሮ ዘበለ፡ ብተኣማንነት ትገብሮ ኣለኻ። | |
| 6 ንሳቶም ብዛዕባ ፍቕርኻ ኣብ ቅድሚ ጉባኤ መስኪሮም እዮም። ንኣምላኽ ከም ዚበቅዕ ጌርካ ኣፋንዎም።+ | |
| 7 ከመይሲ፡ ካብ ኣህዛብ ሓንቲ እኳ ኸይወሰዱ፡+ ምእንቲ ስሙ እዮም ዝወጹ። | |
| 8 እምበኣር፡ በታ ሓቂ መዓይይቲ ምእንቲ ኽንከውን፡+ ነዞም ከምዚኣቶም ዝበሉ ኽንቅበሎም ግዴታ ኣሎና።+ | |
| 9 ናብታ ጉባኤ ሓደ ነገር ጽሒፈ ኣለኹ፣ እቲ ኣውራኦም ኪኸውን ዚደሊ+ ድዮትሬፌስ ግና ብኣኽብሮት ኣይቅበለናን እዩ።+ | |
| 10 ስለዚ፡ እንተ መጺአ፡ ነቲ ብዛዕባና ኽፉእ ወረ ብምውራይ* ዚገብሮ ዘሎ ግብሪ ኸም ዚዝከር ክገብር እየ።+ እዚ ኸይኣኽሎስ፡ ነቶም ኣሕዋት ብኣኽብሮት ኣይቅበሎምን፡+ ነቶም ኪቕበልዎም ዚደልዩ ኸኣ ኪኽልክሎም ይፍትን፡ ካብ ጉባኤ እውን የውጽኦም ኣሎ። | |
| 11 ኣታ ፍቑር፡ ነቲ ሰናይ ደኣ እምበር፡ ነቲ እከይሲ ኣይትስዓቦ።+ እቲ ሰናይ ዚገብር፡ ካብ ኣምላኽ እዩ።+ እቲ እከይ ዚገብር፡ ንኣምላኽ ኣይረኣዮን።+ | |
| 12 ኵላቶም ንድሜጥሮስ ጽቡቕ ይምስክሩሉ ኣለዉ፣ እታ ሓቂ ባዕላ ድማ ትምስክረሉ ኣላ። ንሕና እውን ንምስክረሉ ኣለና፣ ምስክርና ሓቂ ኸም ዝዀነ ኸኣ ንስኻ ትፈልጥ ኢኻ። | |
| 13 ብዙሕ ዝጽሕፈልካ ነገር ነይሩንስ፡ ብቐለምን ብብርዕን ክጽሕፈልካ ግና ኣይደልን እየ። | |
| 14 ግናኸ፡ ቀልጢፈ ኽርእየካ ተስፋ እገብር ኣለኹ፣ ኣፍ ንኣፍ ድማ ክንዛራረብ ኢና። ሰላም ንዓኻ ይኹን። ፈተውትና ሰላም ይብሉኻ ኣለዉ። ንፈተውትና በብስሞም ሰላም በለለይ። | |
| 1 ይሁዳ ባርያ የሱስ ክርስቶስን ሓው ያእቆብን+ ነቶም ብኣምላኽ ኣቦ እተፈቕሩን ንየሱስ ክርስቶስ እተሓለዉን+ ጽዉዓት፦+ | |
| 2 ምሕረትን ሰላምን ፍቕርን ይብዝሓልኩም። | |
| 3 ኣቱም ፍቑራተይ፡ ብዛዕባ ድሕነትና ኽጽሕፈልኩም እኳ ሃረር እንተ በልኩ፡+ ነታ ሓንሳእ ንሓዋሩ ንቕዱሳት እተዋህበት እምነት ምእንቲ ኽትጋደሉ፡+ ክጽሕፈልኩም ኣድላዪ ዀይኑ ረኺበዮ እየ። | |
| 4 ምኽንያቱ፡ ብቕዱሳት ጽሑፋት ኣቐዲሙ ነዚ ፍርዲ እዚ እተነግረሎም ፍርሃት ኣምላኽ ዘይብሎም ገለ ሰባት ሰሊኾም ኣትዮም ኣለዉ፣ ንሳቶም ብጸጋ ኣምላኽና ኣመኽንዮም ንውርምና*+ ዚገብሩን ነቲ በይኑ ዋናናን ጐይታናን ዝዀነ የሱስ ክርስቶስ ዚኽሕዱን እዮም።+ | |
| 5 ነዚ ዅሉ ኣጸቢቕኩም ትፈልጥዎ እኳ እንተ ዀንኩም፡ የሆዋ* ንህዝቡ ኻብ ግብጺ ኣድሒኑ፡+ ደሓር ነቶም ዘይኣምኑ ኸም ዘጥፍኦም ከዘኻኽረኩም እደሊ እየ።+ | |
| 6 ነቶም መንበሪኦም ዝሓደጉ እምበር፡ ቦታኦም ዘይሓለዉ መላእኽቲ እውን፡+ ኣብ ድቕድቕ ጸልማት ንፍርዲ እታ ዓባይ መዓልቲ ብናይ ዘለኣለም መቓውሕ ኣሲሩ ዓቚርዎም ኣሎ።+ | |
| 7 ሶዶምን ጎሞራን ኣብ ከባቢአን ዝነበራ ኸተማታትን እውን፡ ከማታቶም እምብዛ ምስ መንዘራን* ዘይባህርያዊ ትምኒት ስጋ ምስ ሰዓባን፡+ በቲ ዝወረደን መቕጻዕቲ ናይ ዘለኣለም ሓዊ ንመለበሚ ዀይነናና ኣለዋ።+ | |
| 8 እዚ ዀይኑ ግና፡ እዞም ሓለምቲ እዚኦም እውን ስጋ የርክሱን ጕይትነት የቃልሉን ንኽቡራት ይጸርፉን ኣለዉ።+ | |
| 9 ሚካኤል+ እቲ ሊቀ መላእኽቲ+ ግና፡ ብዛዕባ ሬሳ ሙሴ+ ምስ ድያብሎስ ዜከራኽር ኣልይዎ ምስ ተማጐተ፡ “የሆዋ* ይግናሕካ” ደኣ በሎ እምበር፡+ ብጸርፊ ኺፈርዶ ኣይደፈረን።+ | |
| 10 እዚኣቶም ግና ብዛዕባ ዅሉ እቲ ዘይፈልጥዎ ነገራት ይጻረፉ ኣለዉ።+ ብዅሉ እቲ ኸም ዘይሓስቡ እንስሳታት+ ብባህረት ዚፈልጥዎ ነገራት ንርእሶም የበላሽዉ ኣለዉ። | |
| 11 ብመገዲ ቃየል+ ስለ ዝኸዱ፡ ምእንቲ ዓስቢ ኢሎም ናብ ስሕተት በላዓም+ ህሩግ ስለ ዝበሉ፡ ብዘረባ ዕልወት+ ቆራሕ+ ከኣ ስለ ዝጠፍኡ፡ ወይለኦም። | |
| 12 እዚኣቶም ምሳኻትኩም ኣብ ናይ ፍቕሪ መኣድኹም ዚበልዑ ዘለዉ ኣብ ትሕቲ ማይ እተሓብኡ ኣኻውሕ፡+ ብዘይ ፍርሃት ንርእሶም ዚምግቡ ጓሶት፡+ ብንፋስ ናብዝን ናብትን ዚድፍኡ ማይ ዘይብሉ ደበና፡+ ኣብ መወዳእታ ኣዝመራ ዘይፈርያን ክልተ ሳዕ ዝሞታን* ካብ ሱረን እተመንቈሳን ኣእዋም እዮም፣ | |
| 13 ነውሮም ዜዕፍሩ ብርቱዓት ማዕበል ባሕሪ፡+ ግብ ዝበለ ጸልማት ንዘለኣለም እተዓቝረሎም ኣንፈት ዘይብሎም ከዋኽብቲ እዮም።+ | |
| 14 እቲ ኻብ ኣዳም ሻውዓይ ዝዀነ ሄኖክ+ እውን፡ ከምዚ ኢሉ ብዛዕባኦም ተነብዩ እዩ፦ “እንሆ፡ የሆዋ* ምስ ኣእላፋት*+ ቅዱሳቱ መጺኡ ኣሎ። | |
| 15 ንዅላቶም ኪፈርዶም፡+ ንዅሎም እቶም ፍርሃት ኣምላኽ ዘይብሎም ድማ ብዛዕባ እቲ ብእኩይ መገዶም ዝገበርዎ ዅሉ እኩይ ግብሮም፡ ነቶም ፍርሃት ኣምላኽ ዘይብሎም ሓጥኣን ከኣ ብዛዕባ እቲ እተዛረብዎ ዜሰምብድ ዘረባ ኺረትዖም መጺኡ ኣሎ።”+ | |
| 16 እዚኣቶም መጕረምረምቲ፡+ ብህይወቶም ዜማርሩ፡ ብትምኒቶም ዚመላለሱ፡+ ምእንቲ ጥቕሞም ንሰባት እናሸሓጡ* ቓላት ትዕቢት ዚዛረቡ እዮም።+ | |
| 17 ንስኻትኩም ግና፡ ኣቱም ፍቑራተይ፡ ነቲ ብሃዋርያት ጐይታና የሱስ ክርስቶስ ኣቐዲሙ እተነግረ ነገር ዘክርዎ። | |
| 18 ንሳቶም፡ “በቲ ዳሕራይ ግዜ፡ ብእኩይ ትምኒቶም ዚመላለሱ መላገጽቲ ኺመጹ እዮም” ኢሎም ይነግሩኹም ነይሮም እዮም።+ | |
| 19 እዚኣቶም ፈላለይቲ፡+ ስጋውያን፡ ዘይመንፈሳውያን* እዮም። | |
| 20 ንስኻትኩም ግና፡ ኣቱም ፍቑራተይ፡ በታ ኻብ ኵሉ ንላዕሊ እተቐደሰት እምነትኩም ንርእስኹም እናሃነጽኩም፡ ብመንፈስ ቅዱስ እናጸለኹም፡+ | |
| 21 ነቲ ናብ ናይ ዘለኣለም ህይወት ዜብጽሕ ምሕረት ጐይታና የሱስ ክርስቶስ እናተጸበኹም፡+ ንርእስኹም ኣብ ፍቕሪ ኣምላኽ ሓልውዋ።+ | |
| 22 ኣብ ርእሲ እዚ፡ ንገሊኦም ዚጠራጠሩ፡+ ምሕረት ግበሩሎም፣+ | |
| 23 ካብ ሓዊ መንዚዕኩም ኣናግፍዎም።+ ንገሊኦም ድማ፡ ነቲ ብስጋ ዝረኸሰ ኽዳን እናጸላእኩም፡ ብፍርሃት ምሕረት ግበሩሎም።+ | |
| 24 ነቲ ኸይትዕንቀፉ ኺሕልወኩም፡ ብዓብዪ ሓጐስ ከኣ ኣብ ቅድሚ ኽብሩ ብዘይ ኣበር ኬቝመኩም ዚከኣሎ፡+ | |
| 25 ነቲ መድሓኒና ዝዀነ ሓደ በይኑ ኣምላኽ፡ ብጐይታና የሱስ ክርስቶስ* ካብ ዘለኣለምን ሕጅን ንዘለኣለምን ክብሪ፡ ግርማ፡ ሓይሊ፡ ስልጣን ይኹኖ። ኣሜን። | |
| 17 ሓደ ኻብቶም ሸውዓተ ጭሔሎ ዝሓዙ ሸውዓተ መላእኽቲ+ ኸኣ መጺኡ፡ ከምዚ ኢሉ ተዛረበኒ፦ “ፍርዲ እታ ኣብ ብዙሕ ማያት እትቕመጥ ዓባይ ኣመንዝራ+ ኸርእየካስ፡ ንዓ። | |
| 2 ነገስትታት ምድሪ ምስኣ መንዚሮም፡*+ ኣብ ምድሪ ዚነብሩ እውን ብወይኒ ምንዝርናኣ* ሰኺሮም እዮም።”+ | |
| 3 ብሓይሊ መንፈስ ድማ ናብ በረኻ ወሰደኒ። ሸውዓተ ርእስን ዓሰርተ ቐርንን ኣብ ዘለዎ ስማት ጸርፊ ዝመልኦ ቐይሕ ኣራዊት እተቐመጠት ሰበይቲ ረኣኹ። | |
| 4 እታ ሰበይቲ ኸኣ ጁዅን+ ቀይሕን ተወንዚፋ፡ ብወርቅን ብኽቡር እምንን ብሉልን ተሰሊማ ነበረት፣+ ጽያፍን ርኽሰት ምንዝርናኣን* ዝመልአ ጽዋእ ወርቂ ድማ ኣብ ኢዳ ነበራ። | |
| 5 ኣብ ግምባራ ኸኣ ምስጢር ዝዀነ፡ “ዓባይ ባቢሎን፡ ኣደ ኣመናዝርን+ ኣደ ጽያፍ ምድርን” ዚብል ስም ተጻሒፉ ነበረ።+ | |
| 6 እታ ሰበይቲ ብደም ቅዱሳትን ብደም መሰኻኽር የሱስን ሰኺራ ድማ ረኣኽዋ።+ ምስ ረኣኽዋ ኸኣ፡ ኣዝየ ተገረምኩ። | |
| 7 እቲ መልኣኽ ድማ ከምዚ በለኒ፦ “ስለምንታይ ተገሪምካ፧ ምስጢር እታ ሰበይትን+ ምስጢር እቲ ጾይርዋ ዘሎ ሸውዓተ ርእስን ዓሰርተ ቐርንን ዘለዎ ኣራዊትን ኣነ ኽነግረካ እየ፦+ | |
| 8 እቲ ዝረኣኻዮ ኣራዊት ዝነበረ እዩ፡ የሎን ከኣ፡ ካብ መዓሙቝ+ ድማ ኪወጽእ፡ ናብ ጥፍኣት እውን ኪኸይድ እዩ። እቶም ካብ ምስራት ዓለም ኣትሒዙ ስሞም ኣብ ጥቕልልቲ መጽሓፍ ህይወት+ ዘይተጻሕፈ ነበርቲ ምድሪ፡ እቲ ኣራዊት ከም ዝነበረን ከም ዘየሎን ከም ዚህሉን ምስ ረኣዩ፡ ኪግረሙ እዮም። | |
| 9 “ጥበብ ዘለዎ ኣእምሮ* ኣብዚ እዩ ዜድሊ፦ እቲ ሸውዓተ ርእሲ፡+ እታ ሰበይቲ ኣብ ልዕሊኡ እተቐመጠቶ ሸውዓተ ኣኽራን እዩ። | |
| 10 ሸውዓተ ነገስታት ከኣ እዮም፦ እቶም ሓሙሽተ ወዲቖም፡ እቲ ሓደ ኣሎ፡ እቲ ሓደ ገና ኣይመጸን፣ ምስ መጸ ድማ፡ ቍሩብ ኪጸንሕ ይግብኦ እዩ። | |
| 11 እቲ ዝነበረን ዘየሎን ኣራዊት፡+ ንሱ ድማ ሻምናዮም እዩ፣ ካብቶም ሸውዓተ ኸኣ እዩ ዚወጽእ፡ ናብ ጥፍኣት እውን ይኸይድ። | |
| 12 “እቶም ዝረኣኻዮም ዓሰርተ ቐርኒ ድማ፡ መንግስቲ ገና ዘይተቐበሉ ዓሰርተ ነገስታት እዮም፣ ግናኸ፡ ምስቲ ኣራዊት ከም ነገስታት ኰይኖም፡ ንሓንቲ ሰዓት ስልጣን ይቕበሉ እዮም። | |
| 13 እዚኣቶም ሓደ ሓሳብ ኣለዎም፣ ሓይሎምን ስልጣኖምን ከኣ ነቲ ኣራዊት ይህብዎ እዮም። | |
| 14 እዚኣቶም ምስቲ ገንሸል*+ ኪዋግኡ እዮም፣ እቲ ገንሸል ግና ጐይታ ጐይተትን ንጉሰ ነገስትን ስለ ዝዀነ፡+ ኪስዕሮም እዩ።+ እቶም ምስኡ ዘለዉ ጽዉዓትን ሕሩያትን እሙናትን እውን ኪስዕሩ እዮም።”+ | |
| 15 ከምዚ ድማ በለኒ፦ “እቲ እታ ኣመንዝራ ተቐሚጣቶ ዝረኣኻዮ ማያትሲ፡ ህዝብታትን ብዙሕ ሰብን ኣህዛብን ቋንቋታትን እዮም።+ | |
| 16 እቶም ዝረኣኻዮም ዓሰርተ ቐርንን+ እቲ ኣራዊትን+ ከኣ ነታ ኣመንዝራ+ ኺጸልእዋን ኬጥፍእዋን ጥራያ ኺገብርዋን ንስጋኣ ኺበልዑን ብሓዊ ኺህምኽዋን እዮም።+ | |
| 17 ከመይሲ፡ ኣምላኽ፡ ሓሳቡ ኺገብሩ፡+ ቃል ኣምላኽ ክሳዕ ዚፍጸም ከኣ፡ መንግስቶም ነቲ ኣራዊት ብምሃብ፡+ ሓደ ሓሳብ ኪዀኑ፡ ኣብ ልቦም ኣእትዩ እዩ። | |
| 18 እታ ዝረኣኻያ ሰበይቲ ድማ፡+ ኣብ ልዕሊ ነገስታት ምድሪ መንግስቲ ዘለዋ ዓባይ ከተማ እያ።” | |
| 18 ድሕርዚ፡ ዓብዪ ስልጣን ዘለዎ ኻልእ መልኣኽ ካብ ሰማይ ኪወርድ ከሎ ረኣኹ፣ ብኽብሩ እውን ምድሪ በርሀት። | |
| 2 ብብርቱዕ ድምጺ ኸኣ፡ ከምዚ ኢሉ ጨደረ፦ “እታ ዓባይ ባቢሎን ወዲቓ፡ ወዲቓ!+ ማሕደር ኣጋንንትን ሰፈር ኵሎም ርኹሳት መናፍስትን* ሰፈር ርኹስን ጽሉእን ዘበለ ዅሉ ዑፍን ኰይና!+ | |
| 3 ኵሎም ኣህዛብ ኣደዳ ወይኒ ፍትወት* ምንዝርናኣ* ዀይኖም፡+ ነገስታት ምድሪ ኸኣ ምስኣ መንዚሮም፡+ ነጋዶ* ምድሪ እውን ብሓይሊ ሕንቃቐኣ ሃብቲሞም።” | |
| 4 ካብ ሰማይ ከኣ ካልእ ድምጺ ሰማዕኩ፦ “ኣቱም ህዝበይ፡ ኣብቲ ሓጢኣታ ኸይትጽምበሩ፡ ካብቲ መዓታ እውን ከይትካፈሉስ፡+ ካብኣ ውጹ።+ | |
| 5 ከመይሲ፡ ሓጢኣታ ኽሳዕ ሰማይ ተጸፍጺፉ፡+ ኣምላኽ ድማ ዓመጻኣ ዘኪሩ እዩ።+ | |
| 6 ከምቲ ዝፈደየቶ ፍደይዋ፡+ ከምቲ ግብራ እውን ዕጽፊ ምለሱላ፣+ በቲ ሓዋዊሳ ዘዳለወትሉ ጽዋእ፡+ ዕጽፊ ጌርኩም ሓዋዊስኩም ኣዳልዉላ።+ | |
| 7 ብልባ፡ ‘ንግስቲ ዀይነ ተቐሚጠ እየ፡ መበለት ኣይኰንኩን፡ ሓዘን እውን ከቶ ኣይክርእን እየ’ ትብል እያ እሞ፡ ብመጠን እቲ ንርእሳ ዘኽበረትን ዝሓንቀቐትን ጌርኩም፡ ስቓይን ሓዘንን ሃብዋ።+ | |
| 8 ስለዚ፡ እቲ ዝፈረዳ የሆዋ* ኣምላኽ ብርቱዕ እዩ እሞ፡+ መዓታ፡ ማለት ሞትን ሓዘንን ጥሜትን፡ ብሓንቲ መዓልቲ ኺመጻ እዩ፣ ብሓዊ እውን ክትህመዅ እያ።+ | |
| 9 “እቶም ምስኣ ዝመንዘሩን* ዝሓንቀቑን ነገስታት ምድሪ ኸኣ፡ ትኪ ምንዳዳ ምስ ረኣዩ፡ ኪበኽዩላን ደረቶም ኪወቕዑላን እዮም። | |
| 10 ብሰሪ ፍርሂ ስቓያ፡ ኣብ ርሑቕ ደው ኢሎም፡ ‘ኣቲ ዓባይ ከተማ፡+ ኣቲ ብርትዕቲ ኸተማ ባቢሎን፡ ፍርድኺ ብሓንቲ ሰዓት መጺኡ እዩ እሞ፡ ወይለኺ፡ ወይለኺ!’ ኺብሉ እዮም። | |
| 11 “እቶም ነጋዶ ምድሪ ኸኣ፡ ደጊም ምሉእ ጽዕነቶም ዚዕድገሎም የልቦን እሞ፡ ይበኽዩላን ይሓዝኑላን ኣለዉ፣ | |
| 12 ምሉእ ጽዕነቶም ከኣ ወርቅን ብሩርን ክቡር እምንን ሉልን ቅጭን በፍታን ጁዅ ዝሕብሩ ኽዳንን ሃርን ቀይሕ ክዳንን ምዑዝ ሽታ ብዘለዎ ዕንጨይቲ እተገብረ ዘበለን ብስኒ ሓርማዝን ብኽቡር ዕንጨይትን ብነሓስን ብሓጺንን ብእምነ በረድን እተገብረ ዘበለ ኣቕሓን | |
| 13 ቃርፋን ሄልን ዕጣንን ቅዱይ ቅብእን ጻዕዳ ዕጣንን ወይንን ዘይቲ ኣውልዕን ድኹም ሓርጭን ስርናይን ከብትን ኣባጊዕን ኣፍራስን ሰረገላታትን ባሮትን ህይወት* ሰብን እዩ። | |
| 14 እወ፡ እቲ እተመነኽዮ* ብሱል ፍረ ኻባኺ ሓሊፉ፡ ጥዑምን ውቁብን ዘበለ ኸኣ ካባኺ ጠፊኡ፡ ደጊም እውን ኣይኪርከብን እዩ። | |
| 15 “እቶም እዚ እናነገዱ ብእኣ ዝሃብተሙ ነጋዶ፡ ብሰሪ ፍርሂ ስቓያ፡ ኣብ ርሑቕ ደው ኢሎም ከምዚ እናበሉ ኺበኽዩላን ኪሓዝኑላን እዮም፦ | |
| 16 ‘እታ ቕጭን በፍታን ጁዅን ቀይሕን እተኸድነት፡ ስልማት ወርቅን ክቡር እምንን ሉልን ብብዝሒ እተሰለመት ዓባይ ከተማ፡+ ወይለኣ፡ ወይለኣ! | |
| 17 ከመይሲ፡ ክንድዚ ዚኣክል ሃብቲ ብሓንቲ ሰዓት ጠፊኡ እዩ።’ “ኵሎም ኣዘዝቲ መራኽብን ብባሕሪ ዚጕዓዙ ዅሎምን ባሕረኛታትን ኣብ ባሕሪ ዚዓይዩ ዘበሉ ዅሎምን ኣብ ርሑቕ ደው ኢሎም፡ | |
| 18 ነቲ ትኪ ምንዳዳ እናረኣዩ፡ ‘ነዛ ዓባይ ከተማ እዚኣ እትመስላ ኸተማ ኣየነይቲ እያ፧’ ኢሎም ጨርሑ። | |
| 19 ኣብ ርእሶም ከኣ ሓመድ ነስነሱ፣ እናበኸዩን እናሓዘኑን ከኣ፡ ‘እታ ዅሎም እቶም ኣብ ባሕሪ መራኽብ ዘለዋኦም ብሃብታ ዝሃብተሙላ ዓባይ ከተማ፡ ብሓንቲ ሰዓት ጠፊኣ እያ እሞ፡ ወይለኣ፡ ወይለኣ!’ ኢሎም ጨርሑ።+ | |
| 20 “ኣታ ሰማይ፡+ ብእኣ ተሓጐስ፣ ኣቱም ቅዱሳትን+ ሃዋርያትን ነብያትን እውን፡ ኣምላኽ ኣብ ልዕሊኣ ፍርዱ ፈሪዱልኩም እዩ እሞ፡ ተሓጐሱ!”+ | |
| 21 ሓደ ብርቱዕ መልኣኽ ድማ ከም ዓብዪ መጥሓን ዚመስል እምኒ ኣልዒሉ ኸምዚ እናበለ ናብ ባሕሪ ደርበዮ፦ “ባቢሎን እታ ዓባይ ከተማ ኸምዚ ኢላ ብናህሪ ኽትድርበ፡ ደጊም ከኣ ከቶ ኣይክትርከብን እያ።+ | |
| 22 ደሃይ ሰብ መሰንቆን* ሙዚቀኛታትን ነፋሕቲ ሻምብቆን ሰብ መለኸትን ደጊም ኣባኺ ኸቶ ኣይኪስማዕን እዩ። ኢደ ጥበብ ዘበለ ዚዓዪ ኢደ ጥበበኛ ኸኣ ደጊም ኣባኺ ኸቶ ኣይኪርከብን፡ ደጊም እውን ደሃይ መጥሓን ኣባኺ ኸቶ ኣይኪስማዕን እዩ። | |
| 23 ደጊም ኣባኺ ብርሃን መብራህቲ ኸቶ ኣይኪበርህን እዩ፣ ደጊም እውን ኣባኺ ድምጺ መርዓውን ድምጺ መርዓትን ከቶ ኣይኪስማዕን እዩ። ከመይሲ፡ ነጋዶኺ መኳንንቲ ምድሪ እዮም ነይሮም፡ ብመናፍስታዊ ተግባራትኪ+ ድማ ኵሎም ኣህዛብ ስሒቶም እዮም። | |
| 24 እወ፡ ደም ነብያትን ደም ቅዱሳትን+ ደም እቶም ኣብ ምድሪ እተሓርዱ ዘበሉ ዅሎምን ኣብኣ ተረኺቡ እዩ።”+ | |
| 19 ድሕርዚ፡ ኣብ ሰማይ ከም ናይ ብዙሓት ህዝቢ ዝኣመሰለ ዓው ዝበለ ድምጺ ሰማዕኩ። ከምዚ ኸኣ በሉ፦ “ንያህ ወድስዎ!*+ ድሕነትን ክብርን ሓይልን ናይ ኣምላኽና እዩ፣ | |
| 2 ከመይሲ፡ ፍርዱ ሓቅን ቅኑዕን እዩ፣+ ኣብታ ብምንዝርናኣ* ንምድሪ ዘበላሸወት ዓባይ ኣመንዝራ ድማ ፍርዱ ፈጺሙ እዩ፣ ንደም ባሮቱ እውን ካብ ኢዳ ፈድዩ እዩ።”+ | |
| 3 ካልኣይ ሳዕ ድማ፡ “ንያህ ወድስዎ!*+ ትካ እውን ንዘለኣለመ ኣለም ይዓርግ እዩ” በሉ።+ | |
| 4 እቶም 24 ሽማግለታትን+ እቶም ኣርባዕተ ህያዋን ፍጡራትን+ ከኣ ነቲ ኣብ ዝፋን እተቐመጠ ኣምላኽ፡ “ኣሜን! ንያህ ወድስዎ!”*+ እናበሉ ፍግም ኢሎም ሰገዱሉ። | |
| 5 ካብቲ ዝፋን እውን፡ “ኣቱም እትፈርህዎ ንኣሽቱን ዓበይትን ኵልኹም ባሮቱ፡+ ንኣምላኽና ወድስዎ”+ ዚብል ድምጺ ወጸ። | |
| 6 ከም ድምጺ ብዙሓት ህዝብን ከም ደሃይ ብዙሕ ማያትን ከም ደሃይ ብርቱዕ ነጐዳታትን ዝበለ ድማ ሰማዕኩ። ከምዚ ኸኣ በሉ፦ “እቲ ዅሉ ዚኽእል+ የሆዋ* ኣምላኽና ነጊሱ እዩ እሞ፡+ ንያህ ወድስዎ!*+ | |
| 7 መርዓ እቲ ገንሸል* በጺሑ፡ ሰበይቱ እውን ተዳልያ እያ እሞ፡ ንተሓጐስ፡ ባህ እውን ይበለና፡ ንዕኡ ድማ ክብሪ ንሃቦ። | |
| 8 እወ፡ ብሩህን ጽሩይን ቅጭን በፍታ ኽትክደን ተዋሂብዋ ኣሎ፣ እቲ ቕጭን በፍታ ኸኣ ንጽድቂ እቶም ቅዱሳት የመልክት።”+ | |
| 9 ንሱ ድማ፡ “ጽሓፍ፦ እቶም ናብ ድራር መርዓ እቲ ገንሸል እተዓደሙ ሕጉሳት እዮም”+ በለኒ። “እዚ እቲ ናይ ሓቂ ቓል ኣምላኽ እዩ” እውን በለኒ። | |
| 10 ኣነ ኸኣ ክሰግደሉ ኢለ፡ ኣብ ቅድሚ ኣእጋሩ ፍግም በልኩ። ንሱ ግና፡ “ከይትገብሮ ተጠንቀቕ!+ ኣነስ ከማኻን ከምቶም ብዛዕባ የሱስ ዕዮ ምስክርነት ዘለዎም ኣሕዋትካን ባርያ እየ።+ ንኣምላኽ ደኣ ኣምልኮ።+ ከመይሲ፡ ትንቢት ዚንገር፡ ብዛዕባ የሱስ ንምምስካር እዩ”+ በለኒ። | |
| 11 ሰማይ ከኣ ተኸፊቱ ረኣኹ፣ እንሆ ድማ፡ ኣምበላይ* ፈረስ።+ እቲ እተወጥሖ ኸኣ እሙንን+ ናይ ሓቅን*+ ይብሃል፣ ብጽድቂ እውን እዩ ዚፈርድን ዚዋጋእን።+ | |
| 12 ኣዒንቱ ሃልሃልታ ሓዊ እየን፣+ ኣብ ርእሱ እውን ብዙሕ ዘውድታት ኣለዎ። ብዘይካኡ ሓደ እኳ ዘይፈልጦ ጽሑፍ ስም ድማ ኣለዎ፣ | |
| 13 ብደም እተዓለሰ* ኽዳን ተኸዲኑ ነበረ፣ ስሙ እውን ቃል+ ኣምላኽ ይብሃል። | |
| 14 ኣብ ሰማይ ዘለዉ ሰራዊት ከኣ፡ ጻዕዳን ጽሩይን ቅጭን በፍታ ተኸዲኖም፡ ኣብ ኣምበሎት ኣፍራስ ተወጢሖም ሰዓብዎ። | |
| 15 ካብ ኣፉ ድማ ንኣህዛብ ዚወቕዓሉ በሊሕ ነዊሕ ሰይፊ+ ይወጽእ፣ ንሱ ኸኣ ብበትሪ ሓጺን ኪጓስዮም እዩ።+ ነቲ ናይቲ ነድሪ ቝጥዓ እቲ ዅሉ ዚኽእል ኣምላኽ መጽመቝ ወይኒ ድማ ይረግጾ።+ | |
| 16 ኣብ ክዳኑን ኣብ ሰለፉን ከኣ፡ ንጉሰ ነገስትን ጐይታ ጐይተትን ዚብል ጽሑፍ ስም ኣለዎ።+ | |
| 17 ሓደ መልኣኽ ኣብ ጸሓይ ደው ኢሉ ኸኣ ረኣኹ፣ ዓው ብዝበለ ድምጺ ድማ ኣብ ማእከል ሰማይ ንዚነፍራ ዅለን ኣዕዋፍ ከምዚ ኢሉ ጨደረለን፦ “ንዕነ፡ ናብቲ ዓብዪ ድራር ኣምላኽ ተኣከባ፣+ | |
| 18 ስጋ ነገስታትን ስጋ ኣሕሉቕ ሽሕን ስጋ ሓያላትን+ ስጋ ኣፍራስን ስጋ እቶም እተወጥሕዎምን፡+ ስጋ ዅሎም ጭዋታትን ባሮትን ንኣሽቱን ዓበይትን ብልዓ።” | |
| 19 እቲ ኣራዊትን እቶም ነገስታት ምድርን ሰራዊቶምን ከኣ፡ ምስቲ ኣብ ፈረስ እተወጥሐን ምስ ሰራዊቱን ኪዋግኡ ተኣኪቦም ረኣኹ።+ | |
| 20 እቲ ኣራዊት ድማ ተታሕዘ፣ እቲ ነቶም ምልክት እቲ ኣራዊት እተቐበሉን+ ንምስሉ ዝሰገዱን+ ዘስሓተሉ ትእምርትታት ኣብ ቅድሚኡ ዝገበረ ናይ ሓሶት ነብዪ+ እውን ምስኡ ተታሕዘ። ብህይወቶም ከለዉ፡ ክልቲኦም ናብቲ ብዲን ዚነድድ ቀላይ ሓዊ ተደርበዩ።+ | |
| 21 እቶም ዝተረፉ ግና በቲ ኻብ ኣፍ እቲ ኣብ ፈረስ እተወጥሐ ዚወጽእ ነዊሕ ሰይፊ ተቐትሉ።+ ኵለን ኣዕዋፍ ከኣ ስጋኦም በሊዐን ጸገባ።+ | |
| 20 መፍትሕ መዓሙቝን+ ሓደ ዓብዪ ሰንሰለትን ኣብ ኢዱ ዝሓዘ መልኣኽ ድማ፡ ካብ ሰማይ ኪወርድ ከሎ ረኣኹ። | |
| "2 ንሱ ኸኣ ነቲ ገበል፡+ ነቲ ድያብሎስን+ ሰይጣንን+ ዝዀነ ናይ ጥንቲ ተመን+ ሓዞ፣ 1,000 ዓመት እውን ኣሰሮ።" | |
| "3 እተን 1,000 ዓመት ክሳዕ ዚውድኣ ንኣህዛብ ምእንቲ ኸየስሕቶም ከኣ፡ ናብ መዓሙቝ+ ደርብዩ፡ ዓጽዩ፡ ኣብ ልዕሊኡ ሓተመ። ድሕርዚ፡ ንቝሩብ ግዜ ኺፍታሕ ይግብኦ እዩ።+ " | |
| "4 ዝፋናት ድማ ረኣኹ፣ እቶም ኣብኡ እተቐመጡ ኸኣ ኪፈርዱ ስልጣን ተዋህቦም። ነፍሳት* እቶም ብዛዕባ የሱስ ብምምስካሮምን ብዛዕባ ኣምላኽ ብምዝራቦምን እተቐንጸሉ፡* ነቲ ኣራዊት ኰነ ንምስሉ ድማ ዘይሰገዱ፡ ኣብ ግምባሮምን ኣብ ኢዶምን ከኣ ምልክቱ ዘይተቐበሉ ረኣኹ።+ ህያዋን ኰይኖም ከኣ፡ ምስ ክርስቶስ 1,000 ዓመት ነገሱ።+" | |
| "5 (እቶም ዝተረፉ ምዉታት፡+ እተን 1,000 ዓመት ክሳዕ ዚውድኣ፡ ህያዋን ኣይኰኑን።) እዚ እቲ ቐዳማይ ትንሳኤ እዩ።+" | |
| "6 ኣብቲ ቐዳማይ ትንሳኤ ግደ ዘለዎ ዘበለ ሕጉስን ቅዱስን እዩ፣+ ናይ ኣምላኽን ናይ ክርስቶስን ካህናት ኪዀኑ፡+ ምስኡ እውን 1,000 ዓመት ኪነግሱ እዮም እምበር፡+ እቲ ኻልኣይ ሞትሲ+ ኣብዚኣቶም ስልጣን የብሉን።+ " | |
| "7 እተን 1,000 ዓመት ምስ ተወድኣ ኸኣ፡ ሰይጣን ካብ ማእሰርቱ ኺፍታሕ" | |
| 8 እሞ ነቶም ኣብ ኣርባዕተ መኣዝን ምድሪ ዘለዉ ኣህዛብ፡ ማለት ንጎግን ማጎግን፡ ናብ ውግእ ምእንቲ ኺእክቦም፡ ኬስሕቶም ኢሉ ኺወጽእ እዩ። ንሳቶም ድማ ቍጽሮም ከም ሑጻ ባሕሪ እዩ። | |
| 9 ኣብ ልዕሊ ብዘላ ምድሪ ኸኣ ገስገሱ፡ ንሰፈር እቶም ቅዱሳትን ነታ ፍትውቲ ኸተማን ድማ ከበቡ። ካብ ሰማይ ግና ሓዊ ወሪዱ በልዖም።+ | |
| 10 እቲ ዜስሕቶም ድያብሎስ ከኣ ናብቲ እቲ ኣራዊትን+ እቲ ናይ ሓሶት ነብይን+ እተደርበይዎ ቐላይ ሓውን ዲንን ተደርበየ፣ ንዘለኣለመ ኣለም ድማ መዓልትን ለይትን ኪሳቐዩ* እዮም። | |
| 11 ዓብዪ ጻዕዳ ዝፋንን ኣብኡ እተቐመጠን ከኣ ረኣኹ።+ ምድርን ሰማይን ካብ ቅድሚኡ ሃደሙ፡+ ቦታ እውን ኣይተረኽበሎምን። | |
| 12 ምዉታት ድማ፡ ዓበይትን ንኣሽቱን፡ ኣብ ቅድሚ እቲ ዝፋን ደው ኢሎም ረኣኹ፣ ጥቕላላት መጻሕፍቲ እውን ተቐልዐ። ካልእ ጥቕልልቲ መጽሓፍ እውን ተቐልዐት፣ እዚኣ፡ ጥቕልልቲ መጽሓፍ ህይወት እያ።+ እቶም ምዉታት ድማ፡ ከምቲ ኣብቲ ጥቕላላት መጻሕፍቲ እተጻሕፈ፡ ከከም ግብሮም ተፈርዱ።+ | |
| 13 ባሕሪ ኸኣ ነቶም ኣብኣ ዘለዉ ምዉታት ሃበት፣ ሞትን መቓብርን* እውን ኣባታቶም ዘለዉ ምዉታት ሃቡ፣ ነፍሲ ወከፎም ከኣ ከከም ግብሮም ተፈርዱ።+ | |
| 14 ሞትን መቓብርን* ድማ ናብቲ ቐላይ ሓዊ ተደርበዩ።+ እዚ እቲ ኻልኣይ ሞት፡+ ማለት ቀላይ ሓዊ እዩ።+ | |
| 15 ኣብ መጽሓፍ ህይወት ተጻሒፉ ዘይተረኽበ ዘበለ ኸኣ፡+ ናብቲ ቐላይ ሓዊ ተደርበየ።+ | |
| 3 “ናብ መልኣኽ እታ ኣብ ሳርዴስ ዘላ ጉባኤ ጽሓፍ፦ እቲ ሸውዓተ መናፍስቲ ኣምላኽን+ ሸውዓተ ኸዋኽብትን ዘለውዎ፡+ ከምዚ ይብል ኣሎ፦ ‘ህያው ተባሂልካ ትስመ ኣለኻ፡ ግናኸ ምዉት ኢኻ እሞ፡+ ኣነ ንግብርኻ እፈልጦ እየ። | |
| 2 ንግብርኻ ኣብ ቅድሚ ኣምላኸይ ምሉእ ኰይኑ ኣይረኸብክዎን እሞ፡ ንቑሕ ኩን፡+ ነቶም ኪሞቱ ኢሎም ዘለዉ ኻልኦት እውን ኣበርትዓዮም። | |
| 3 እምበኣር፡ ከመይ ጌርካ ኸም እተቐበልካን ከም ዝሰማዕካን ዘክር፡ ሓልዎ፡ ተነሳሕ እውን።+ እንተ ዘይነቒሕካስ፡ ከም ሰራቒ ኽመጽእ እየ፣+ በየነይቲ ሰዓት ከም ዝመጸካ እውን ኣይክትፈልጥን ኢኻ።+ | |
| 4 “‘ግናኸ፡ ኣብ ሳርዴስ፡ ክዳውንቶም ዘየርከሱ ሒደት ሰባት* ኣለዉኻ፣+ ንሳቶም ብቑዓት ስለ ዝዀኑ፡ ጻዕዳ ኽዳውንቲ ተኸዲኖም ምሳይ ኪመላለሱ እዮም።+ | |
| 5 እቲ ዚስዕር፡+ ከምኡ ጻዕዳ ኽዳውንቲ ኪኽደን እዩ፣+ ኣነ እውን፡ ንስሙ ኻብ መጽሓፍ ህይወት ከቶ ኣይክድምስሶን እየ፣+ ግናኸ፡ ኣብ ቅድሚ ኣቦይን ኣብ ቅድሚ መላእኽቱን ንስሙ ኽእመኖ እየ።+ | |
| 6 እቲ እዝኒ ዘለዎ፡ እቲ መንፈስ ንጉባኤታት ዚብለን ዘሎ ይስማዕ።’ | |
| 7 “ናብ መልኣኽ እታ ኣብ ፊላደልፍያ ዘላ ጉባኤ ጽሓፍ፦ እቲ ቕዱስን+ ናይ ሓቅን*+ መፍትሕ ዳዊት ዘለዎን+ ሓደ እኳ ኸይዓጹ ዚኸፍትን ሓደ እኳ ኸይከፍት ከኣ ዚዓጹን፡ ከምዚ ይብል ኣሎ፦ | |
| 8 ‘ንግብርኻ እፈልጦ እየ። እንሆ፡ ሓደ እኳ ኺዓጽዎ ዘይክእል ክፉት ኣፍ ደገ ሂበካ ኣለኹ።+ ሒደት ሓይሊ ኸም ዘሎካን ንቓለይ ከም ዝሓሎኻዮን ንስመይ ከም ዘይከሓድካዮን እውን እፈልጥ እየ። | |
| 9 እንሆ፡ ነቶም ካብ ምኵራብ ሰይጣን ዝዀኑ፡ “ኣይሁድ ኢና” ዚብሉ፡ ግናኸ ዚሕስዉ ዘለዉ እምበር ዘይኰኑ፡+ እንሆ፡ ንዓታቶም ከም ዚመጹን ኣብ ቅድሚ እግርኻ ኸም ዚሰግዱን* ኣነ ኸም ዘፍቀርኩኻ ኸም ዚፈልጡን ክገብሮም እየ። | |
| 10 ንቓል ተጻዋርነተይ ስለ ዝሓሎኻዮ፡*+ ኣነ እውን ካብታ ነቶም ኣብ ምድሪ ዚነብሩ ኽትፍትኖም ናብ ብዘላ ዓለም እትመጽእ ሰዓት ፈተና ኽሕልወካ እየ።+ | |
| 11 ቀልጢፈ እመጽእ ኣለኹ።+ ሓደ እኳ ኣኽሊልካ ኸይወስደልካ፡ ነቲ ዘሎካ ኣጽኒዕካ ሓዞ።+ | |
| 12 “‘ነቲ ዚስዕር፡ ኣብታ ቤተ መቕደስ ኣምላኸይ ዓንዲ ኽገብሮ እየ፣ ንሱ እውን ካብኣ ኸቶ ኣይኪወጽእን እዩ። ስም ኣምላኸይን+ ስም እታ ኻብ ሰማይ እትወርድ ሓዳስ የሩሳሌም ዝዀነት ከተማ ኣምላኸይን+ እቲ ሓድሽ ስመይን ክጽሕፈሉ እየ።+ | |
| 13 እቲ እዝኒ ዘለዎ፡ እቲ መንፈስ ንጉባኤታት ዚብለን ዘሎ ይስማዕ።’ | |
| 14 “ናብ መልኣኽ ጉባኤ ሎዲቅያ ጽሓፍ፦+ እቲ ኣሜን፡+ እሙንን ናይ ሓቅን*+ ምስክር፡+ መጀመርታ ፍጥረት ኣምላኽ ከምዚ ይብል ኣሎ፦+ | |
| 15 ‘ዝሑል ወይስ ውዑይ ዘይምዃንካ፡ ንግብርኻ እፈልጦ እየ። ብኻ ዝሑል ወይስ ውዑይ ምዀንካ። | |
| 16 ስለዚ፡ ኣይውዑይ+ ኣይዝሑል+ ልቡጥ ስለ ዝዀንካ፡ ካብ ኣፈይ ጡፍ ክብለካ እየ። | |
| 17 “ሃብታም እየ፡+ ሃብቲመ እየ፡ ገለ እኳ ኣየድልየንን” ስለ ዝበልካ፡ ግናኸ ምግዱርን ዜደንግጽን ድኻን ዕዉርን ዕሩቕን ምዃንካ ኣይትፈልጥን ኢኻ እሞ፡ | |
| 18 ምእንቲ ኽትህብትም፡ ብሓዊ ዝጸረየ ወርቂ፡ ምእንቲ ኽትክደንን ሕፍረት ዕርቃንካ ምእንቲ ኸይቅላዕን፡+ ጻዕዳ ኽዳውንቲ፡ ምእንቲ ኽትርኢ ኸኣ፡ ንኣዒንትኻ እትኰሓሎ ዅሕሊ ኻባይ ክትዕድግ እመኽረካ ኣለኹ።+ | |
| 19 “‘ኣነ ነቶም ዝፈትዎም ዘበሉ እገንሖምን እግስጾምን እየ።+ እምበኣር፡ ቅናእን ተነሳሕን።+ | |
| 20 እንሆ፡ ኣብ ኣፍ ደገ ደው ኢለ እዅሕኵሕ ኣለኹ። ሓደ እኳ ድምጸይ ሰሚዑ ማዕጾ እንተ ኸፊቱለይ፡ ናብ ቤቱ ኽኣቱ፡ ምስኡ እውን ክድረር እየ፣ ንሱ እውን ምሳይ። | |
| 21 ከምቲ ኣነ እውን ዝሰዓርኩን ምስ ኣቦይ ኣብ ዝፋኑ እተቐመጥኩን፡+ ነቲ ዚስዕር፡+ ምሳይ ኣብ ዝፋነይ ኪቕመጥ ክፈቕደሉ እየ።+ | |
| 22 እቲ እዝኒ ዘለዎ፡ እቲ መንፈስ ንጉባኤታት ዚብለን ዘሎ ይስማዕ።’” | |
| 7 ድሕርዚ፡ ኣርባዕተ መላእኽቲ ኣብ ኣርባዕተ መኣዝን ምድሪ ደው ኢሎም፡ ኣብ ምድሪ ወይስ ኣብ ባሕሪ ወይስ ኣብ ኦም ዘበለ ንፋስ ከይነፍስ፡ ነቶም ኣርባዕተ ንፋሳት ምድሪ ኣጽኒዖም ሒዞምዎም ረኣኹ። | |
| 2 ማሕተም እቲ ህያው ኣምላኽ ዘለዎ ኻልእ መልኣኽ ድማ ካብ ምብራቕ ጸሓይ ኪዓርግ ከሎ ረኣኹ፣ ንሱ ኸኣ ነቶም ምድርን ባሕርን ኪጐድኡ እተፈቕደሎም ኣርባዕተ መላእኽቲ ዓው ብዝበለ ድምጺ ጸዊዑ፡ | |
| 3 “ነቶም ባሮት ኣምላኽና ኣብ ገግምባሮም ክሳዕ እንሓትሞምሲ፡+ ምድሪ ወይስ ባሕሪ ወይስ ኣእዋም ኣይትጕድኡ” በሎም።+ | |
| "4 ቍጽሪ እቶም ሕቱማት ድማ ሰማዕኩ፣ ካብ ኵሉ ነገድ ደቂ እስራኤል+ 144,000+ ሕቱማት፦ " | |
| "5 ካብ ነገድ ይሁዳ 12,000 ተሓትሙ፣ካብ ነገድ ሮቤል 12,000፣ካብ ነገድ ጋድ 12,000፣" | |
| "6 ካብ ነገድ ኣሴር 12,000፣ካብ ነገድ ንፍታሌም 12,000፣ካብ ነገድ ምናሴ+ 12,000፣" | |
| "7 ካብ ነገድ ስምኦን 12,000፣ካብ ነገድ ሌዊ 12,000፣ካብ ነገድ ይሳኮር 12,000፣" | |
| "8 ካብ ነገድ ዛብሎን 12,000፣ካብ ነገድ ዮሴፍ 12,000፣ካብ ነገድ ብንያም 12,000 ተሓትሙ። " | |
| 9 ድሕርዚ ረኣኹ፡ እንሆ፡ ካብ ኵሎም ኣህዛብን ነገዳትን ህዝብታትን ቋንቋታትን እተኣከቡ፡+ ሓደ እኳ ኪቘጽሮም ዘይክእል ብዙሓት ህዝቢ፡ ወለል ዚብል ጻዕዳ ኽዳውንቲ ተኸዲኖም+ ኣብ ቅድሚ እቲ ዝፋንን ኣብ ቅድሚ እቲ ገንሸልን* ደው ኢሎም ረኣኹ፣ ኣብ ኣእዳዎም ከኣ ጨናፍር ስየ ሒዞም ነበሩ።+ | |
| 10 “ድሕነት ካብቲ ኣብ ዝፋን እተቐመጠ ኣምላኽናን+ ካብቲ ገንሸልን እዩ”+ እናበሉ ኸኣ ዓው ኢሎም ይጭድሩ ነበሩ። | |
| 11 ኵሎም እቶም መላእኽቲ ድማ ኣብ ዙርያ እቲ ዝፋንን እቶም ሽማግለታትን+ እቶም ኣርባዕተ ህያዋን ፍጡራትን ደው ኢሎም ነበሩ፣ ኣብ ቅድሚ እቲ ዝፋን ብገጾም ተደፊኦም ከኣ ንኣምላኽ ከምዚ እናበሉ ሰገዱ፦ | |
| 12 “ኣሜን! ውዳሰን ግርማን ጥበብን ምስጋናን ክብርን ሓይልን ብርታዐን ንዘለኣለመ ኣለም ንኣምላኽና ይኹን።+ ኣሜን።” | |
| 13 ሓደ ኻብቶም ሽማግለታት ድማ፡ “እዞም ወለል ዚብል ጻዕዳ ኽዳውንቲ እተኸድኑስ+ እንታዎት እዮም፧ ካበይከ እዮም መጺኦም፧” በለኒ። | |
| 14 ኣነ እውን፡ “ጐይታይ፡ ንስኻ ትፈልጥ” በልክዎ። ንሱ ኸኣ ከምዚ በለኒ፦ “እዚኣቶም ካብቲ ብርቱዕ ጸበባ ዝወጹ እዮም፣+ ነቲ ወለል ዚብል ክዳውንቶም ከኣ ብደም እቲ ገንሸል ሓጺቦም ኣጻዕድዮምዎ እዮም።+ | |
| 15 ስለዚ፡ ኣብ ቅድሚ እቲ ዝፋን ኣምላኽ እዮም፣ ኣብታ ቤተ መቕደሱ እውን መዓልትን ለይትን የገልግልዎ* ኣለዉ፣ እቲ ኣብቲ ዝፋን እተቐመጠ ኸኣ+ ንድንኳኑ ኣብ ልዕሊኦም ኪዝርግሖ እዩ።+ | |
| 16 ደጊም ኣይኪጠምዩን፡ ኣይኪጸምኡን እውን እዮም፣ ጸሓይ ኣይኪወቕዖምን፡ ሃሩር እውን ኣይኬንድዶምን እዩ፣+ | |
| 17 ከመይሲ፡ እቲ ኣብ ማእከል ዝፋን ዘሎ ገንሸል+ ኪጓስዮምን+ ናብ ዓይኒ ማያት ማይ ህይወት ኪመርሖምን እዩ።+ ኣምላኽ እውን ካብ ኣዒንቶም ንብዓት ዘበለ ኺደርዝ እዩ።”+ | |
| 12 ዓብዪ ትእምርቲ ድማ ኣብ ሰማይ ተራእየ፦ ሰበይቲ፡+ ጸሓይ ተወንዚፋ ነበረት፣ ወርሒ ኸኣ ኣብ ትሕቲ ኣእጋራ፡ ኣኽሊል 12 ኸዋኽብቲ እውን ኣብ ርእሳ ነበራ፣ | |
| 2 ጥንስቲ ድማ ነበረት። ቅልውላው ስለ ዝሓዛ ኸኣ፡ ክትወልድ ኢላ ኽትጸዓርን ክትቅንዞን ከላ ትጭርሕ ነበረት። | |
| 3 ካልእ ትእምርቲ ድማ ኣብ ሰማይ ተራእየ። እንሆ፡ ሸውዓተ ርእስን ዓሰርተ ቐርንን፡ ኣብቲ ኣራእሱ እውን ሸውዓተ ዘውዲ ዘለዎ ዓብዪ ቐይሕ ገበል፣+ | |
| 4 ጭራኡ ኸኣ ሲሶ ኸዋኽብቲ ሰማይ ሰሓበ፡+ ናብ ምድሪ እውን ደርበዮም።+ እቲ ገበል ድማ፡ ምስ ወለደትሲ ነቲ ውሉዳ ምእንቲ ኺውሕጦ ኢሉ፡ ኣብ ቅድሚ እታ ኽትወልድ ዝቐረበት ሰበይቲ ደው በለ።+ | |
| 5 ንሳ ንዅሎም ኣህዛብ ብበትሪ ሓጺን+ ዚጓስዮም ወዲ፡+ ተባዕታይ፡ ወለደት። እቲ ውሉዳ ኸኣ ናብ ኣምላኽን ናብ ዝፋኑን ተመንዝዐ። | |
| "6 እታ ሰበይቲ ድማ፡ ናብቲ 1,260 መዓልቲ ዚምግብዋ፡ ናብ በረኻ፡ ናብቲ ኣምላኽ ዘዳለወላ ቦታ ሃደመት።+ " | |
| 7 ኣብ ሰማይ ከኣ ውግእ ኰነ፦ ሚካኤልን*+ መላእኽቱን ምስቲ ገበል ተዋግኡ፣ እቲ ገበልን መላእኽቱን ድማ ተዋግእዎም፣ | |
| 8 ግናኸ፡ ኣይሰዓሩን፣* ድሕርዚ ኣብ ሰማይ ቦታ ኣይተረኽበሎምን። | |
| 9 እቲ ንብዘላ ዓለም ዜስሕታ ዘሎ+ ድያብሎስን+ ሰይጣንን+ ዚብሃል ዓብዪ ገበል፡+ እቲ ናይ ጥንቲ ተመን+ ተደርበየ፣ ናብ ምድሪ ተደርበየ፡+ መላእኽቱ እውን ምስኡ ተደርበዩ። | |
| 10 ኣብ ሰማይ ከኣ ከምዚ ዚብል ዓው ዝበለ ድምጺ ሰማዕኩ፦ “እቲ መዓልትን ለይትን ኣብ ቅድሚ ኣምላኽና ዚኸስሶም ዝነበረ ኸሳስ ኣሕዋትና+ ተደርብዩ እዩ እሞ፡ ሕጂ ድሕነትን+ ሓይልን መንግስትን ናይ ኣምላኽና፡+ ስልጣን ከኣ ናይ ክርስቶሱ ዀይኑ እዩ! | |
| 11 ሳላ ደም እቲ ገንሸልን*+ ሳላ ቓል ምስክሮምን+ ድማ ስዒሮምዎ እዮም፣+ ኣብ ቅድሚ ሞት እኳ፡ ንነፍሶም* ኣየፍቀርዋን።+ | |
| 12 ስለዚ፡ ኣቱም ሰማያትን ኣባታቶም እትነብሩን፡ ተሓጐሱ! ኣቱም ምድርን ባሕርን ግና፡+ ድያብሎስ ሓጺር እዋን ከም ዘለዎ ፈሊጡ፡ ብብርቱዕ ቍጥዓ ወሪዱኩም ኣሎ እሞ፡ ወይለኹም።”+ | |
| 13 እቲ ገበል ከኣ ናብ ምድሪ ኸም እተደርበየ ምስ ረኣየ፡+ ነታ ተባዕታይ ሕጻን ዝወለደት ሰበይቲ+ ሰጐጓ። | |
| 14 ነታ ሰበይቲ ግና፡ ካብ ገጽ እቲ ተመን ርሒቓስ+ ግዜን ግዜያትን ፍርቂ ግዜን*+ ክትምገብ፡ ናብ በረኻ ናብቲ ቦታኣ ምእንቲ ኽትነፍር፡ ክልተ ኽንፊ ዓብዪ ንስሪ ተዋህባ።+ | |
| 15 እቲ ተመን ድማ፡ ውሒዝ ምእንቲ ኺወስዳስ፡ ደድሕሪ እታ ሰበይቲ ኸም ውሒዝ ዝበለ ማይ ካብ ኣፉ ተፍአ። | |
| 16 ምድሪ ግና ነታ ሰበይቲ ረድኣታ፣ ምድሪ ኣፋ ኸፊታ፡ ነቲ እቲ ገበል ካብ ኣፉ ዝተፍኦ ውሒዝ ወሓጠቶ። | |
| 17 እቲ ገበል ከኣ ነታ ሰበይቲ ተቘጥዓ፣ ምስቶም ትእዛዛት ኣምላኽ ዚሕልዉን ብዛዕባ የሱስ ዚምስክሩን+ ዝተረፉ ዘርኣ+ ኺዋጋእ ድማ ከደ። | |
| 1 እቲ ቐልጢፉ ኪኸውን ዘለዎ፡ ንባሮቱ ምእንቲ ኼርእዮም+ ኢሉ፡ ኣምላኽ ንየሱስ ክርስቶስ ዝሃቦ ራእይ።*+ ንሱ ኸኣ መልኣኹ ልኢኹ፡ ንባርያኡ ዮሃንስ ብምልክታት ኣርኣዮ፣+ | |
| 2 ንሱ ድማ ነቲ ኣምላኽ ዝሃቦ ቓልን ነቲ የሱስ ክርስቶስ ዝመስከሮ ምስክርን፡ እወ፡ ነቲ ዝረኣዮ ዘበለ ዅሉ መስከረ። | |
| 3 እቲ ምዱብ ግዜ ቐሪቡ እዩ እሞ፡ እቲ ንቓል እዚ ትንቢት እዚ ዓው ኢሉ ዜንብቦን እቶም ዚሰምዕዎን ነቲ ኣብኡ ተጻሒፉ ዘሎ እውን ዚሕልውዎን ሕጉሳት እዮም።+ | |
| 4 ካብ ዮሃንስ፡ ናብተን ኣብ ኣውራጃ እስያ ዘለዋ ሸውዓተ ጉባኤታት፦+ ካብቲ “ዘሎን ዝነበረን ዚመጽእን፡”+ ካብቶም ኣብ ቅድሚ ዝፋኑ ዘለዉ ሸውዓተ መናፍስትን+ ጸጋን ሰላምን ይኹነልኩም። | |
| 5 ካብቲ “እሙን ምስክርን”+ “በዅሪ ምዉታትን”+ “ገዛኢ ነገስታት ምድርን”+ ዝዀነ የሱስ ክርስቶስ እውን ጸጋን ሰላምን ይኹነልኩም። ንዕኡ ነቲ ዜፍቅረናን+ ካብ ሓጢኣትና ብደሙ ሓራ ዘውጽኣናን፡+ | |
| 6 መንግስቲ፡+ ከምኡ ድማ ንኣምላኹን ንኣቦኡን ካህናት+ ዝገበረና፡ እወ፡ ንዕኡ ኽብርን ሓይልን ንዘለኣለም ይኹኖ። ኣሜን። | |
| 7 እንሆ፡ ብደበና ይመጽእ ኣሎ፡+ ኵለን ኣዒንትን እቶም ዝወግእዎን ኪርእይዎ እዮም፣ ኵሎም ነገዳት ምድሪ ደረቶም እናወቕዑ ኼልቅሱ እዮም።+ እወ፡ ኣሜን። | |
| 8 እቲ “ዘሎን ዝነበረን ዚመጽእን ኵሉ ዚኽእል”+ የሆዋ* ኣምላኽ፡ “ኣልፋን ኦሜጋን* ኣነ እየ”+ ይብል። | |
| 9 ኣነ ዮሃንስ ሓውኩም፡ ኣብቲ ምስ የሱስ ብምሕባር+ ዚመጽእ ጸበባን+ መንግስትን+ ተጻዋርነትን+ ከኣ መኻፍልትኹም፡ ብዛዕባ ኣምላኽ ብምዝራበይን ብዛዕባ የሱስ ብምምስካረይን ኣብታ ጳጥሞስ እትብሃል ደሴት ነበርኩ። | |
| 10 ብመንፈስ ተመሲጠ፡ ኣብ መዓልቲ ጐይታ ዀንኩ፣ ከም ናይ መለኸት ዝበለ ብርቱዕ ድምጺ ብድሕረይ ከምዚ ዚብል ሰማዕኩ፦ | |
| 11 “ነዚ እትርእዮ፡ ኣብ ጥቕልልቲ መጽሓፍ ጽሒፍካ፡ ናብተን ኣብ ኤፌሶንን+ ስሚርናን+ ጴርጋሞስን+ ትያቲራን+ ሳርዴስን+ ፊላደልፍያን+ ሎዲቅያን+ ዘለዋ ሸውዓተ ጉባኤታት ስደዶ።” | |
| 12 ነቲ ዚዛረበኒ ዘሎ ድምጺ ኽርኢ ኸኣ ግልጽ በልኩ፣ ግልጽ ምስ በልኩ እውን፡ ሸውዓተ ቐዋሚ ቐንዴል ወርቂ ረኣኹ።+ | |
| 13 ኣብ ማእከል እቲ ሸውዓተ ቐዋሚ ቐንዴል ከኣ፡ ክሳብ ኣእጋሩ እተኸድነን ኣብ ኣፍ ልቡ ወርቃዊ ዕጣቕ እተዓጥቀን ወዲ ሰብ ዚመስል ረኣኹ።+ | |
| 14 ርእሱን ጸጕሩን ጻዕዳ ኸም ጸምርን ከም ውርጭን ነበረ፣ ኣዒንቱ እውን ከም ሃልሃልታ ሓዊ ነበራ፣+ | |
| 15 ኣእጋሩ ኣብ እቶን ከም ዝረሰነ ጽሩይ ነሓሲ+ ይመስላ ነበራ፣ ድምጹ ኸኣ ከም ደሃይ ብዙሕ ማያት ነበረ። | |
| 16 ኣብ የማናይ ኢዱ ሸውዓተ ኸዋኽብቲ ነበሮ፣+ ካብ ኣፉ ድማ ክልተ ዝኣፉ በሊሕ ነዊሕ ሰይፊ ይወጽእ ነበረ፣+ ገጹ እውን ከምታ ብሓይሊ እተብርህ ጸሓይ ነበረ።+ | |
| 17 ምስ ረኣኽዎ፡ ከም ምዉት ኰይነ ኣብ ኣእጋሩ ወደቕኩ። የማናይ ኢዱ ኣብ ልዕለይ ኣንቢሩ ኸኣ፡ ከምዚ በለ፦ “ኣይትፍራህ። ኣነ እቲ ቐዳማይን+ እቲ ዳሕራይን+ | |
| 18 እቲ ህያውን እየ፣+ ሞይተ ድማ ነይረ፡+ እንሆ ግና፡ ንዘለኣለመ ኣለም ህያው እየ፣+ መፋትሕ ሞትን መቓብርን* ከኣ ኣሎኒ።+ | |
| 19 እምበኣር፡ ነቲ ዝረኣኻዮን ነዚ ዘሎን ነቲ ድሕርዚ ዚኸውንን ጽሓፎ። | |
| 20 ናይቶም ኣብ የማናይ ኢደይ ዝረኣኻዮም ሸውዓተ ኸዋኽብትን ናይቲ ሸውዓተ ቐዋሚ ቐንዴል ወርቅን ቅዱስ ምስጢር እዚ እዩ፦ እቶም ሸውዓተ ኸዋኽብቲ፡ መላእኽቲ እተን ሸውዓተ ጉባኤታት እዮም፣ እቲ ሸውዓተ ቐዋሚ ቐንዴል ከኣ፡ ሸውዓተ ጉባኤታት እየን።+ | |
| 8 ነቲ ሻውዓይ ማሕተም ምስ ፈትሖ ኸኣ፡+ ኣብ ሰማይ ኣስታት ፍርቂ ሰዓት ዚኣክል ስቕታ ዀነ። | |
| 2 ኣብ ቅድሚ ኣምላኽ ደው ዝበሉ ሸውዓተ መላእኽቲ ድማ ረኣኹ፣+ ሸውዓተ መለኸት እውን ተዋህቦም። | |
| 3 ካልእ መልኣኽ እውን መጸ እሞ፡ ጽንሃህ ወርቂ ሒዙ ኣብ መሰውኢ ደው በለ፣+ ምስ ጸሎት ኵሎም እቶም ቅዱሳት፡ ኣብ ልዕሊ እቲ ኣብ ቅድሚ ዝፋን ዘሎ መሰውኢ ወርቂ+ ምእንቲ ኬቕርቦ፡ ብዙሕ ዕጣን+ ተዋህቦ። | |
| 4 ትኪ እቲ ዕጣን ከኣ ምስ ጸሎት እቶም ቅዱሳት፡ ካብ ኢድ እቲ መልኣኽ ናብ ቅድሚ ኣምላኽ ዓረገ።+ | |
| 5 እቲ መልኣኽ ድማ ነቲ ጽንሃህ ወሰዶ፣ ካብ ሓዊ እቲ መሰውኢ መሊኡ ኸኣ፡ ናብ ምድሪ ደርበዮ። ነጐዳታትን ድምጽታትን በርቅታትን+ ምንቅጥቃጥ ምድርን እውን ኰነ። | |
| 6 እቶም ሸውዓተ መለኸት ዝሓዙ ሸውዓተ መላእኽቲ+ ኸኣ መለኸት ኪነፍሑ ተዳለዉ። | |
| 7 እቲ ቐዳማይ መልኣኽ መለኸቱ ነፍሐ። ደም እተሓወሶ በረድን ሓውን ኰነ፡ ናብ ምድሪ እውን ተደርበየ፣+ ሲሶ ምድሪ ኸኣ ነደደ፡ ሲሶ ኣእዋም እውን ነደደ፡ ኵሉ ለምለም ኣትክልቲ ድማ ነደደ።+ | |
| 8 እቲ ኻልኣይ መልኣኽ መለኸቱ ነፍሐ። ከም ዓብዪ ኸረን ዝበለ ኸኣ ብሓዊ እናነደደ ናብ ባሕሪ ተደርበየ።+ ሲሶ ባሕሪ ድማ ደም ኰነ፣+ | |
| 9 ሲሶ እቶም ኣብ ባሕሪ ዚነብሩ ህያዋን ፍጡራት* ከኣ ሞቱ፡+ ሲሶ መራኽብ እውን ተሰብራ። | |
| 10 እቲ ሳልሳይ መልኣኽ መለኸቱ ነፍሐ። ዓብዪ ኰዀብ ከም መብራህቲ እናነደደ ኻብ ሰማይ ወደቐ፣ ኣብ ሲሶ ኣፍላግን ዓይኒ ማያትን ከኣ ወደቐ።+ | |
| 11 ስም እቲ ኰዀብ ድማ መሪር ተኽሊ ይብሃል። ሲሶ ማያት ከኣ መረረ፣ መሪር ብምዃኑ እውን፡ ብሰሪ እቲ ማይ ብዙሓት ሰባት ሞቱ።+ | |
| 12 እቲ ራብዓይ መልኣኽ መለኸቱ ነፍሐ። ሲሶኦም ምእንቲ ኺጽልምትን+ ሲሶ መዓልቲ ምእንቲ ኸይበርህን ለይቲ እውን ከምኡ ምእንቲ ኪኸውንን፡ ሲሶ ጸሓይን+ ሲሶ ወርሕን ሲሶ ኸዋኽብትን ተወቕዐ። | |
| 13 ረኣኹ ድማ፡ ሓደ ኣብ ማእከል ሰማይ ዚዝምቢ ንስሪ ዓው ብዝበለ ድምጺ፡ “ብሰሪ እተን ተሪፈን ዘለዋ ደሃይ መለኸት እቶም መለኸቶም ኪነፍሑ እተቐረቡ ሰለስተ መላእኽቲ፡+ ነቶም ኣብ ምድሪ ዚነብሩ ወይለኦም፡ ወይለኦም፡ ወይለኦም!”+ ኪብል ከሎ ሰማዕኩ። | |
| 11 ዘንጊ* ዚመስል ሻምብቆ+ ኸኣ ተዋህበኒ፣ ከምዚ ድማ በለኒ፦ “ተንስእ እሞ ነታ ቤተ መቕደስ ኣምላኽን ነቲ መሰውእን ነቶም ኣብኣ ዜምልኹን ዓቅን። | |
| 2 እቲ ብወጻኢ ቤተ መቕደስ ዘሎ ኣጸድ ግና ንኣህዛብ ተዋሂቡ እዩ እሞ፡ ሕደጎ፡ ኣይትዓቅኖ እውን፣ ነታ ቕድስቲ ኸተማ+ ኸኣ 42 ወርሒ ኺረግጽዋ እዮም።+ | |
| "3 ነቶም ክልተ መሰኻኽረይ ድማ፡ ማቕ ተኸዲኖም፡ 1,260 መዓልቲ ኸም ዚንበዩ ኽገብሮም እየ።”" | |
| 4 እዚኣቶም በተን ክልተ ኣውልዕን+ በቲ ኽልተ ቐዋሚ ቐንዴልን+ እተመሰሉ እዮም፡ ኣብ ቅድሚ እቲ ጐይታ ምድሪ ኸኣ ቈይሞም ኣለዉ።+ | |
| 5 ሓደ እኳ ኺጐድኦም እንተ ደልዩ ድማ፡ ካብ ኣፎም ሓዊ ይወጽእ እሞ ንጸላእቶም ይበልዖም። ሓደ እኳ ኺጐድኦም እንተ ደልዩ ኸኣ፡ ከምኡ ኪቕተል ኣለዎ። | |
| 6 እዚኣቶም በተን ዚንበዩለን መዓልትታት፡ ዝናም ምእንቲ ኸይዘንም+ ንሰማይ ኪዓጽውዎ ስልጣን ኣለዎም፣+ ንማያት ናብ ደም ኪልውጥዎን+ ንምድሪ ብዝደለይዎ መጠን ብመዓት ዘበለ ኺወቕዕዋን ስልጣን ኣለዎም። | |
| 7 ምስክሮም ምስ ፈጸሙ ኸኣ፡ እቲ ኻብ መዓሙቝ ዚወጽእ ኣራዊት ምሳታቶም ውግእ ኪገብርን ኪስዕሮምን ኪቐትሎምን እዩ።+ | |
| 8 ሬሳታቶም ድማ ኣብ ጐደና እታ ጐይታኦም እተሰቕለላ፡ ብመንፈሳዊ መዳይ ሶዶምን ግብጽን እትብሃል ዓባይ ከተማ ኪኸውን እዩ። | |
| 9 ካብ ህዝብታትን ነገዳትን ቋንቋታትን ኣህዛብን ከኣ ነቲ ሬሳታቶም ሰለስተ መዓልትን ፈረቓን ኪርእይዎ እዮም፣+ ነቲ ሬሳታቶም ኣብ መቓብር ኪንበር ድማ ኣይፈቕዱን እዮም። | |
| 10 እዞም ክልተ ነብያት እዚኦም የሳቕይዎም ስለ ዝነበሩ ኸኣ፡ እቶም ኣብ ምድሪ ዚነብሩ ብኣታቶም ይሕጐሱን ባህ ይብሎምን፡ ንሓድሕዶም ድማ ህያብ ኪለኣኣኹ እዮም። | |
| 11 ድሕሪ ሰለስተ መዓልትን ፈረቓን ከኣ መንፈስ ህይወት ካብ ኣምላኽ ኣተዎም፣+ ንሳቶም ድማ ብኣእጋሮም ቈሙ፡ ነቶም ዝረኣይዎም ከኣ ብርቱዕ ፍርሂ ወደቖም። | |
| 12 ካብ ሰማይ ድማ፡ “ናብዚ ደይቡ” ዚብሎም ዓው ዝበለ ድምጺ ሰምዑ። ብደበና ኸኣ ናብ ሰማይ ደየቡ፣ እቶም ጸላእቶም እውን ረኣይዎም።* | |
| "13 በታ ሰዓት እቲኣ፡ ብርቱዕ ምንቅጥቃጥ ምድሪ ዀነ፣ ዓስራይ ኢድ እታ ኸተማ እውን ወደቐ፣ 7,000 ሰባት ድማ ተቐትሉ፣ እቶም ዝተረፉ ኸኣ ፈርሁ፡ ንኣምላኽ ሰማይ እውን ክብሪ ሃብዎ። " | |
| 14 እቲ ኻልኣይ ወዮ+ ሓሊፉ፡ እንሆ፡ እቲ ሳልሳይ ወዮ ቐልጢፉ ይመጽእ ኣሎ። | |
| 15 እቲ ሻውዓይ መልኣኽ መለኸቱ ነፍሐ።+ ኣብ ሰማይ ከኣ፡ “መንግስቲ ዓለም ናይ ጐይታናን+ ናይቲ ክርስቶሱን+ ኰይና እያ፣ ንዘለኣለመ ኣለም እውን ኪነግስ እዩ”+ ዚብል ዓው ዝበለ ድምጽታት ኰነ። | |
| 16 እቶም ኣብ ቅድሚ ኣምላኽ ኣብ ዝፋናቶም እተቐመጡ 24 ሽማግለታት ከኣ፡+ ብገጾም ተደፊኦም ከምዚ እናበሉ ንኣምላኽ ሰገዱሉ፦ | |
| 17 “ኦ ዘለኻን+ ዝነበርካን፡ ኵሉ እትኽእል የሆዋ* ኣምላኽ፡ ነቲ ዓብዪ ሓይልኻ ስለ ዝወሰድካዮን ስለ ዝነገስካን፡ ነመስግነካ ኣለና።+ | |
| 18 ግናኸ፡ ኣህዛብ ተቘጢዖም፡ ቍጥዓኻ እውን መጺኡ፡ እቲ ንምዉታት እትፈርደሉ፡ ንባሮትካ ነብያትን+ ቅዱሳትን ስምካ ንዚፈርሁ ንኣሽቱን ዓበይትን ከኣ ዓስቦም እትህበሉ፡+ ነቶም መጥፋእቲ ምድሪ እውን እተጥፍኣሉ ምዱብ ግዜ መጺኡ።”+ | |
| 19 እታ ኣብ ሰማይ ዘላ ቤተ መቕደስ ኣምላኽ ድማ ተኸፍተት፣ ታቦት ኪዳኑ ኸኣ ኣብታ ቤተ መቕደሱ ተራእየ።+ በርቅታትን ድምጽታትን ነጐዳታትን ምንቅጥቃጥ ምድርን ዓብዪ በረድን እውን ኰነ። | |
| 2 “ናብ መልኣኽ+ እታ ኣብ ኤፌሶን+ ዘላ ጉባኤ ጽሓፍ፦ እቲ ኣብ የማናይ ኢዱ ሸውዓተ ኸዋኽብቲ ዝሓዘ፡ ኣብ መንጎ እቲ ሸውዓተ ቐዋሚ ቐንዴል ወርቂ እውን ዚመላለስ ከምዚ ይብል ኣሎ፦+ | |
| 2 ‘ግብርኻን ጻዕርኻን ተጻዋርነትካን፡ ነቶም እኩያት እውን ክትጻወሮም ከም ዘይከኣልካ፡ ነቶም “ሃዋርያት ኢና” ዚብሉ፡+ ግናኸ ዘይኰኑ ድማ ፈቲንካዮምሲ ሓሰውቲ ዀይኖም ከም ዝረኸብካዮም እፈልጥ እየ። | |
| 3 ትጻወር ከኣ ኣለኻ፣ ምእንቲ ስመይ ኢልካ ድማ ጸኒዕካ ኢኻ፡+ ኣይተሓለልካን እውን።+ | |
| 4 ግናኸ፡ ነታ ቐዳመይቲ ፍቕርኻ ሓዲግካያ ኢኻ እሞ፡ እዚ ረኺበልካ ኣለኹ። | |
| 5 “‘እምበኣር፡ ካበይ ከም ዝወደቕካ ዘክር እሞ ተነሳሕ፡+ ነቲ ቐዳማይ ግብርኻ እውን ግበሮ። እንተ ዘይኰነስ፡ ክመጸካ፡ እንተ ዘይተነሲሕካ እውን፡+ ነቲ ቐዋሚ ቐንዴልካ ኻብቲ ቦታኡ ኸልግሶ እየ።+ | |
| 6 ነቲ ኣነ እውን ዝጸልኦ ግብሪ ኑፋቐ ኒቆላዎስ+ ትጸልኦ ኢኻ እሞ፡ እዚ ግዳ ጽቡቕ ኣሎካ። | |
| 7 እቲ እዝኒ ዘለዎ፡ እቲ መንፈስ ንጉባኤታት ዚብለን ዘሎ ይስማዕ፦+ ነቲ ዚስዕር፡+ ካብታ ኣብ ገነት ኣምላኽ ዘላ ኦም ህይወት ኪበልዕ ክፈቕደሉ እየ።’+ | |
| 8 “ናብ መልኣኽ እታ ኣብ ስሚርና ዘላ ጉባኤ እውን ጽሓፍ፦ እቲ ‘ቐዳማይን ዳሕራይን፡’+ ሞይቱ ዝነበረን ህያው ዝዀነን ከምዚ ይብል ኣሎ፦+ | |
| 9 ‘ጸበባኻን ድኽነትካን፡—ግናኸ ሃብታም ኢኻ፡+—ጸርፊ እቶም “ኣይሁድ ኢና” ዚብሉን፡—ግናኸ ምኵራብ ሰይጣን እዮም እምበር፡ ኣይሁድሲ ዘይኰኑ፡+—እፈልጥ እየ። | |
| 10 ነቲ ዚመጸካ መከራ ኣይትፍርሃዮ።+ እንሆ፡ ኣጸቢቕኩም ምእንቲ ኽትፍተኑ፡ ንዓሰርተ መዓልቲ እውን ጸበባ ምእንቲ ኺረኽበኩምሲ፡ ድያብሎስ ንገሌኻትኩም ናብ ቤት ማእሰርቲ ኺድርብየኩም እዩ። ክሳዕ ሞት እኳ እሙን ኩን፣ ኣነ እውን ኣኽሊል ህይወት ክህበካ እየ።+ | |
| 11 እቲ እዝኒ ዘለዎ፡+ እቲ መንፈስ ንጉባኤታት ዚብለን ዘሎ ይስማዕ፦ እቲ ዚስዕር፡+ በቲ ኻልኣይ ሞት ከቶ ኣይኪጕዳእን እዩ።’+ | |
| 12 “ናብ መልኣኽ እታ ኣብ ጴርጋሞስ ዘላ ጉባኤ ጽሓፍ፦ እቲ ኽልተ ዝኣፉ በሊሕ ነዊሕ ሰይፊ ዘለዎ ኸምዚ ይብል ኣሎ፦+ | |
| 13 ‘ኣበይ ከም እትነብር፡ ማለት ኣብቲ ዝፋን ሰይጣን ዘለዎ ምዃኑ እፈልጥ እየ። ግናኸ፡ ንስመይ ኣጽኒዕካ ሒዝካዮ ኣለኻ፣+ ብመዓልትታት ኣንቲጳስ እቲ ኣብ ጐድንኻ፡ ኣብቲ ሰይጣን ዚነብረሉ እተቐትለ+ እሙን ምስክረይ እኳ፡+ ነታ ኣባይ ዘላትካ እምነት ኣይከሓድካያን።+ | |
| 14 “‘ግናኸ፡ ነቲ ኣብ ቅድሚ ደቂ እስራኤል መዐንቀፊ ኼንብረሎም ኢሉ፡ ንጣኦታት እተሰውአ ኺበልዑን ኪምንዝሩን*+ ንባላቅ+ ዝመሃሮ ትምህርቲ በላዓም+ ኣጽኒዖም ዝሓዙ ስለ ዘለዉኻ፡ ሒደት ነገራት ረኺበልካ ኣለኹ። | |
| 15 ከምኡ ድማ፡ ንትምህርቲ ኑፋቐ ኒቆላዎስ ኣጽኒዖም ዝሓዙ እውን ኣለዉኻ።+ | |
| 16 እምበኣር፡ ተነሳሕ። እንተ ዘይኰነስ፡ ቀልጢፈ ኽመጸካ፡ በቲ ነዊሕ ሰይፊ ኣፈይ እውን ክዋግኦም እየ።+ | |
| 17 “‘እቲ እዝኒ ዘለዎ፡ እቲ መንፈስ ንጉባኤታት ዚብለን ዘሎ ይስማዕ፦+ ነቲ ዚስዕር፡+ ገለ ኻብቲ ሕቡእ ማና ኽህቦ እየ፣+ ጻዕዳ ጸጸር እውን ክህቦ እየ፣ እቲ ጸጸር ድማ ብዘይካ እቲ እተቐበሎስ ሓደ እኳ ዘይፈልጦ ሓድሽ ስም እተጻሕፎ እዩ።’ | |
| 18 “ናብ መልኣኽ እታ ኣብ ትያቲራ+ ዘላ ጉባኤ ጽሓፍ፦ እቲ ኸም ሃልሃልታ ሓዊ ዝዀና ኣዒንቲ ዘለዋኦ፡+ ኣእጋሩ እውን ጽሩይ ነሓሲ ዚመስል ወዲ ኣምላኽ ከምዚ ይብል ኣሎ፦+ | |
| 19 ‘ግብርኻን ፍቕርኻን እምነትካን ኣገልግሎትካን ተጻዋርነትካን፡ እቲ ግብርኻ እውን ካብ ቀዳማዩስ ዳሕራዩ ኸም ዚበዝሕ እፈልጥ እየ። | |
| 20 “‘ግናኸ፡ ነታ “ነብዪት እየ” እናበለትሲ ንባሮተይ ኪምንዝሩን*+ ንጣኦታት እተሰውአ ኺበልዑን እትምህሮምን እተስሕቶምን ዘላ ኢዛቤል፡+ ነታ ሰበይቲ እቲኣ ስቕ ኢልካ ምርኣይካ፡ እዚ ረኺበልካ ኣለኹ። | |
| 21 ምእንቲ ኽትንሳሕ ግዜ ሂበያስ፡ ካብ ምንዝርናኣ* ኽትንሳሕ ኣይደለየትን። | |
| 22 እንሆ፡ ኣብ ዓራት ሕማም ከውድቓ እየ፣ እቶም ምስኣ ዚዝምዉ ኸኣ፡ ካብቲ ግብራ እንተ ዘይተነሲሖም፡ ናብ ብርቱዕ ጸበባ ኸእትዎም እየ። | |
| 23 እቲ ውሽጣዊ ሓሳብን* ልብን ዚምርምር፡ ኣነ ምዃነይ ኵለን ጉባኤታት ምእንቲ ኺፈልጣ፡ ንደቃ እውን ብመዓት ክቐትሎም እየ፣ ንነፍሲ ወከፍኩም እውን ከከም ግብርኹም ክህበኩም እየ።+ | |
| 24 “‘ንዅላትኩም ኣቱም ነዚ ትምህርቲ እዚ ዘይሰዓብኩም፡ ነቲ “መዓሙቝ ሰይጣን”+ ዚብሃል ድማ ዘይፈለጥኩም ኣብ ትያቲራ ዘለኹም ካልኦት ግና፡ ከምዚ እብለኩም ኣለኹ፦ ካልእ ጾር ኣየጹረኩምን እየ። | |
| 25 ክሳዕ ዝመጽእ ግዳ ነቲ ዘሎኩም ኣጽኒዕኩም ሓዝዎ።+ | |
| 26 ነቲ ዚስዕርን ክሳዕ መወዳእታ ግብረይ ዚሕሉን ከኣ፡ ኣብ ልዕሊ ኣህዛብ ስልጣን ክህቦ እየ፣+ | |
| 27 እዚ ድማ ከምቲ ኣነ ኻብ ኣቦይ እተቐበልክዎ እዩ። ንሱ እውን እቶም ህዝቢ ኸም ኣቕሑ መሬት ምእንቲ ኺሰባበሩ፡ ብበትሪ ሓጺን+ ኪጓስዮም እዩ። | |
| 28 ኰዀብ ጽባሕ እውን ክህቦ እየ።+ | |
| 29 እቲ እዝኒ ዘለዎ፡ እቲ መንፈስ ንጉባኤታት ዚብለን ዘሎ ይስማዕ።’ | |
| 4 ድሕርዚ ድማ፡ እንሆ፡ ኣብ ሰማይ ክፉት ኣፍ ደገ ረኣኹ፣ እቲ ኺዛረበኒ ዝሰማዕክዎ ኸም መለኸት ዝበለ ቐዳማይ ድምጺ፡ “ናብዚ ደይብ እሞ፡ እቲ ኪኸውን ዘለዎ ኸርእየካ እየ” በለኒ። | |
| 2 ድሕርዚ፡ ብኡብኡ ብመንፈስ ተመሰጥኩ፦ እንሆ ድማ፡ ዝፋን ኣብ ሰማይ ኣብ ቦታኡ ተነቢሩ፡ ኣብቲ ዝፋን እውን ሓደ ተቐሚጡ ነበረ።+ | |
| 3 እቲ ተቐሚጡ ዝነበረ ኸኣ፡ ትርኢቱ እምኒ ያስጲስን+ እምኒ ሰርድዮስን* ይመስል ነበረ፣ ኣብ ዙርያ እቲ ዝፋን ድማ ስመራግዶስ ዚመስል ቀስተ ደበና ነበረ።+ | |
| 4 ኣብ ዙርያ እቲ ዝፋን ከኣ 24 ዝፋን፡ ኣብቲ ዝፋናት እውን ጻዕዳ ኽዳውንቲ እተኸድኑ፡ ኣብ ረርእሶም ከኣ ኣኽሊል ወርቂ ዝደፍኡ 24 ሽማግለታት ተቐሚጦም ረኣኹ።+ | |
| 5 ካብቲ ዝፋን ድማ በርቅታትን+ ደሃያትን ነጐዳታትን+ ይወጽእ ነበረ፣ ኣብ ቅድሚ እቲ ዝፋን ከኣ ሸውዓተ መብራህቲ ሓዊ ይነድድ ነበረ፣ እዚኣቶም ድማ እቶም ሸውዓተ መናፍስቲ ኣምላኽ እዮም።+ | |
| 6 ኣብ ቅድሚ እቲ ዝፋን ከኣ ከም ባሕሪ መረጼን ዝዀነ፡ ክሪስታል ዚመስል ነበረ።+ ኣብ ማእከል እቲ ዝፋንን ኣብ ዙርያ እቲ ዝፋንን ድማ፡ ብቕድሚኦምን ብድሕሪኦምን ኣዒንቲ ዝመልኦም ኣርባዕተ ህያዋን ፍጡራት ነበሩ።+ | |
| 7 እቲ ቐዳማይ ህያው ፍጡር ከኣ ኣንበሳ ይመስል ነበረ፣+ እቲ ኻልኣይ ህያው ፍጡር ድማ ዝራብዕ ይመስል ነበረ፣+ እቲ ሳልሳይ ህያው ፍጡር+ ከኣ ገጽ ሰብ ዚመስል ገጽ ነበሮ፣ እቲ ራብዓይ ህያው ፍጡር+ እውን ዚነፍር ንስሪ ይመስል ነበረ።+ | |
| 8 እቶም ኣርባዕተ ህያዋን ፍጡራት ድማ፡ ነፍሲ ወከፎም ሸሽዱሽተ ኽንፊ ነበሮም፣ ብዙርያኦምን ብውሽጦምን ከኣ ኣዒንቲ መሊእዎም ነበረ።+ መዓልትን ለይትን ከየቋረጹ ድማ፡ “እቲ ዝነበረን ዘሎን ዚመጽእን+ ኵሉ ዚኽእል የሆዋ* ኣምላኽ ቅዱስ፡ ቅዱስ፡ ቅዱስ እዩ”+ ይብሉ። | |
| 9 እቶም ህያዋን ፍጡራት ነቲ ኣብ ዝፋን እተቐመጠ፡ ንዘለኣለመ ኣለም ድማ ህያው ኰይኑ ዚነብር፡ ግርማን ክብርን ምስጋናን ኪህብዎ ኸለዉ፡+ | |
| 10 እቶም 24 ሽማግለታት+ ኣብ ቅድሚ እቲ ኣብ ዝፋን እተቐመጠ ፍግም ኢሎም፡ ነቲ ንዘለኣለመ ኣለም ህያው ኰይኑ ዚነብር ሰገዱሉ፣ ከምዚ እናበሉ እውን ኣኽሊላቶም ኣብ ቅድሚ እቲ ዝፋን ደርበዩ፦ | |
| 11 “ኦ የሆዋ* ኣምላኽና፡ ንዅሉ ንስኻ ፈጢርካዮ፡+ ስለ ፍቓድካ እውን ኰይኑን ተፈጢሩን እዩ እሞ፡ ንስኻ ግርማን+ ክብርን+ ሓይልን+ ንምውሳድ ብቑዕ ኢኻ።” | |
| 16 ካብታ መቕደስ+ ከኣ ነቶም ሸውዓተ መላእኽቲ፡ “ኪዱ እሞ ነቲ ሸውዓተ ጭሔሎ ቝጥዓ ኣምላኽ ናብ ምድሪ ኣፍስስዎ”+ ዚብሎም ዓው ዝበለ ድምጺ ሰማዕኩ። | |
| 2 እቲ ቐዳማይ ከይዱ፡ ጭሔሎኡ ናብ ምድሪ ኣፍሰሰ።+ ነቶም ምልክት እቲ ኣራዊት ዘለዎምን+ ንምስሉ ዝሰገዱን+ ሰባት ክፉእን ብርቱዕን ቍስሊ ወጾም።+ | |
| 3 እቲ ኻልኣይ ድማ ጭሔሎኡ ናብ ባሕሪ ኣፍሰሰ።+ እቲ ባሕሪ ኸኣ ከም ናይ ምዉት ሰብ ዚመስል ደም ኰነ፣+ ኣብቲ ባሕሪ ዝነበረ ዅሉ ህያው ፍጡር* እውን ሞተ።+ | |
| 4 እቲ ሳልሳይ ድማ ጭሔሎኡ ናብ ኣፍላግን ዓይኒ ማያትን ኣፍሰሰ።+ ንሱ ኸኣ ደም ኰነ።+ | |
| 5 እቲ መልኣኽ ማያት ድማ ከምዚ ኺብል ከሎ ሰማዕኩ፦ “ኣታ ዘለኻን ዝነበርካን+ እሙን፡+ እዚ ፈሪድካ ኢኻ እሞ፡ ጻድቕ ኢኻ፣+ | |
| 6 ምኽንያቱ፡ ደም ቅዱሳትን ደም ነብያትን ኣፍሲሶም እዮም፣+ ንስኻ ኸኣ ኪሰትዩ ደም ሂብካዮም ኢኻ።+ ይግብኦም እዩ።”+ | |
| 7 እቲ መሰውኢ ድማ፡ “እወ፡ ኣታ ዅሉ እትኽእል+ የሆዋ* ኣምላኽ፡ ፍርድታትካ ሓቅን ቅኑዕን እዩ” ኺብል ከሎ ሰማዕኩ።+ | |
| 8 እቲ ራብዓይ ድማ ጭሔሎኡ ኣብ ጸሓይ ኣፍሰሰ፣+ ንጸሓይ እውን ንሰብ ብሓዊ ኸተሕርር ተፈቕደላ። | |
| 9 እቶም ሰብ ድማ ብብርቱዕ ሃሩር ሓረሩ፣ ግናኸ፡ ንስም እቲ ኣብዚ መዓታት እዚ ስልጣን ዘለዎ ኣምላኽ ጸረፍዎ እምበር፡ ኣይተነስሑን፡ ክብሪ እውን ኣይሃብዎን። | |
| 10 እቲ ሓምሻይ ድማ ጭሔሎኡ ኣብ ዝፋን እቲ ኣራዊት ኣፍሰሰ። መንግስቱ ኸኣ ጸልመተት፣+ ብሰሪ ስቓዮም እውን ልሳኖም ሓየኹ፣ | |
| 11 ብሰሪ እቲ ስቓዮምን ኣቝሳሎምን ከኣ ንኣምላኽ ሰማይ ጸረፍዎ፡ ካብ ግብሮም እውን ኣይተነስሑን። | |
| 12 እቲ ሻድሻይ ድማ ጭሔሎኡ ኣብቲ ዓብዪ ፈለግ ኤፍራጥስ ኣፍሰሰ፣+ ነቶም ካብ ምብራቕ ጸሓይ ዚመጹ ነገስታት መገዲ ምእንቲ ኺዳለወሎም ከኣ፡+ እቲ ማዩ ነጸፈ።+ | |
| 13 ካብ ኣፍ እቲ ገበልን+ ካብ ኣፍ እቲ ኣራዊትን ካብ ኣፍ እቲ ናይ ሓሶት ነብይን ድማ ቍርዖብ ዚመስሉ ብድራኸ መንፈስ ዚዝረቡ ሰለስተ ርኹሳት ዘረባታት* ኪወጹ ኸለዉ ረኣኹ። | |
| 14 እዚኣቶም ከኣ ብድራኸ ኣጋንንቲ ዚዝረቡ ዘረባታት እዮም፣ ትእምርትታት እውን ይገብሩ እዮም፣+ ናብ ውግእ+ እታ ዓባይ መዓልቲ እቲ ዅሉ ዚኽእል ኣምላኽ ኪእክብዎም ድማ፡+ ናብ ነገስታት ብዘላ ዓለም ይወጹ። | |
| 15 “እንሆ፡ ከም ሰራቒ እመጽእ ኣለኹ።+ ጥራዩ ምእንቲ ኸይከይድ፡ ንሕፍረቱ እውን ከይርእይዎ፡+ እቲ ዚነቅሕን+ ክዳውንቱ ዚሕሉን ሕጉስ እዩ።” | |
| 16 ንሳቶም ከኣ ናብቲ ብእብራይስጢ ኣርማጌዶን* ዚብሃል ቦታ ኣከብዎም።+ | |
| 17 እቲ ሻውዓይ ድማ ጭሔሎኡ ኣብ ኣየር ኣፍሰሰ። ካብታ መቕደስ፡+ ካብቲ ዝፋን ከኣ፡ “ኰይኑ!” ዚብል ዓው ዝበለ ድምጺ ወጸ። | |
| 18 በርቅታትን ድምጽታትን ነጐዳታትን እውን ኰነ፣ ሰብ ኣብ ምድሪ ኻብ ዚኸውን ኣትሒዙ ኸቶ ዘይኰነ ብርቱዕ ምንቅጥቃጥ ምድሪ ዀነ፣+ እወ፡ ኣዝዩ ሓያልን ብርቱዕን ምንቅጥቃጥ ምድሪ ዀነ። | |
| 19 እታ ዓባይ ከተማ+ ኸኣ ኣብ ሰለስተ ኽፍሊ ተጨድደት፡ ከተማታት ኣህዛብ እውን ወደቓ፣ ዓባይ ባቢሎን+ ድማ ጽዋእ ወይኒ ነድሪ ቝጥዓኡ ኺህባስ፡ ኣብ ቅድሚ ኣምላኽ ተዘከረት።+ | |
| 20 ደሴት ዘበለት ከኣ ሃደመት፣ ኣኽራን እውን ኣይተረኽቡን።+ | |
| 21 ሽዑ፡ ኣስታት ሓሓደ ታለንት* ዝምኽባዱ ዓበይቲ በረድ ካብ ሰማይ ናብ ሰባት ወረደ፣+ እቲ መዓት ኣዝዩ ዓብዪ ስለ ዝነበረ፡ እቶም ሰባት ብሰሪ እቲ መዓት በረድ+ ንኣምላኽ ጸረፍዎ። | |
| 6 እቲ ገንሸል፡*+ ሓደ ኻብቲ ሸውዓተ ማሕተም ምስ ፈትሐ+ ኸኣ ረኣኹ፣ ሓደ ኻብቶም ኣርባዕተ ህያዋን ፍጡራት+ ድማ ከም ደሃይ ነጐዳ ብዝበለ ድምጺ፡ “ንዓ!” ኺብል ከሎ ሰማዕኩ። | |
| 2 ረኣኹ ድማ፡ እንሆ፡ ኣምበላይ* ፈረስ፣+ እቲ እተወጥሖ ኸኣ ቀስቲ ኣለዎ፣ ኣኽሊል እውን ተዋህቦ፣+ እናሰዓረስ ኪስዕር* ድማ ወጸ።+ | |
| 3 ነቲ ኻልኣይ ማሕተም ምስ ፈትሖ ኸኣ፡ እቲ ኻልኣይ ህያው ፍጡር፡+ “ንዓ!” ኺብል ከሎ ሰማዕኩ። | |
| 4 ካልእ ሓመር* ፈረስ ድማ ወጸ፣ እቲ እተወጥሖ ኸኣ፡ ንሓድሕዶም ምእንቲ ኺቃተሉስ፡ ንሰላም ካብ ምድሪ ኼርሕቓ ተፈቕደሉ፣ ዓብዪ ሰይፊ እውን ተዋህቦ።+ | |
| 5 ነቲ ሳልሳይ ማሕተም ምስ ፈትሖ ኸኣ፡+ እቲ ሳልሳይ ህያው ፍጡር፡+ “ንዓ!” ኺብል ከሎ ሰማዕኩ። ረኣኹ እውን፡ እንሆ፡ መጋል* ፈረስ፣ እቲ እተወጥሖ ድማ ኣብ ኢዱ ሚዛን ኣለዎ። | |
| 6 ካብ ማእከል እቶም ኣርባዕተ ህያዋን ፍጡራት ከኣ ከም ድምጺ ዚመስል፡ “ሓደ ኮይኒክስ* ስርናይ ብዲናር፡*+ ሰለስተ ኮይኒክስ ስገም ከኣ ብዲናር፣ ዘይቲ ኣውልዕን ወይንን ድማ ኣይትጕዳእ” ኪብል ከሎ ሰማዕኩ።+ | |
| 7 ነቲ ራብዓይ ማሕተም ምስ ፈትሖ ኸኣ፡ ድምጺ እቲ ራብዓይ ህያው ፍጡር፡+ “ንዓ!” ኺብል ከሎ ሰማዕኩ። | |
| 8 ረኣኹ እውን፡ እንሆ፡ ጨላይ* ፈረስ፣ ስም እቲ እተወጥሖ ድማ ሞት እዩ። መቓብር* እውን ደድሕሪኡ ይስዕቦ ነበረ። ብነዊሕ ሰይፍን ብጥሜትን+ ብመቕዘፍትን ብኣራዊት ምድርን ገይሮም፡ ንርብዒ ምድሪ ኪቐትሉ ስልጣን ተዋህቦም።+ | |
| 9 ነቲ ሓምሻይ ማሕተም ምስ ፈትሖ ኸኣ፡ ነፍሳት*+ እቶም ስለ ቓል ኣምላኽን ስለቲ ዝመስከርዎ ምስክርን እተሓርዱ፡+ ኣብ ትሕቲ መሰውኢ ረኣኹ።+ | |
| 10 ዓው ብዝበለ ድምጺ ድማ፡ “ኦ ቕዱስን ናይ ሓቅን+ ልዑላዊ ጐይታ፡ ክሳዕ መዓስ ኢኻ ዘይትፈርድ፧ ክሳዕ መዓስከ ኢኻ ነቶም ኣብ ምድሪ ዚነብሩ ሕነ ደምና ዘይትፈድዮም፧” እናበሉ ጨርሑ።+ | |
| 11 ንነፍሲ ወከፎም ከኣ ወለል ዚብል ጻዕዳ ኽዳን ተዋህቦም፣+ ቍጽሪ እቶም ከማታቶም ኪቕተሉ ዘለዎም ብጾቶም ባሮትን ኣሕዋቶምን ክሳዕ ዚመልእ ድማ፡ ቍሩብ ግዜ ኺዓርፉ ተነግሮም።+ | |
| 12 ነቲ ሻድሻይ ማሕተም ምስ ፈትሖ ኸኣ ረኣኹ እሞ፡ ብርቱዕ ምንቅጥቃጥ ምድሪ ዀነ፣ ጸሓይ ብጸጕሪ* ኸም እተገብረ ማቕ ጸለመት፡ ብዘላ ወርሒ እውን ከም ደም ኰነት።+ | |
| 13 ከምቲ ኦም በለስ* ብብርቱዕ ንፋስ ሰሰው ምስ በለት ነቲ ዝጐዐ ፍሪኣ እተርግፍ፡ ከምኡ ድማ ከዋኽብቲ ሰማይ ናብ ምድሪ ወደቑ። | |
| 14 ሰማይ ከኣ ከም ዚጥቕለል ዘሎ መጽሓፍ ኣልገሰ፣+ ኵሎም ኣኽራንን ደሴታትን እውን ካብ በቦታኦም ገዓዙ።+ | |
| 15 ሽዑ፡ ነገስታት ምድርን መኳንንትን ኣሕሉቕ ሽሕን ሃብታማትን ሓያላትን ኵሎም ባሮትን ጭዋታትን ኣብ በዓትታትን ኣብ መንጎ ኣኻውሕ ኣኽራንን ተሓብኡ።+ | |
| 16 ንኣኽራንን ንኣኻውሕን ድማ፡ “ኣብ ልዕሌና ወዲቕኩም፡+ ካብ ገጽ እቲ ኣብ ዝፋን እተቐመጠን+ ካብ ቍጥዓ እቲ ገንሸልን ሕብኡና፣+ | |
| 17 ከመይሲ፡ እታ ዓባይ መዓልቲ ቝጥዓኦም መጺኣ ኣላ፡+ መንከ እዩ ደው ኪብል ዚኽእል፧” በልዎም።+ | |
| 10 ካልእ ብርቱዕ መልኣኽ ከኣ ካብ ሰማይ ኪወርድ ከሎ ረኣኹ፣ ንሱ ደበና ተወንዚፉ ነበረ፣ ኣብ ልዕሊ ርእሱ ኸኣ ቀስተ ደበና ነበሮ፣ ገጹ ድማ ከም ጸሓይ ነበረ፣+ ኣእጋሩ እውን ከም ኣዕኑድ ሓዊ ነበራ፣ | |
| 2 ኣብ ኢዱ ኸኣ ሓንቲ እተቐልዐት ንእሽቶ መጽሓፍ ነበረት። የማነይቲ እግሩ ኣብ ባሕሪ፡ ጸጋመይቲ እግሩ ድማ ኣብ ምድሪ ኣንበረ፣ | |
| 3 ከም ዚጓዝም ኣንበሳ ኸኣ ዓው ብዝበለ ድምጺ ጨደረ።+ ምስ ጨደረ ድማ፡ ድምጺ እቶም ሸውዓተ ነጐዳታት+ ተዛረበ። | |
| 4 እቶም ሸውዓተ ነጐዳታት ምስ ተዛረቡ፡ ኣነ ኽጽሕፍ ኢለ ነበርኩ፣ ካብ ሰማይ ግና፡ “ነቲ እቶም ሸውዓተ ነጐዳታት እተዛረብዎ ሕተሞ እምበር፡ ኣይትጽሓፎ” ዚብል ድምጺ ሰማዕኩ።+ | |
| 5 እቲ ኣብ ባሕርን ኣብ ምድርን ደው ኢሉ ዝረኣኽዎ መልኣኽ ድማ፡ ንየማነይቲ ኢዱ ናብ ሰማይ ዘርግሓ፡ | |
| 6 በቲ ሰማይን ኣብኡ ዘሎን ምድርን ኣብኣ ዘሎን ባሕርን ኣብኡ ዘሎን ዝፈጠረ+ ንዘለኣለመ ኣለም ህያው ኰይኑ ዚነብር እውን ከምዚ ኢሉ መሓለ፦+ “ደጊም ኣይኪድንጕን እዩ። | |
| 7 ግናኸ፡ ብመዓልትታት እቲ ሻውዓይ መልኣኽ+ መለኸቱ ዚነፍሓሉ እዋን ኣቢሉ፡+ እቲ ኣምላኽ ንባሮቱ ነብያት+ ከም ብስራት ዘበሰሮም ቅዱስ ምስጢር+ ኪፍጸም እዩ።” | |
| 8 እቲ ኻብ ሰማይ ዝሰማዕክዎ ድምጺ ኸኣ፡+ “ኪድ እሞ ነታ ኣብ ኢድ እቲ ኣብ ባሕርን ኣብ ምድርን ደው ኢሉ ዘሎ መልኣኽ ዘላ እተቐልዐት መጽሓፍ ውሰዳ” ኢሉ ኸም ብሓድሽ ተዛረበኒ።+ | |
| 9 ናብቲ መልኣኽ ከይደ ድማ፡ “ነታ ንእሽቶ መጽሓፍ ሃበኒ” በልክዎ። ንሱ ኸኣ፡ “ውሰዳ እሞ ብልዓያ፣+ ንኸብድኻ መሪር ክትገብሮ እያ፣ ኣብ ኣፍካ ግና ከም መዓር ጥዕምቲ ኽትከውን እያ” በለኒ። | |
| 10 ነታ ንእሽቶ መጽሓፍ ከኣ ካብ ኢድ እቲ መልኣኽ ወሲደ በላዕክዋ፣+ ኣብ ኣፈይ ከም መዓር ጠዓመትኒ፣+ ምስ በላዕክዋ ግና፡ ከብደይ መረረ። | |
| 11 “ከም ብሓድሽ ብዛዕባ ህዝብታትን ኣህዛብን ቋንቋታትን ብዙሓት ነገስታትን ክትንበ ኣሎካ” ድማ በሉኒ። | |
| "14 እንሆ ድማ፡ እቲ ገንሸል*+ ኣብ ከረን ጽዮን+ ደው ኢሉ፡ ስሙን ስም ኣቦኡን+ ኣብ ግምባሮም እተጻሕፎም 144,000+ እውን ምስኡ ረኣኹ።" | |
| 2 ከም ደሃይ ብዙሕ ማያትን ከም ደሃይ ብርቱዕ ነጐዳን ዝበለ ደሃይ ካብ ሰማይ ሰማዕኩ፣ እቲ ዝሰማዕክዎ ደሃይ ከኣ መሰንቆታቶም* ከም ዚጻወቱ ደሃይ ሰብ መሰንቆ ነበረ። | |
| "3 ኣብ ቅድሚ እቲ ዝፋንን ኣብ ቅድሚ እቶም ኣርባዕተ ህያዋን ፍጡራትን+ ሽማግለታትን+ ሓድሽ መዝሙር ዚመስል ዘመሩ፣+ ነቲ መዝሙር እቲ እውን፡ ብዘይካ እቶም ካብ ምድሪ እተዓደጉ 144,000፡+ ሓደ እኳ ኺመልኮ ኣይከኣለን።" | |
| 4 እዚኣቶም ምስ ኣንስቲ ዘይረኸሱ እዮም፡ ደናግል እውን እዮም።+ ንሳቶም ነቲ ገንሸል ናብ ዚኸዶ ዘበለ ዚስዕብዎ እዮም።+ ንኣምላኽን ነቲ ገንሸልን በዅራት+ ኪዀኑ ድማ፡ ካብ ሰብ እተዓደጉ እዮም፣+ | |
| 5 ኣብ ኣፎም ከኣ ምትላል ኣይተረኽበን፣ ብዘይ ኣበር እውን እዮም።+ | |
| 6 ነቶም ኣብ ምድሪ ዚነብሩን ንዅሎም ኣህዛብን ነገዳትን ቋንቋታትን ህዝብታትን ኬበስሮም ድማ፡ ናይ ዘለኣለም ብስራት ዘለዎ ኻልእ መልኣኽ ኣብ ማእከል ሰማይ ኪዝምቢ ኸሎ ረኣኹ።+ | |
| 7 ዓው ብዝበለ ድምጺ ኸኣ፡ “እታ ዚፈርደላ ግዜ በጺሓ እያ እሞ፡+ ንኣምላኽ ፍርህዎ፡ ክብሪ እውን ሃብዎ፡ ነቲ ሰማይን ምድርን ባሕርን ዓይኒ ማያትን ዝገበረ+ ኣምልኽዎ” በለ። | |
| 8 ካልእ ካልኣይ መልኣኽ ድማ፡ “እታ ኻብ ወይኒ ፍትወት* ምንዝርናኣ* ንዅሎም ኣህዛብ ዘስተየቶም+ ዓባይ ባቢሎን+ ወዲቓ፡ ወዲቓ!”+ እናበለ ሰዓቦ። | |
| 9 ካልእ ሳልሳይ መልኣኽ ድማ፡ ዓው ብዝበለ ድምጺ ኸምዚ እናበለ ሰዓቦም፦ “ሓደ እኳ ነቲ ኣራዊት+ እትን ንምስሉን እንተ ሰጊዱ፡ ኣብ ግምባሩ ወይስ ኣብ ኢዱ እውን ምልክት እንተ ተቐቢሉ፡+ | |
| 10 ካብቲ ኣብ ጽዋእ ቍጥዓኡ ብዘይ ሕዋስ እተቐድሐ ወይኒ ቝጥዓ ኣምላኽ እውን ኪሰቲ እዩ፣+ ኣብ ቅድሚ ቕዱሳት መላእኽትን ኣብ ቅድሚ እቲ ገንሸልን ከኣ ብሓውን ብዲንን+ ኪሳቐ እዩ። | |
| 11 ትኪ ስቓዮም ድማ ንዘለኣለመ ኣለም ይዓርግ፣+ እቶም ነቲ ኣራዊትን ንምስሉን ዚሰግዱ፡ እቶም ምልክት ስሙ ኸኣ እተቐበሉ ዘበሉ፡ መዓልትን ለይትን ዕረፍቲ የብሎምን።+ | |
| 12 እቶም ትእዛዛት ኣምላኽን እምነት የሱስን ዚሕልዉ ቕዱሳት ከኣ፡+ ተጻዋርነቶም ኣብዚ እዩ።”+ | |
| 13 ካብ ሰማይ ድማ፡ “ጽሓፍ፦ እቶም ካብ ሕጂ ንደሓር ምስ ጐይታ ሓድነት ኣልይዎም ዚሞቱ ምዉታት ሕጉሳት እዮም።+ እወ፡ ግብሮም እግሪ እግሮም ኪስዕቦም* እዩ እሞ፡ ካብ ጻዕሮም ኪዓርፉ እዮም፡ ይብል መንፈስ” ዚብለኒ ድምጺ ሰማዕኩ። | |
| 14 እንሆ ድማ፡ ጻዕዳ ደበና፡ ኣብ ርእሱ ኣኽሊል ወርቂ፡ ኣብ ኢዱ እውን በሊሕ ማዕጺድ ዘለዎ ወዲ ሰብ ዚመስል+ ከኣ ኣብቲ ደበና ተቐሚጡ ረኣኹ። | |
| 15 ካልእ መልኣኽ ድማ ካብ ቤተ መቕደስ ወጺኡ፡ ነቲ ኣብ ደበና እተቐመጠ፡ “ፍረ ምድሪ ስለ ዝበጽሐ፡ ግዜ ዓጺድ ኣኺሉ ኣሎ እሞ፡ ማዕጺድካ ሰዲድካ ዕጸድ” ኢሉ ዓው ብዝበለ ድምጺ ጸውዖ።+ | |
| 16 እቲ ኣብ ደበና እተቐመጠ ኸኣ፡ ማዕጺዱ ናብ ምድሪ ሰደደ፡ ምድሪ እውን ተዓጽደት። | |
| 17 ካልእ መልኣኽ ድማ ካብታ ኣብ ሰማይ ዘላ ቤተ መቕደስ ወጸ፣ ንሱ እውን በሊሕ ማዕጺድ ነበሮ። | |
| 18 ካልእ መልኣኽ ድማ ካብቲ መሰውኢ ወጸ፣ ንሱ ኸኣ ኣብ ልዕሊ ሓዊ ስልጣን ነበሮ። ነቲ በሊሕ ማዕጺድ ዝሓዘ ድማ፡ “እቲ ወይኒ በሲሉ እዩ እሞ፡ ነቲ በሊሕ ማዕጺድካ ሰዲድካ፡ ነቲ ዘለላታት ወይኒ ምድሪ ኣክቦ” ኢሉ ዓው ብዝበለ ድምጺ ጸውዖ።+ | |
| 19 እቲ መልኣኽ ከኣ ማዕጺዱ ናብ ምድሪ ሰዲዱ፡ ነቲ ወይኒ ምድሪ ኣከቦ፡ ናብቲ ዓብዪ መጽመቝ ወይኒ ቝጥዓ ኣምላኽ እውን ደርበዮ።+ | |
| "20 እቲ መጽመቝ ወይኒ ድማ ኣብ ወጻኢ ኸተማ ተረግጸ፣ ካብቲ መጽመቝ ወይኒ ኸኣ 1,600 ስታድያ* ዚኣክል፡ ክሳብ ልጓማት ኣፍራስ ዚበጽሕ ደም ወጸ።" | |
| 9 እቲ ሓምሻይ መልኣኽ መለኸቱ ነፍሐ።+ ካብ ሰማይ ናብ ምድሪ ዝወደቐ ኰዀብ ከኣ ረኣኹ፣ መፍትሕ ጕድጓድ መዓሙቝ+ እውን ተዋህቦ። | |
| 2 ነቲ ጕድጓድ መዓሙቝ ድማ ከፈቶ፣ ካብቲ ጕድጓድ ከኣ ከም ትኪ ዓብዪ እቶን ዚመስል ትኪ ዓረገ፣ ብትኪ እቲ ጕድጓድ ድማ ጸሓይን ኣየርን ጸልመተ።+ | |
| 3 ካብቲ ትኪ ኸኣ ኣንበጣ ናብ ምድሪ ወጹ፣+ ከም ስልጣን ዕንቅርቢታት ምድሪ ዝበለ ስልጣን ድማ ተዋህቦም። | |
| 4 ነቶም ኣብ ግምባሮም ማሕተም ኣምላኽ ዘይብሎም ሰባት ጥራይ ደኣ እምበር፡+ ኣትክልቲ ምድሪ ዀነ፡ ለምለም ዘበለ ዀነ፡ ወይስ ኣእዋም ዘበለ ኸይጐድኡ ተነግሮም። | |
| 5 ኪቐትልዎም ዘይኰነስ፡ ንሓሙሽተ ወርሒ ኼሳቕይዎም ከኣ ተፈቕደሎም፣ ስቓዮም ድማ ከምቲ ዕንቅርቢት+ ንሰብ ክትነክስ ከላ ዘሎ ስቓይ እዩ። | |
| 6 በተን መዓልትታት እቲአን ከኣ፡ ሰባት ንሞት ኪደልይዎ እሞ ኣይኪረኽብዎን እዮም፣ ሙማት እውን ኪምነዩ እዮም፡ ሞት ግና ካባታቶም ኪሃድም እዩ። | |
| 7 ትርኢት እቶም ኣንበጣ ድማ ንውግእ እተዳለዉ ኣፍራስ ይመስሉ፣+ ኣብ ረርእሶም እውን ኣኽሊላት ወርቂ ዚመስል ነበሮም፣ ገጾም ከኣ ከም ገጽ ሰብ ነበረ፣ | |
| 8 ከም ጸጕሪ ኣንስቲ ዝበለ ጸጕሪ ድማ ነበሮም። ኣስናኖም ከኣ ከም ኣስናን ኣናብስ ነበረ፣+ | |
| 9 ድርዒ ሓጺን ዚመስል ድርዒ ድማ ነበሮም። ደሃይ ኣኽናፎም እውን ከም ደሃይ ናብ ውግእ ብዚጋልቡ ብዙሓት ኣፍራስ ዚስሓብ ሰረገላታት ነበረ።+ | |
| 10 ከም ጭራ ዕንቅርቢት ዚመስል ጭራ ምስ መንደፉ ድማ ነበሮም፣ ንሰባት ሓሙሽተ ወርሒ ኺጐድእዎም ከኣ ኣብ ጭራኦም ስልጣን ነበሮም።+ | |
| 11 ኣብ ልዕሊኦም ንጉስ ነበሮም፣ ንሱ ድማ መልኣኽ መዓሙቝ እዩ።+ ስሙ ብእብራይስጢ ኣባዶን* እዩ፣ ብግሪኽኛ ኸኣ ኣጶልዮን* እዩ። | |
| 12 እቲ ቐዳማይ ወዮ ሓሊፉ። እንሆ፡ ገና ኽልተ ወዮ+ ይመጽእ ኣሎ። | |
| 13 እቲ ሻድሻይ መልኣኽ+ መለኸቱ ነፍሐ።+ ካብ ኣቕርንቲ እቲ ኣብ ቅድሚ ኣምላኽ ዘሎ መሰውኢ ወርቂ+ ኸኣ ድምጺ ሰማዕኩ፣ | |
| 14 ነቲ መለኸት ዘለዎ ሻድሻይ መልኣኽ ድማ፡ “ነቶም ኣብቲ ዓብዪ ፈለግ ኤፍራጥስ ተኣሲሮም ዘለዉ ኣርባዕተ መላእኽቲ ፍትሓዮም” በሎ።+ | |
| 15 እቶም ነታ ሰዓትን መዓልትን ወርሕን ዓመትን እተዳለዉ ኣርባዕተ መላእኽቲ ኸኣ፡ ንሲሶ ሰባት ኪቐትሉ ተፈትሑ። | |
| 16 ቍጽሪ እቶም ሰራዊት ፈረሰኛታት ድማ ክልተ እልፊ ግዜ እልፊ* እዩ፣ ቍጽሮም ሰማዕኩ። | |
| 17 ብራእይ እውን ነቶም ኣፍራስን ነቶም እተወጥሕዎምን ረኣኽዎም፦ ከም ሓዊ ቐይሕን ከም ህያክንቶስ ሰማያውን ከም ዲን ብጫን ዝበለ ድርዒ ነበሮም፣ ኣራእስ እቶም ኣፍራስ ከም ኣራእስ ኣናብስ ይመስል፡+ ካብ ኣፎም እውን ሓውን ትክን ዲንን ይወጽእ ነበረ። | |
| 18 በዚ ሰለስተ መዓት እዚ፡ በቲ ኻብ ኣፎም ዝወጸ ሓውን ትክን ዲንን ሲሶ ሰባት ተቐትሉ። | |
| 19 ከመይሲ፡ ስልጣን እቶም ኣፍራስ ኣብ ኣፎምን ኣብ ጭራኦምን እዩ፣ ጭራኦም ኣትማን እዩ ዚመስል፡ ኣራእስ እውን ኣለዎ፣ ብእኡ ገይሮም ድማ ይጐድኡ። | |
| 20 እቶም በዚ መዓታት እዚ ኸይተቐትሉ ዝተረፉ ሰባት ግና፡ ካብ ግብሪ ኣእዳዎም ኣይተነስሑን፣ ንኣጋንንትን ነቶም ኪርእዩን ኪሰምዑን ኪኸዱን ዘይክእሉ ጣኦታት ወርቅን ብሩርን ነሓስን እምንን ዕንጨይትን ምምላኽ ኣየቋረጹን።+ | |
| 21 ካብቲ ዚገብርዎ ቕትለት ኰነ፡ ካብ መናፍስታዊ ተግባራት ኰነ፡ ካብ ምንዝርና* ዀነ፡ ወይስ ካብ ስርቂ እውን ኣይተነስሑን። | |
| 13 ኣብ ሑጻ ባሕሪ እውን ደው በለ።* ዓሰርተ ቐርንን ሸውዓተ ርእስን፡ ኣብ ኣቕርንቱ ኸኣ ዓሰርተ ዘውዲ፡ ኣብ ኣራእሱ እውን ስማት ጸርፊ ዘለዎ ኣራዊት+ ካብ ባሕሪ ኺወጽእ ከሎ ረኣኹ።+ | |
| 2 እቲ ዝረኣኽዎ ኣራዊት ከኣ ነብሪ ይመስል፡ ኣእጋሩ ግና ከም ናይ ድቢ፡ ኣፉ እውን ከም ኣፍ ኣንበሳ እዩ። እቲ ገበል+ ድማ ነቲ ኣራዊት ሓይሉን ዝፋኑን ብዙሕ ስልጣንን ሃቦ።+ | |
| 3 ሓደ ኻብቶም ኣራእሱ ኸኣ ናብ ሞት ዜብጽሕ ቍስሊ ነበሮ፣ እቲ ናብ ሞት ዜብጽሕ ቍስሉ ግና ሓወየ፣+ ብዘላ ምድሪ ድማ ተገሪማ ደድሕሪ እቲ ኣራዊት ሰዓበት። | |
| 4 ነቲ ኣራዊት ስልጣን ስለ ዝሃቦ ኸኣ፡ ነቲ ገበል ሰገዱሉ፣ ነቲ ኣራዊት እውን፡ “ነዚ ኣራዊት እዚ መን ይመስሎ፧ መንከ ኺዋግኦ ይኽእል፧” እናበሉ ሰገዱሉ። | |
| 5 ዓብዪ ነገራትን ጸርፍን ዚዛረብ ኣፍ ተዋህቦ፣ ብ42 ወርሒ ኺገብር እውን ስልጣን ተዋህቦ።+ | |
| 6 ንኣምላኽ ኪጸርፍ፡+ ንስሙን ንማሕደሩን ነቶም ኣብ ሰማይ ዚነብሩ+ እውን ኪጸርፍ ኣፉ ኸፈተ። | |
| 7 ምስቶም ቅዱሳት ውግእ ኪገብርን ኪስዕሮምን ከኣ ተፈቕደሉ፣+ ኣብ ልዕሊ ዅሎም ነገድን ህዝብን ቋንቋን ኣህዛብን ድማ ስልጣን ተዋህቦ። | |
| 8 ኵሎም እቶም ኣብ ምድሪ ዚነብሩ ኸኣ ኪሰግዱሉ እዮም። ካብ ምስራት ዓለም ኣትሒዙ፡ ናይ ሓዲኦም ስም እኳ ኣብታ ናይቲ እተሓርደ ገንሸል*+ ዝዀነት ጥቕልልቲ መጽሓፍ ህይወት ኣይተጻሕፈን።+ | |
| 9 እዝኒ ዘለዎ እንተሎ፡ ይስማዕ።+ | |
| 10 ዚማረኽ እንተሎ፡ ተማሪኹ ኪኸይድ እዩ። ብሰይፊ ዚቐትል* እንተሎ፡ ብሰይፊ ኪቕተል ኣለዎ።+ ተጻዋርነትን+ እምነትን+ እቶም ቅዱሳት+ ኣብዚ እዩ። | |
| 11 ካልእ ኣራዊት እውን ካብ ምድሪ ኺወጽእ ከሎ ረኣኹ፣ ናይ ገንሸል ዚመስል ክልተ ቐርኒ እውን ነበሮ፣ ግናኸ፡ ከም ገበል ይዛረብ ነበረ።+ | |
| 12 ብዅሉ ስልጣን እቲ ቐዳማይ ኣራዊት+ ድማ ኣብ ቅድሚኡ ዀይኑ ይገብር። ምድርን እቶም ኣብኣ ዚነብሩን ከኣ ነቲ ናብ ሞት ዜብጽሕ ቍስሉ ዝሓወየሉ+ ቐዳማይ ኣራዊት ከም ዚሰግዱሉ ይገብር። | |
| 13 ኣብ ቅድሚ ሰብሲ ሓዊ እኳ ኻብ ሰማይ ናብ ምድሪ ኽሳዕ ዜውርድ፡ ዓበይቲ ትእምርትታት ይገብር። | |
| 14 ነቶም ኣብ ምድሪ ዚነብሩ ድማ፡ ነቲ ብሰይፊ እተወቕዐ፡ ግናኸ ዝሓወየ ኣራዊት፡+ ምስሊ ኺገብሩሉ እናበለ፡+ በቲ ኣብ ቅድሚ እቲ ኣራዊት ኪገብሮ እተፈቕደሉ ትእምርትታት፡ ነቶም ኣብ ምድሪ ዚነብሩ የስሕቶም። | |
| 15 ምስሊ እቲ ኣራዊት ምእንቲ ኺዛረብን ንዅሎም እቶም ንምስሊ እቲ ኣራዊት ዘይሰግዱ ዘበሉ ምእንቲ ኬቕትሎምን ከኣ፡ ንምስሊ እቲ ኣራዊት ትንፋስ* ኪህብ ተፈቕደሉ። | |
| 16 ንዅሎም ድማ፡ ንንኣሽቱን ንዓበይትን፡ ንሃብታማትን ንድኻታትን፡ ንጭዋታትን ንባሮትን፡ ኣብ የማናይ ኢዶም ወይስ ኣብ ግምባሮም ምልክት ኪቕበሉ ገደዶም፣+ | |
| 17 እቲ ምልክት፡—ስም+ እቲ ኣራዊት ወይስ ቍጽሪ ስሙ፡+—ዘለዎ እንተ ዘይኰይኑ ድማ፡ ሓደ እኳ ኺዕድግ ወይ ኪሸይጥ ከም ዘይክእል ይገብር። | |
| 18 ጥበብ ኣብዚ እያ፦ ቍጽሪ እቲ ኣራዊት፡ ቍጽሪ ሰብ እዩ እሞ፡ ልቦና ዘለዎ ይጸብጽቦ፣ ቍጽሩ ኸኣ 666 እዩ።+ | |
| 5 ኣብ የማነይቲ ኢድ እቲ ኣብ ዝፋን እተቐመጠ ድማ፡+ ብውሽጣን ብዝባናን እተጻሕፋ፡ ብሸውዓተ ማሕተም ከኣ እተሓትመት ጥቕልልቲ መጽሓፍ ረኣኹ። | |
| 2 ሓደ ብርቱዕ መልኣኽ ድማ፡ “ነዛ ጥቕልልቲ መጽሓፍ እዚኣ ኪቐልዓን ነቲ ማሕተማታ ኺፈትሖን ዚበቅዕ መን እዩ፧” ኢሉ ዓው ብዝበለ ድምጺ ኺእውጅ ከሎ ረኣኽዎ። | |
| 3 ኣብ ሰማይ ኰነ፡ ኣብ ምድሪ ዀነ፡ ወይስ ኣብ ትሕቲ ምድሪ፡ ነታ ጥቕልልቲ መጽሓፍ እቲኣ ኪቐልዓ ወይስ ኪርእያ ዚኽእል ሓደ እኳ ኣይነበረን። | |
| 4 ኣነ ኸኣ፡ ነታ ጥቕልልቲ መጽሓፍ ኪቐልዓ ወይስ ኪርእያ ዚበቅዕ ሓደ እኳ ስለ ዘይተረኽበ፡ ብዙሕ በኸኹ። | |
| 5 ሓደ ኻብቶም ሽማግለታት ግና፡ “ደጊም ኣይትብከ። እንሆ፡ እቲ ኻብ ነገድ ይሁዳ ዝዀነ ኣንበሳ፡+ እቲ ሱር+ ዳዊት፡+ ነታ ጥቕልልቲ መጽሓፍ ኪቐልዓን ነቲ ማሕተማታ ኺፈትሖን ስዒሩ ኣሎ”+ በለኒ። | |
| 6 ኣብ ማእከል እቲ ዝፋንን እቶም ኣርባዕተ ህያዋን ፍጡራትን ኣብ ማእከል እቶም ሽማግለታትን፡+ ተሓሪዱ ኸም ዝነበረ ዚመስል+ ገንሸል*+ ደው ኢሉ ረኣኹ። ንሱ ኸኣ ሸውዓተ ቐርንን ሸውዓተ ዓይንን ኣለዎ፣ እቲ ኣዒንቲ ድማ እቶም ኣብ ብዘላ ምድሪ እተላእኩ ሸውዓተ መናፍስቲ ኣምላኽ እዮም።+ | |
| 7 ንሱ ኸኣ ቀሪቡ፡ ካብ የማነይቲ ኢድ እቲ ኣብ ዝፋን እተቐመጠ ወሰዳ።+ | |
| 8 ነታ ጥቕልልቲ መጽሓፍ ምስ ወሰዳ ድማ፡ እቶም ኣርባዕተ ህያዋን ፍጡራትን እቶም 24 ሽማግለታትን፡+ ነፍሲ ወከፎም መሰንቆን* ዕጣን ዝመልአ ጭሔሎ ወርቅን ሒዞም፡—እቲ ዕጣን ድማ ጸሎት እቶም ቅዱሳት እዩ፡—ኣብ ቅድሚ እቲ ገንሸል ፍግም በሉ።+ | |
| 9 ከምዚ እናበሉ ኸኣ ሓድሽ መዝሙር ዘመሩ፦+ “ንስኻ ነታ ጥቕልልቲ መጽሓፍ ክትወስዳን ነቲ ማሕተማታ ኽትፈትሖን ብቑዕ ኢኻ፣ ምኽንያቱ፡ ተሓሪድካስ ብደምካ ኻብ ብዘሎ ነገዳትን ቋንቋታትን ህዝብታትን ኣህዛብን+ ንኣምላኽ ዚዀኑ ሰባት ዓዲግካ ኢኻ፣+ | |
| 10 ንኣምላኽና ድማ መንግስትን+ ካህናትን+ ጌርካዮም ኢኻ፣ ኣብ ልዕሊ ምድሪ ኸኣ ኪነግሱ እዮም።”+ | |
| 11 ረኣኹ ድማ፡ ኣብ ዙርያ እቲ ዝፋንን እቶም ህያዋን ፍጡራትን እቶም ሽማግለታትን ከኣ ድምጺ ብዙሓት መላእኽቲ ሰማዕኩ፣ ቍጽሮም ድማ ኣእላፋት ግዜ ኣእላፋት፡* ኣሽሓት ግዜ ኣሽሓት እዩ።+ | |
| 12 ዓው ብዝበለ ድምጺ ኸኣ፡ “እቲ እተሓርደ ገንሸል፡+ ሓይልን ሃብትን ጥበብን ብርታዐን ክብርን ግርማን በረኸትን ኪቕበል ብቑዕ እዩ” በሉ።+ | |
| 13 ኣብ ሰማይን ኣብ ምድርን ኣብ ትሕቲ ምድርን+ ኣብ ባሕርን ዘሎ ዅሉ ፍጡር፡ ኣባታቶም ዘሎ ዘበለ ዅሉ እውን፡ “በረኸትን ክብርን+ ግርማን ሓይልን ንዘለኣለመ ኣለም+ ነቲ ኣብ ዝፋን ተቐሚጡ ዘሎን+ ነቲ ገንሸልን ይኹን”+ ኪብሉ ኸለዉ ሰማዕኩ። | |
| 14 እቶም ኣርባዕተ ህያዋን ፍጡራት ድማ፡ “ኣሜን!” በሉ፣ እቶም ሽማግለታት እውን ፍግም ኢሎም ሰገዱ። | |
| 21 እቲ ቐዳማይ ሰማይን እታ ቐዳመይቲ ምድርን ሓሊፎም፡+ ባሕሪ+ እውን ደጊም የልቦን እሞ፡ ሓድሽ ሰማይን ሓዳስ ምድርን ረኣኹ።+ | |
| 2 እታ ቕድስቲ ኸተማ፡ እታ ሓዳስ የሩሳሌም፡ ንሰብኣያ ኢላ ኸም እተሰለመት መርዓት ተዳልያ፡+ ካብ ሰማይ ካብ ኣምላኽ ክትወርድ ከላ እውን ረኣኹ።+ | |
| 3 ካብቲ ዝፋን ከኣ ከምዚ ዚብል ዓው ዝበለ ድምጺ ሰማዕኩ፦ “እንሆ፡ ድንኳን ኣምላኽ ምስ ሰብ፡ ንሱ እውን ምሳታቶም ኪነብር እዩ፣ ንሳቶም ከኣ ህዝቡ ኪዀኑ እዮም። ኣምላኽ ባዕሉ እውን ምሳታቶም ኪኸውን እዩ።+ | |
| 4 ንብዘሎ ንብዓት ካብ ኣዒንቶም ኪደርዝ እዩ፣+ ደጊም ሞት ኣይኪኸውንን፡+ ደጊም እውን ሓዘን ወይ ኣውያት ወይ ስቓይ ኣይኪኸውንን እዩ።+ እቲ ቐዳማይ ሓሊፉ እዩ።” | |
| 5 እቲ ኣብ ዝፋን እተቐመጠ ኸኣ፡+ “እንሆ፡ ንዅሉ እሕድሶ ኣለኹ” በለ።+ “እዚ ቓል እዚ እሙንን ሓቅን እዩ እሞ፡ ጽሓፍ” ድማ በለኒ። | |
| 6 ከምዚ እውን በለኒ፦ “ኰይኑ! ኣልፋን ኦሜጋን፡* መጀመርታን መወዳእታን ኣነ እየ።+ ንዝጸምአ፡ ካብ ዓይኒ ማይ ህይወት ብናጻ* ኽህቦ እየ።+ | |
| 7 እቲ ዚስዕር፡ ነዚ ኺወርስ እዩ፣ ኣነ ኣምላኹ ክኸውን፡ ንሱ እውን ወደይ ኪኸውን እዩ። | |
| 8 እቶም ፈራሃትን ዘይኣምኑን+ ብጽያፎም ዜፈንፍኑን ቀተልቲ ነፍስን+ ኣመንዝራታትን*+ መናፍስታዊ ተግባራት ዚገብሩን ኣምለኽቲ ጣኦትን ኵሎም ሓሰውትን+ ግና፡ ግዲኦም ኣብቲ ብሓውን ዲንን ዚነድድ ቀላይ እዩ።+ እዚ እቲ ኻልኣይ ሞት እዩ።”+ | |
| 9 ሓደ ኻብቶም በቲ ዳሕሮት ሸውዓተ መዓት ዝመልአ ሸውዓተ ጭሔሎ ዝሓዙ ሸውዓተ መላእኽቲ+ መጺኡ ኸኣ፡ “ንዓ እሞ ነታ መርዓት፡ ሰበይቲ እቲ ገንሸል፡*+ ከርእየካ እየ” በለኒ። | |
| 10 ብመንፈስ ድማ ናብ ዓብይን ነዊሕን ከረን ወሰደኒ፣ እታ ቕድስቲ ኸተማ የሩሳሌም ካብ ሰማይ ካብ ኣምላኽ ክትወርድ ከላ ኸኣ ኣርኣየኒ፣+ | |
| 11 ክብሪ ኣምላኽ እውን ነበራ።+ ድምቀት ብርሃና ኸኣ ከም ኣዝዩ ኽቡር እምኒ፡ ከምቲ ኸም ጽሩይ ክሪስታል ዜብርህ እምኒ ያስጲስ ነበረ።+ | |
| 12 ዓብይን ነዊሕን መካበብያን 12 ኣፍ ደገታትን ነበራ፣ ኣብቲ ኣፍ ደገታት ድማ 12 መላእኽቲ ነበሩ፣ ኣብቲ ኣፍ ደገታት እውን ስማት እቶም 12 ነገዳት ደቂ እስራኤል ተጻሒፉ ነበረ። | |
| 13 ብምብራቕ ሰለስተ ኣፍ ደገ፡ ብሰሜን ድማ ሰለስተ ኣፍ ደገ፡ ብደቡብ ከኣ ሰለስተ ኣፍ ደገ፡ ብምዕራብ ድማ ሰለስተ ኣፍ ደገ ነበረ።+ | |
| 14 መካበብያ እታ ኸተማ ኸኣ 12 እምኒ መሰረት ነበሮ፣ ኣብኡ ድማ 12 ስማት እቶም 12 ሃዋርያት+ እቲ ገንሸል ነበረ። | |
| 15 እቲ ዚዛረበኒ ዝነበረ ኸኣ፡ ነታ ኸተማን ነቲ ኣፍ ደገታታን ነቲ መካበብያኣን ምእንቲ ኺዕቅነሉ፡ ሻምብቆ ወርቂ ኸም መዐቀኒ ሒዙ ነበረ።+ | |
| "16 እታ ኸተማ ድማ ትርብዒት ነበረት፣ ንውሓታ እውን ክንዲ እቲ ግፍሓ ነበረ። በቲ ሻምብቆ ድማ ነታ ኸተማ ዓቀና እሞ 12,000 ስታድያ* ዀነት፣ ንውሓታን ግፍሓን ቍመታን ከኣ ማዕረ ነበረ።" | |
| 17 ነቲ መካበብያኣ ድማ ዓቀኖ እሞ ብመዐቀኒ ሰብ፡ ብመዐቀኒ መልኣኽ እውን፡ 144 እመት* ኰነ። | |
| 18 እቲ መካበብያኣ ኸኣ ብያስጲስ+ እተገብረ ነበረ፣ እታ ኸተማ እውን ከም ጽሩይ መረጼን ዚመስል ጽሩይ ወርቂ ነበረት። | |
| 19 መሰረታት መካበብያ እታ ኸተማ ኸኣ ብኽቡር እምኒ ዘበለ ተሰሊሙ ነበረ፦ እቲ ቐዳማይ መሰረት ያስጲስ፡ እቲ ኻልኣይ ሰፊሮስ፡ እቲ ሳልሳይ ከልቄዶን፡ እቲ ራብዓይ ስመራግዶስ፡ | |
| 20 እቲ ሓምሻይ ሰርዶንክስ፡ እቲ ሻድሻይ ሰርድዮስ፡ እቲ ሻውዓይ ክሪሶሊት፡ እቲ ሻምናይ በሪሎስ፡ እቲ ታሽዓይ ቶጳዝዮን፡ እቲ ዓስራይ ክሪሶጵራስ፡ እቲ መበል ዓሰርተው ሓደ ህያክንቶስ፡ እቲ መበል ዓሰርተው ክልተ ኣሜትስጦስ ነበረ። | |
| 21 እቲ 12 ኣፍ ደገ ድማ 12 ሉል ነበረ፣ ነፍሲ ወከፍ ኣፍ ደገ ኻብ ሓደ ሉል እተገብረ ነበረ። ጐደና እታ ኸተማ ኸኣ ከም ጽሩይ መረጼን ዚመስል ጽሩይ ወርቂ ነበረ። | |
| 22 እቲ ዅሉ ዚኽእል+ የሆዋ* ኣምላኽ ቤተ መቕደሳ እዩ፡ እቲ ገንሸል እውን ከምኡ እዩ እሞ፡ ኣብኣ ቤተ መቕደስ ኣይረኣኹን። | |
| 23 ነታ ኸተማ፡ ክብሪ ኣምላኽ ኣብሪሁላ፡+ መብራህታ እውን እቲ ገንሸል እዩ እሞ፡+ ጸሓይ ወይ ወርሒ ኼብርሃላ ኣየድልያን እዩ። | |
| 24 ኣህዛብ ብብርሃና ኺመላለሱ፡+ ነገስታት ምድሪ እውን ክብሮም ናብኣ ኼምጽኡ እዮም። | |
| 25 ኣብኣ ለይቲ ኣይኪኸውንን እዩ እሞ፡ ኣፍ ደገታታ ብመዓልቲ ኸቶ ኣይኪዕጾን እዩ።+ | |
| 26 ግርማን ክብርን ኣህዛብ ከኣ ናብኣ ኼምጽኡ እዮም።+ | |
| 27 እቶም ኣብታ ጥቕልልቲ መጽሓፍ ህይወት እቲ ገንሸል እተጻሕፉ ደኣ እዮም ዚኣትዉ እምበር፡+ ርኽሰት ዘበለን ጽያፍን ዜታልል ነገርን ዚገብር ዘበለን ናብኣ ኸቶ ኣይኪኣቱን እዩ።+ | |
| 15 ኣብ ሰማይ ድማ ካልእ ዓብይን ዜገርምን ትእምርቲ፡ ሸውዓተ መዓት ዝሓዙ ሸውዓተ መላእኽቲ ረኣኹ።+ እቲ ቝጥዓ ኣምላኽ ብእኡ ኺፍጸም እዩ እሞ፡ እዚ እቲ ዳሕረዋይ እዩ።+ | |
| 2 ምስ ሓዊ እተሓወሰ ኸም መረጼን ዚመስል ባሕሪ ኸኣ ረኣኹ፣+ እቶም ነቲ ኣራዊትን ነቲ ምስሉን+ ነቲ ቝጽሪ ስሙን+ ዝሰዓሩ፡+ መሰንቆታት* ኣምላኽ ሒዞም፡ ኣብ ጥቓ እቲ ባሕሪ መረጼን ደው ኢሎም ረኣኹ። | |
| 3 መዝሙር ሙሴ+ እቲ ባርያ ኣምላኽን መዝሙር እቲ ገንሸልን*+ ከምዚ እናበሉ ዘመሩ፦ “ኣታ ዅሉ እትኽእል+ የሆዋ* ኣምላኽ፡ ግብርኻ ዓብይን ግሩምን እዩ።+ ኣታ ንጉስ ዘለኣለም፡+ መገድታትካ ቕኑዕን ሓቅን እዩ።+ | |
| 4 ኦ የሆዋ፡* ንስኻ በይንኻ እሙን ኢኻ እሞ፡ ዘይፈርሃካን ንስምካ ዘየኽብርንከ መን እዩ፧+ ቅኑዕ ትእዛዛትካ ተጋሂዱ እዩ እሞ፡ ኵሎም ኣህዛብ ኪመጹን ኣብ ቅድሜኻ ኺሰግዱን እዮም።”+ | |
| 5 ድሕርዚ ድማ ረኣኹ፡ እታ መቕደስ ድንኳን ምስክር+ ከኣ ኣብ ሰማይ ተኸፍተት፣+ | |
| 6 እቶም ሸውዓተ መዓት ዝሓዙ ሸውዓተ መላእኽቲ፡+ ጽሩይ ብሩህ በፍታ ተኸዲኖም፡ ዕጣቕ ወርቂ ድማ ኣብ ኣፍ ልቦም ተዓጢቖም ካብታ መቕደስ ወጹ። | |
| 7 ሓደ ኻብቶም ኣርባዕተ ህያዋን ፍጡራት ከኣ ነቶም ሸውዓተ መላእኽቲ፡ ቍጥዓ እቲ ንዘለኣለመ ኣለም ህያው ኰይኑ ዚነብር ኣምላኽ ዝመልአ ሸውዓተ ጭሔሎ ወርቂ ሃቦም።+ | |
| 8 እታ መቕደስ ድማ ካብ ክብርን ሓይልን ኣምላኽ እተላዕለ ብትኪ መልአት፣+ እቲ ናይቶም ሸውዓተ መላእኽቲ ሸውዓተ መዓት+ ክሳዕ ዚውዳእ ከኣ፡ ሓደ እኳ ናብታ መቕደስ ኪኣቱ ኣይከኣለን። | |
| 22 ካብ ናይ ኣምላኽን ናይቲ ገንሸልን*+ ዝፋን ዚውሕዝ ከም ክሪስታል ዝምጽራዩ ፈለግ ማይ ህይወት ከኣ ኣርኣየኒ፣+ | |
| 2 ብማእከል እቲ ጐደና ድማ ይውሕዝ ነበረ። ብኽልቲኡ ሸነኽ እቲ ፈለግ ከኣ፡ ኣብ ወወርሒ እናፈረያ፡ ኣብ ዓመት 12 ሳዕ ዚፈርያ ኣእዋም ህይወት ነበራ። ኣቝጽልቲ እተን ኣእዋም ድማ፡ ፈውሲ ኣህዛብ እዩ።+ | |
| 3 ደጊም ከኣ መርገም ከቶ ኣይኪኸውንን እዩ። ናይ ኣምላኽን ናይቲ ገንሸልን ዝፋን+ ግና ኣብታ ኸተማ ኪኸውን እዩ፣ ባሮቱ እውን ኬገልግልዎ* እዮም፣ | |
| 4 ገጹ ኸኣ ኪርእዩ እዮም፣+ ስሙ እውን ኣብ ግምባሮም ኪኸውን እዩ።+ | |
| 5 የሆዋ* ኣምላኽ ድማ ኬብርሃሎም እዩ እሞ፡+ ደጊም ለይቲ ኣይኪኸውንን፡+ መብራህቲ ዀነ ብርሃን ጸሓይ ኣይኬድልዮምን እዩ፣ ንዘለኣለመ ኣለም ከኣ ኪነግሱ እዮም።+ | |
| 6 ከምዚ ድማ በለኒ፦ “እዚ ቓል እዚ እሙንን ሓቅን እዩ፣+ እወ፡ የሆዋ፡* እቲ ንነብያት ኪንበዩ ድራኸ ዝገበረ ኣምላኽ፡+ እቲ ቐልጢፉ ኪኸውን ዘለዎ ነገር ንባሮቱ ኼርእዮም፡ መልኣኹ ሰዲዱ እዩ። | |
| 7 እንሆ፡ ቀልጢፈ እመጽእ ኣለኹ።+ እቲ ንቓል ትንቢት እዛ ጥቕልልቲ መጽሓፍ እዚኣ ዚሕሉ ዘበለ ሕጉስ እዩ።”+ | |
| 8 ነዚ ነገር እዚ ዝሰማዕክዎን ዝረኣኽዎን፡ ኣነ ዮሃንስ እየ። ምስ ሰማዕኩን ምስ ረኣኹን ከኣ፡ ኣብ ቅድሚ ኣእጋር እቲ ነዚ ነገር እዚ ዘርኣየኒ መልኣኽ ክሰግድ ፍግም በልኩ። | |
| 9 ንሱ ግና፡ “ከይትገብሮ ተጠንቀቕ! ኣነስ ከማኻን ከምቶም ኣሕዋትካ ነብያትን ከምቶም ንቓል እዛ ጥቕልልቲ መጽሓፍ እዚኣ ዚሕልዉን ባርያ እየ። ንኣምላኽ ደኣ ኣምልኮ” በለኒ።+ | |
| 10 ከምዚ ድማ በለኒ፦ “እቲ ምዱብ ግዜ ቐሪቡ እዩ እሞ፡ ንቓል ትንቢት እዛ ጥቕልልቲ መጽሓፍ እዚኣ ኣይትሕተሞ። | |
| 11 እቲ ዓማጺ ብሕጂ እውን ይዓምጽ፣ እቲ ረሳሕ ከኣ ብሕጂ እውን ይርሳሕ፣ እቲ ጻድቕ ድማ ብሕጂ እውን ይጽደቕ፣ እቲ ቕዱስ ከኣ ብሕጂ እውን ይቀደስ። | |
| 12 “‘እንሆ፡ ቀልጢፈ እመጽእ ኣለኹ፡ ንነፍሲ ወከፍ ከከም ግብሩ ኽፈድዮ ኸኣ፡ እቲ ዝህቦ ዓስቢ ምሳይ እዩ።+ | |
| 13 ኣልፋን ኦሜጋን፡*+ ቀዳማይን ዳሕራይን፡ መጀመርታን መወዳእታን ኣነ እየ። | |
| 14 እቶም ናብተን ኣእዋም ህይወት ኪኸዱ ስልጣን ምእንቲ ኺህልዎም ኢሎም፡+ ናብታ ኸተማ ኸኣ ብኣፍ ደገታት ምእንቲ ኺኣትዉ ኢሎም፡+ ነቲ ወለል ዚብል ክዳውንቶም ዚሓጽቡ ሕጉሳት እዮም።+ | |
| 15 እቶም ኣኽላባትን* መናፍስታዊ ተግባራት ዚገብሩን ኣመንዝራታትን* ቀተልቲ ነፍስን ኣምለኽቲ ጣኦትን እቶም ሓሶት ዚፈትዉን ዚሕስዉን ዘበሉ ዅሎምን ከኣ ኣብ ወጻኢ እዮም።’+ | |
| 16 “‘ኣነ የሱስ፡ ምእንቲ እተን ጉባኤታት ነዚ ነገር እዚ ኺምስክረልኩም ኢለ፡ ንመልኣኸይ ሰዲደዮ እየ። ኣነ ሱርን ዘርእን ዳዊት፡+ እቲ ብሩህ ኰዀብ ጽባሕ እየ።’”+ | |
| 17 እቲ መንፈስን እታ መርዓትን፡+ “ንዓ!” ይብሉ ኣለዉ። እቲ ዚሰምዕ እውን፡ “ንዓ!” ይበል። ዝጸምአ ኸኣ ይምጻእ፣+ ዝደለየ እውን ማይ ህይወት ብናጻ ይውሰድ።+ | |
| 18 “ቃል ትንቢት እዛ ጥቕልልቲ መጽሓፍ እዚኣ ንዚሰምዑ ዘበሉ እምስክረሎም ኣለኹ፦ ሓደ እኳ ናብዚ እንተ ወሲኹ፡+ ኣምላኽ ኣብዛ ጥቕልልቲ መጽሓፍ እዚኣ ተጻሒፉ ዘሎ መዓታት ኪውስኸሉ እዩ፣+ | |
| 19 ሓደ እኳ ኻብ ቃል እዚ ኣብዛ ጥቕልልቲ መጽሓፍ ዘሎ ትንቢት እዚ እንተ ኣጕዲሉ፡ ኣምላኽ ካብተን ኣብዛ ጥቕልልቲ መጽሓፍ ተጻሒፈን ዘለዋ ኣእዋም ህይወትን+ ቅድስቲ ኸተማን+ ግዲኡ ኼጕድለሉ እዩ። | |
| 20 “እቲ ነዚ ነገር እዚ ዚምስክር፡ ‘እወ፡ ቀልጢፈ እመጽእ ኣለኹ’ ይብል ኣሎ።”+ “ኣሜን! ጐይታና የሱስ፡ ንዓ።” | |
| 21 ጸጋ ጐይታና የሱስ ምስ ቅዱሳት ይኹን። | |